Генрых VIII

З пляцоўкі Вікіпедыя
Перайсці да: рух, знайсці
Генрых VIII
Henry VIII
Генрых VIII
сцяг
Кароль Англіі
22 красавіка 1509 — 28 студзеня 1547
Папярэднік: Генрых VII
Пераемнік: Эдуард VI
сцяг
1-ы Уладар Ірландыі
1509 — 1541
Папярэднік: Генрых VII
У 1541 годзе ірландскі парламент надаў Генрыху VIII тытул «Кароль Ірландыі».
сцяг
Кароль Ірландыі
1541 — 1547
Пераемнік: Эдуард VI
 
Веравызнанне: Каталіцызм, перайшоў у пратэстантызм
Нараджэнне: 28 чэрвеня 1491({{padleft:1491|4|0}}-{{padleft:6|2|0}}-{{padleft:28|2|0}})
Грынвіч
Смерць: 28 студзеня 1547({{padleft:1547|4|0}}-{{padleft:1|2|0}}-{{padleft:28|2|0}}) (55 гадоў)
Лондан
Пахаваны: Капэла св. Георгія Віндзорскага замка
Дынастыя: Цюдоры
Бацька: Генрых VII
Маці: Елізавета Ёркская
Жонка: 1. Кацярына Арагонская
2. Ганна Болейн
3. Джэйн Сеймур
4. Ганна Клеўская
5. Кацярына Говард
6. Кацярына Пар
Дзеці: сыны: Генры Фіцрой, Эдуард VI
дочкі: Марыя I і Елізавета I
 
Аўтограф: Аўтограф

Ге́нрых VIII Цюдо́р (анг. Henry VIII; 28 чэрвеня 1491, Грынвіч — 28 студзеня 1547, Лондан) — кароль Англіі з 22 красавіка 1509 года, сын і спадчыннік караля Генрыха VII, другі брытанскі манарх з дынастыі Цюдараў. Са згоды Рымскай каталіцкай царквы, англійскія каралі называліся таксама «ўладарамі Ірландыі», аднак ў 1541 годзе, па патрабаванню адлучаны ад каталіцкай царквы Генрыха VIII, ірландскі парламент надзяліў яго тытулам «Кароль Ірландыі».

Адукаваны і адораны, Генрых кіраваў як прадстаўнік еўрапейскага абсалютызму, да канца царавання жорстка пераследваў сваіх сапраўдных і ўяўных палітычных апанентаў. Падчас праўлення Генрыха VIII у Англіі праведзена рэфармацыя, якую ён разглядаў як важны сродак умацавання абсалютызму і казны. Штуршком да яе правядзення паслужыла выступленне папы рымскага супраць скасавання шлюбу Генрыха VIII з Кацярынай Арагонскай і ўступлення ў шлюб з Ганнай Болейн. Пасля разрыву з папам узначаліў англіканскую царкву. У 1536 і 1539 выдаў акты пра секулярызацыю манастырскіх зямель, якія пераходзілі да новага дваранства і буржуазіі, а таксама жорсткія законы супраць сялян, сагнаных з зямель у выніку агароджванняў. У той жа час абмяжоўваў агароджванні, спрабуючы затармазіць развіццё капіталістычных адносін у вёсцы.

Генрых VIII вядомы незвычайным для хрысціяніна лікам шлюбаў — усяго ў караля было 6 жонак, з якіх ён з двума развёўся, а двух пакараў смерцю па абвінавачванні ў здрадзе.