Ірына Анатольеўна Касцевіч

Ірына Анатольеўна Касцевіч
міністр працы і сацыяльнай абароны Рэспублікі Беларусь[d] 14 сакавіка 2017 — 29 сакавіка 2024
Папярэднік	Валерый Анатольевіч Малашка
Пераемнік	Наталля Віктараўна Паўлючэнка
Нараджэнне	26 студзеня 1967(1967-01-26) (58 гадоў) Мінск, БССР, СССР
Адукацыя	Беларускі дзяржаўны інстытут народнай гаспадаркі імя В. У. Куйбышава (1989) Акадэмія кіравання пры Прэзідэнце Рэспублікі Беларусь (2002)
Месца працы	Міністэрства статыстыкі і аналізу Рэспублікі Беларусь Белстат
Узнагароды	Грамата Патрыяршага экзарха ўсяе Беларусі[d]

Ірына Анатольеўна Касцевіч (нар. 26 студзеня 1967, Мінск) — міністр працы і сацыяльнай абароны Рэспублікі Беларусь (2017—2024).

Біяграфія

Нарадзілася 26 студзеня 1967 года ў г. Мінску.

Скончыла ў 1989 годзе Беларускі дзяржаўны інстытут народнай гаспадаркі па спецыяльнасці «Планаванне прамысловасці», у 2002 годзе Акадэмію кіравання пры Прэзідэнце Рэспублікі Беларусь па спецыяльнасці «Эканоміка і кіраванне на прадпрыемстве».

У 1989—1992 гадах — інжынер-канструктар ЦНДІТК Мінскага навукова-вытворчага аб’яднання «Цэнтрсістэм». У 1993—1994 гадах — эканаміст I катэгорыі, вядучы эканаміст упраўлення статыстыкі матэрыяльных рэсурсаў Дзяржкамстата Рэспублікі Беларусь. У 1994—2002 гадах — вядучы эканаміст, галоўны эканаміст, начальнік упраўлення статыстыкі матэрыяльных рэсурсаў Міністэрства статыстыкі і аналізу Рэспублікі Беларусь. У 2002—2006 гадах — начальнік упраўлення статыстычнага планавання і арганізацыі статназіранні Міністэрства статыстыкі і аналізу Рэспублікі Беларусь. У 2006—2008 гадах — намеснік Міністра статыстыкі і аналізу Рэспублікі Беларусь. У 2008—2015 гадах — першы намеснік Старшыні Нацыянальнага статыстычнага камітэта Рэспублікі Беларусь.

З 28 студзеня 2015 года да 13 сакавіка 2017 года — намеснік Міністра эканомікі Рэспублікі Беларусь.

14 сакавіка 2017 года прызначана міністрам працы і сацыяльнай абароны Рэспублікі Беларусь.

У 2024 годзе выбрана дэпутаткай Палаты прадстаўнікоў Нацыянальнага сходу Рэспублікі Беларусь VIII склікання ад Дзяржынскай акругі № 71. Старшыня Пастаяннай камісіі па працы і сацыяльных пытаннях Член Савета Палаты прадстаўнікоў.

Узнагароды

Узнагароджана медалём «За працоўныя заслугі», ганаровымі граматамі Савета Міністраў Рэспублікі Беларусь, Нацыянальнага сходу Рэспублікі Беларусь, Дзяржаўнага сакратарыята Савета Бяспекі Рэспублікі Беларусь, Нацыянальнага савета па працоўных і сацыяльных пытаннях, граматай Патрыяршага Экзарха ўсяе Беларусі (2018).

Мае падзякі Прэм’ер-міністра Рэспублікі Беларусь, Старшыні Савета Рэспублікі Нацыянальнага сходу Рэспублікі Беларусь, Старшыні Палаты прадстаўнікоў Нацыянальнага сходу Рэспублікі Беларусь, Кіраўніка Адміністрацыі Прэзідэнта Рэспублікі Беларусь.

Сям’я

Замужам, мае сына і дачку.

Спасылкі

• Касцевіч Ірына Анатольеўна

• Біяграфія на сайце Палаты прадстаўнікоў Нацыянальнага сходу Рэспублікі Беларусь