Апольскі ўніверсітэт

Апольскі ўніверсітэт
польск.: Uniwersytet Opolski
Арыгінальная назва	польск.: Uniwersytet Opolski
Заснаваны	1994
Тып	класічны ўніверсітэт
Рэктар	Марэк Казімір Маснык
Рэктар	Marek Masnyk[d]
Студэнты	15 000
Размяшчэнне	Аполе
Юрыдычны адрас	вул. Каперніка 11а, 45-040 г. Аполе
Сайт	uni.opole.pl
Медыяфайлы на Вікісховішчы

Апольскі ўніверсітэт (польск.: Uniwersytet Opolski) — вышэйшая навучальная ўстанова ў горадзе Аполе ў Польшчы.

Агульная характарыстыка

Апольскі ўніверсітэт - адзін з васемнаццаці дзяржаўных універсітэтаў у Польшчы, які базуецца ў горадзе Аполе. Быў утвораны ў 1994 годзе ў выніку аб'яднання Вышэйшай педагагічнай школы імя Сілезскіх паўстанцаў (заснавана ў 1950 годзе ва Уроцлаве і перададзена ў 1954 годзе ў Аполе) і апольскага філіяла Люблінскага каталіцкага ўніверсітэта (размяшчаўся ў Нысе), заснаванага на шматгадовым вопыце Вышэйшай духоўнай семінарыі ў Нысе, дзе працавалі навуковыя кадры былога багаслоўскага факультэта Універсітэта Яна Казіміра ў Львове. Універсітэт выводзіць свае традыцыі са спробы ў XVI стагоддзі стварыць Пястоўскі ўніверсітэт у Бжэгу князем Ежы II і ў Нысе ў XVII стагоддзі ўроцлаўскім біскупам Карлам Габсбургам.

Навучанне студэнтаў вядзецца на 47 асноўных кірунках стацыянарнай і завочнай форм навучання. На працягу апошніх гадоў універсітэт з'яўляецца міждысцыплінарнай вучэльняй з перавагай гуманітарных спецыяльнасцяў. У яго складзе дзейнічае 12 факультэтаў, 20 інстытутаў і 12 міжвузаўскіх падраздзяленняў.

Вучэльня мае 771 навукова-метадычных супрацоўнікаў (з іх 60 - на пасадзе прафесара звычайнага, 155 - на пасадзе прафесара надзвычайнага, 387 - на пасадзе ад'юнкта, 80 - на пасадзе асістэнта, 84 - на пасады старэйшага выкладчыка і 5 выкладчыкаў). З пункту гледжання атрыманых навуковых ступеняў ва ўніверсітэце працавалі: 87 прафесараў, 165 хабілітаваных дактароў і 350 дактароў філасофіі.

Структура

Факультэты

• Багаслоўскі факультэт
• Медыцынскі Факультэт
• Прыродазнаўчы факультэт
• Факультэт мастацтваў
• Факультэт матэматыкі, фізікі і інфарматыкі
• Факультэт медыцынскіх навук
• Факультэт навук аб палітыцы і сацыяльных камунікацыях
• Факультэт права і адміністрацыі
• Факультэт сацыяльных навук
• Факультэт хіміі
• Філалагічны факультэт
• Эканамічны Факультэт

Інстытуты

• Інстытут біялогіі
• Інстытут хіміі
• Інстытут эканомікі і фінансаў
• Інстытут фізікі
• Інстытут сацыяльна-эканамічнай геаграфіі і прасторавай эканомікі
• Інстытут гісторыі
• Інстытут інфарматыкі
• Інстытут экалагічнай інжынерыі і біятэхналогій
• Інстытут лінгвістыкі
• Інстытут медыцынскіх навук
• Інстытут навук аб літаратуры
• Інстытут палітычных навук і адміністрацыі
• Інстытут навук аб кіраванні і якасці
• Інстытут навук аб здароў'і
• Інстытут педагагічных навук
• Інстытут правазнаўства
• Інстытут багаслоўскіх навук
• Інстытут псіхалогіі
• Інстытут візуальных мастацтваў

Спасылкі

• На Вікісховішчы ёсць медыяфайлы па тэме Апольскі ўніверсітэт
• Афіцыйная інтэрнэт-старонка ўніверсітэта