Марцін Райл

З пляцоўкі Вікіпедыя.
Перайсці да: рух, знайсці

Марцін Райл (англ.: Sir Martin Ryle; 27 верасня 1918, Брайтан - 14 кастрычніка 1984, Кембрыдж) — брытанскі радыёастраном, які распрацаваў рэвалюцыйныя сістэмы радыётэлескопаў, выкарыстаў іх для дакладнага выяўлення і запісу слабых радыёсігналаў. Лаўрэат Нобелеўскай прэміі па фізіцы (1974), сумесна з Энтані Х'юішам «за піянерскія даследаванні ў галіне радыёфізікі». У 1946 годзе Райл і Вонберг ўпершыню апублікавалі інтэрфераметрычныя вымярэнні астранамічных аб'ектаў у радыёдыяпазоне, хоць часам сцвярджаецца, што першыя падобныя вымярэння зрабіў у тым жа годзе Джозеф Поўсі ў Сіднейскім універсітэце. Удасканаліўшы абсталяванне, Райл змог выявіць самыя аддаленыя вядомыя на той момант галактыкі ў сусвеце. Ён таксама быў першым прафесарам радыёастраноміі ў Кембрыджскім універсітэце і дырэктарам-заснавальнікам радыёастранамічнай абсерваторыі Малард. З 1972 да 1982 года Райл займаў пасаду прыдворнага астранома Вялікабрытаніі.