Ірына Анатольеўна Касцевіч

Ірына Анатольеўна Касцевіч
Міністр працы і сацыяльнай абароны Рэспублікі Беларусь з 14 сакавіка 2017
Прэзідэнт	Аляксандр Лукашэнка
Кіраўнік урада	Андрэй Кабякоў Сяргей Румас Раман Галоўчанка
Папярэднік	Валерый Малашка
Нараджэнне	26 студзеня 1967(1967-01-26) (54 гады) Мінск, БССР, СССР
Адукацыя	Беларускі дзяржаўны інстытут народнай гаспадаркі імя В. У. Куйбышава (1989) Акадэмія кіравання пры Прэзідэнце Рэспублікі Беларусь (2002)
Узнагароды	Грамата Патрыяршага экзарха ўсяе Беларусі[d]

Ірына Анатольеўна Касцевіч (нар. 26 студзеня 1967, Мінск) — міністр працы і сацыяльнай абароны Рэспублікі Беларусь.

Біяграфія

Скончыла Беларускі дзяржаўны інстытут народнай гаспадаркі ў 1989 годзе (планаванне прамысловасці), Акадэмію кіравання пры Прэзідэнце Рэспублікі Беларусь у 2002 годзе (эканоміка і кіраванне на прадпрыемстве).

У 1989—1992 гадах — інжынер-канструктар ЦНДІТК Мінскага навукова-вытворчага аб'яднання «Цэнтрсістэм». У 1993—1994 гадах — эканаміст I катэгорыі, вядучы эканаміст упраўлення статыстыкі матэрыяльных рэсурсаў Дзяржкамстата Рэспублікі Беларусь. У 1994—2002 гадах — вядучы эканаміст, галоўны эканаміст, начальнік упраўлення статыстыкі матэрыяльных рэсурсаў Міністэрства статыстыкі і аналізу Рэспублікі Беларусь. У 2002—2006 гадах — начальнік упраўлення статыстычнага планавання і арганізацыі статназіранні Міністэрства статыстыкі і аналізу Рэспублікі Беларусь. У 2006—2008 гадах — намеснік Міністра статыстыкі і аналізу Рэспублікі Беларусь. У 2008—2015 гадах — першы намеснік Старшыні Нацыянальнага статыстычнага камітэта Рэспублікі Беларусь.

З 28 студзеня 2015 года да 13 сакавіка 2017 года — намеснік Міністра эканомікі Рэспублікі Беларусь.

14 сакавіка 2017 года прызначана міністрам працы і сацыяльнай абароны Рэспублікі Беларусь.

Узнагароджана граматай Патрыяршага Экзарха ўсяе Беларусі (2018).

Спасылкі

• Касцевіч Ірына Анатольеўна