Армянская кухня

З пляцоўкі Вікіпедыя
Перайсці да: рух, знайсці
Лаваш
LeonIIQueenGueraneAndTheirFiveChildren1272.jpg
Культура Арменіі
Літаратура
Архітэктура
Музыка
Тэатр
Танец
Адзенне
Дыван
Мініяцюра
Выяўленчае
мастацтва
Міфалогія
Кнігадрукананне
Адукацыя
Кіно
Каляндар
Сістэма злічэння
Права
Кулінарыя

Армянская кухня — нацыянальная кухня армянскага народа. Для яе характэрны вастрыня і пікантнасць страў, ужыванне вялікай колькасці солі і высокая канцэнтрацыя супаў. Вялікае ўжыванне солі спецыялісты тлумачаць кліматычнымі ўмовамі.

Адна з любімых закусак — армянская каўбаса суджук — утрымлівае часнок, перац, карыцу і іншыя вострыя прыправы, дзякуючы якім каўбаса набывае характэрны пах і густ.

З мясных прадуктаў перавага аддаецца ялавічыне і бараніне, свініна выкарыстоўваецца рэдка. Высока цэніцца рыба. Папулярная далма (галубцы) — загорнутая ў вінаграднае лісце начынка з мяснога фаршу, рысу і зеляніны. Традыцыйная страва — шашлык, а найбольш любімая — кюфта, пругкія мясныя шарыкі, якія з'яўляюцца адным з кампанентаў у супы.

Для прыгатавання розных страў шырока выкарыстоўваюць муку і крупы. З мукі гатуюць своеасаблівы від локшыны — арышту, з пшанічнай мукі — кашу з мясам курыцы — харысу. Папулярны пловы з рысу.

На кожным стале Арменіі ганаровае месца займае нацыянальны хлеб — лаваш, які ўяўляе сабой тонкія аладкі, выпечаныя на сценках тандыра — круглай глінянай печы. У многіх раёнах рэспублікі захаваўся старажытны звычай выпякаць восенню лаваш пра запас на некалькі месяцаў. Яго высушваюць, складаюць стосікам і ў такім выглядзе захоўваюць. Сухі лаваш увільгатняюць вадой, хаваюць на паўгадзіны пад ручніком, і ён зноў робіцца мяккім.

У Арменіі любяць печыва: найбольш папулярныя гата — круглая салодкая аладка з падрумяненай мучной начынкай і пухлава — з арэхавай начынкай. Не застаюцца па-за ўвагай і іншыя прысмакі.

У харчаванні часта выкарыстоўваюць фасолю, рыс, гарох.

Сярод малочна-кіслых напояў папулярны мацун, прыгатаваны з каровінага, авечага малака або малака буйваліцы. Разведзены вадой мацун добра асвяжае ў гарачы дзень.

У якасці салодкай стравы шырока ўжываюць алані — высушаныя персікі, начыненыя замест выдаленай костачкі арэхавай дробкай з цукровым пяском.

Істотнае месца ў харчаванні займаюць розная садавіна: грушы, яблыкі, вінаград, слівы, абрыкосы, кізіл, дыні, кавуны і інш.

З вінаграднага соку рыхтуюць дашаб — духмяны сіроп цёмна-вішнёвага колеру, які мае лячэбныя ўласцівасці.

Армяне прытрымліваюцца наступнага рэжыму харчавання: лёгкі сняданак, лёгкі абед і каларыйная вячэра (50-60 % дзённага рацыёну).

Гл. таксама[правіць | правіць зыходнік]

Літаратура[правіць | правіць зыходнік]

  • Лагатып Вікісховішча На Вікісховішчы ёсць медыяфайлы па тэме Армянская кухня
  • Культура питания: Энцикл. справ. — 2-е изд. Беларус. Энцыкл.; Под ред. И. А. Чаховского; Редкол.: Е. В. Малашевич и др. — Мн.: БелЭн, 1993. — 541 с.: ил.