Белсат
Белсат — беларускамоўны канал Польскага грамадскага тэлебачання. Службовая назва — «TV Białoruś».
|
[правіць] Гісторыя
Канал БЕЛСАТ утвораны на падставе дамовы МЗС Польшчы і TVP (Польскае грамадскае тэлебачанне) 23 красавіка 2007, хоць над яго стварэннем яшчэ з чэрвеня 2006 працавала група журналістаў з Польшчы і Беларусі пад кіраўніцтвам Агнешкі Рамашэўскай-Гузы, прызначанай на пасаду дырэктара. Польскае тэлебачанне атрымала ў 2007 фінансавым годзе з дзяржаўнага бюджэту 16 000 000 злотых (каля 4 000 000 еўра) на падрыхтоўку каналу да эфіру і пачатак вяшчання. Канал пачаў выходзіць у эфір 10 снежня 2007, калі ў свеце адзначаўся Дзень правоў чалавека. Пачаткова канал вяшчаў 4 гадзіны на суткі - у фармаце двух чатырохгадзінных блокаў, ад сакавіка 2008 года - 6 гадзін на суткі і тры дзвюхгадзінныя блокі, ад красавіка 2008 года - 6 гадзін на суткі і два трохгадзінныя блокі. У будучыні плануецца пераход да 16-гадзіннага эфіру.
Праграмы тэлеканала БЕЛСАТ разлічаныя перадусім на жыхароў Беларусі. У эфір выходзяць інфармацыйныя перадачы, публіцыстыка, кінафільмы, праграмы, прысвечаныя гісторыі і культуры, моладзевыя перадачы.
Над праграмай каналa БЕЛСАТ працуе некалькі дзесяткаў журналістаў у Беларусі, Польшчы, Лiтве i Чэхіі.
8 ліпеня 2008 канал БЕЛСАТ пачаў вяшчанне з спадарожніка Sirius.
[правіць] Параметры прагляду
На сёння канал БЕЛСАТ транслюе свае перадачы з двух спадарожнікаў: Astra-1Kr і Sirius.
Параметры канала для Astra-1Kr: пазіцыя 19,2˚E, палярызацыя H, частата 10 773 MHz.
Параметры канала для Sirius: пазіцыя 5˚E, палярызацыя H, частата 12 379,6 МHz.
[правіць] Дачыненні з беларускімі ўладамі
У 2007 Прэзідэнт РБ Аляксандр Лукашэнка заявіў, што праект вяшчання незалежнага беларускага канала з Польшчы з'яўляецца "глупым, бязглуздым і нетаварыскім"[1].
27-28 сакавіка 2008 года беларускі КДБ правёў вобшукі і арышты журналістаў замежных СМІ, якія працуюць на тэрыторыі Беларусі (Белсата, Радыё Рацыя, Еўрарадыё)[2]. Афіцыйны прадстаўнік беларускага МЗС сцвердзіў, што арыштаваных людзей нельга лічыць журналістамі замежных медыяў, бо яны не маюць акрэдытацыі[3]. Арышты і вобшукі праводзіліся на падставе справы аб абразе гонару Прэзідэнта Рэспублікі Беларусь Аляксандра Лукашэнкі[4]. Прадстаўнікі ж самога канала БЕЛСАТ заявілі, што дзеянні Камітэта дзяржаўнай бяспекі звязаныя з "перадачай аб'ектыўных рэпартажаў з месца жорсткага разгону" апазіцыйнага мітынгу, прысвечанага 90-годдзю абвяшчэння незалежнасці БНР (Дню Волі), а таксама інфармацыі "пра рэальную эканамічную і палітычную сітуацыю на Беларусі"[5].
[правіць] Крытыка
Канал БЕЛСАТ крытыкаваўся за невыкананне колішняга абяцання хуткага пашырэння вяшчання на касмічны спадарожнік Sirius, папулярны ў Беларусі[6], за нізкую якасць перадач і за пагарду да патэнцыйных гледачоў[7]. У адказ прэс-службай канала было распаўсюджана інтэрв'ю Агнешкі Рамашэўскай[8].
[правіць] У Сеціве
Зноскі
- ↑ http://news.tut.by/86821.html
- ↑ http://www.belsat.eu/generator.php?lista_wezlow=1,71,243
- ↑ http://www.nn.by/index.php?c=ar&i=16123
- ↑ http://www.nn.by/index.php?c=ar&i=16094
- ↑ http://www.belsat.eu/generator.php?lista_wezlow=1,71,243
- ↑ http://naviny.by/rubrics/opinion/2008/04/02/ic_articles_410_156370/
- ↑ http://nn.by/index.php?c=ar&i=16288
- ↑ http://www.belsat.eu/generator.php?lista_wezlow=71,255
