Валерый Анатольевіч Малашка

Валерый Малашка
Міністр працы і сацыяльнай абароны Рэспублікі Беларусь 15 снежня 2016 — 27 студзеня 2017
Прэзідэнт	Аляксандр Лукашэнка
Кіраўнік урада	Андрэй Кабякоў
Папярэднік	Марыяна Шчоткіна
Пераемнік	Ірына Касцевіч
Міністр аховы здароўя Рэспублікі Беларусь 27 студзеня 2017 — 11 чэрвеня 2019
Прэзідэнт	Аляксандр Лукашэнка
Кіраўнік урада	Андрэй Кабякоў Сяргей Румас
Папярэднік	Васіль Жарко
Пераемнік	Уладзімір Каранік
Нараджэнне	30 лістапада 1966(1966-11-30) (55 гадоў) Гродна, Гродзенская вобласць, БССР, СССР
Маці	Эмілія Аляксандраўна Малашка
Дзеці	Антон Малашка
Адукацыя	Мінскі медыцынскі інстытут (1989) Акадэмія кіравання пры Прэзідэнце Рэспублікі Беларусь (2007)
Узнагароды	Падзяка Прэзідэнта Рэспублікі Беларусь[d] (23 снежня 2020)

Валерый Анатольевіч Малашка (нар. 1966 г., Гродна) — беларускі дзяржаўны дзеяч. Міністр працы і сацыяльнай абароны (15 снежня 2016 — 27 студзеня 2017), Міністр аховы здароўя Рэспублікі Беларусь (27 студзеня 2017 — 11 чэрвеня 2019).

Біяграфія

Нарадзіўся ў 1966 годзе ў Гродне. У 1989 годзе скончыў Мінскі дзяржаўны медыцынскі інстытут (па спецыяльнасці «педыятрыя», а ў 2007 годзе — Акадэмію кіравання пры Прэзідэнце (па спецыяльнасці «дзяржаўнае кіраванне сацыяльнай сферай»).

З 1989 года працаваў доктарам-інтэрнам па анестэзіялогіі і рэаніматалогіі Магілёўскай абласной бальніцы, з 1990 па 1993 год — доктарам-анестэзіёлагам-рэаніматолагам Магілёўскай абласной дзіцячай бальніцы. З 1993 па 1997 год — намеснік галоўнага ўрача па лячэбных пытаннях Магілёўскай абласной дзіцячай бальніцы. У 1997—2004 гадах займаў пасаду галоўнага доктара Магілёўскай абласной дзіцячай бальніцы.

З 2004 года быў першым намеснікам начальніка ўпраўлення аховы здароўя Магілёўскага аблвыканкама. З 2005 па 2009 год — начальнік упраўлення аховы здароўя Магілёўскага аблвыканкама. Намеснікам старшыні Магілёўскага аблвыканкама стаў у студзені 2009 года.

З 15 снежня 2016 года па 27 студзеня 2017 года быў Міністрам працы і сацыяльнай абароны, а 27 студзеня 2017 года прызначаны Міністрам аховы здароўя Рэспублікі Беларусь.

25 чэрвеня 2018 года старшыня Камітэта дзяржаўнай бяспекі Рэспублікі Беларусь Валерый Вакульчык паведаміў аб выкрыцці маштабнай карупцыйнай схемы ў сферы аховы здароўя і заключэнні пад варту, а таксама прымяненні іншых мераў стрымання ў дачыненні да 33 службовых асоб, у тым ліку і намесніка Міністра аховы здароўя, некалькіх галоўных доктараў бальніц. Нягледзячы на карупцыйны скандал, Валерый Малашка быў звольнены з пасады Міністра аховы здароўя толькі 11 чэрвеня 2019. Затым прызначаны намеснікам старшыні Магілёўскага аблвыканкама.

Удастоены Падзякі Прэзідэнта Рэспублікі Беларусь (2020).

Спасылкі

• Министр здравоохранения Республики Беларусь(руск.) 
• Пяць фактаў пра доктара Валерыя Малашку, які нечакана стаў міністрам аховы здароўя