Васіль Севасцьянавіч Лявонаў

Васіль Севасцьянавіч Лявонаў
Васіль Севасцьянавіч Лявонаў
Міністр сельскай гаспадаркі і харчавання Беларусі
	4 жніўня 1994 — 19 лістапада 1997
Прэзідэнт	Аляксандр Лукашэнка
Кіраўнік урада	Міхаіл Чыгір; Сяргей Лінг
Папярэднік	Фёдар Мірачыцкі
Пераемнік	Іван Шакола
Нараджэнне	16 красавіка 1938; Дубяец[d], Касцюковіцкі раён, Магілёўская вобласць, БССР, СССР;
Смерць	4 студзеня 2015 (76 гадоў); Мінск, Беларусь;
Партыя	Камуністычная партыя Беларусі (1991); КПСС (1991);
Член у	ЦК КПСС;
Адукацыя	БДАТУ (1964); Мінская вышэйшая партыйная школа;

Васі́ль Севасцья́навіч Ляво́наў (16 красавіка 1938, в. Дубянец, Касцюковіцкі раён, Магілёўская вобласць — 4 студзеня 2015) — дзяржаўны дзеяч Беларусі.

Біяграфічныя звесткі

У1964 годзе скончыў Беларускі інстытут механізацыі сельскай гаспадаркі, а потым Мінскую вышэйшую партыйную школу.

Працаваў цесляром, шахцёрам, інжынерам-механікам. У 1967—1972 гадах — старшыня саўгаса «Мілаславіцкі», у 1972—1975 гадах — першы намеснік начальніка Магілёўскага абласнога ўпраўлення сельскай гаспадаркі.

У 1975 годзе быў старшынёй Горацкага райвыканкама, у 1975—1979 гадах — першым сакратаром Горацкага райкама КПБ. У 1979—1982 гадах — сакратар Магілёўскага абкама КПБ, у 1982—1983 гадаў быў першым намеснікам старшыні Магілёўскага аблвыканкама.

У 1983—1990 гадах — першы сакратар Магілёўскага абкама КПБ. У 1984—1989 гадах — дэпутат Вярхоўнага Савета СССР, старшыня Мандатнай камісіі.

У 1991 годзе на некалькі месяцаў прызначаны вядучым спецыялістам Галоўнага ўпраўлення эканамічных сувязей з капіталістычнымі краінамі ў Маскве. Пасля быў накіраваны гандлёвым прадстаўніком Беларусі ў Германію (1991—1994).

Падчас выбараў першага прэзідэнта Беларусі В. Лявонаў падтрымліваў В. Кебіча, але затым прыняў прапанову А. Лукашэнкі заняць пасаду міністра сельскай гаспадаркі і харчавання. Паслядоўна выступаў з прапановамі аб рэфармаванні сельскай гаспадаркі, далучэнні яе да рынкавай эканомікі, вызваленні ад камандна-адміністрацыйных метадаў^[2].

В. Лявонаў не падтрымаў ідэю рэфэрэндуму 1996 года, пасля чаго ў міністэрстве пачаліся масіраваныя праверкі. Васіль Лявонаў быў арыштаваны 11 лістапада 1997 года ў працоўным кабінеце. Яго арышт здымала група з Беларускага тэлебачання. Экс-міністру былі прад’яўленыя абвінавачанні па артыкулах Крымінальнага кодэкса РБ: 91.1 — «крадзеж маёмасці ў асабліва буйных памерах», 169 — «атрыманне хабару» і 213 — «незаконнае захоўванне баявых прыпасаў і зброі». На судзе В. Лявонаў віны не прызнаў, заявіўшы, што лічыць сваё зняволенне палітычнай справай.

Як піша палітычны аглядальнік Аляксандр Фядута: «Чалавека, які прынёс і мог прыносіць і далей велізарную карысць дзяржаве і народу, абвінавацілі на падставе таго, што іншы стары, двойчы герой працы, не мог успомніць, аплаціў Лявонаў яго гаспадарцы дачны гарнітур з плеценай лазы ці не»^[3].

14 студзеня 2000 г. Васіль Лявонаў прызнаны Вярхоўным судом вінаватым у хабарніцтве і крадзяжы дзяржаўнай маёмасці ды пакараны 4 гадамі калоніі з канфіскацыяй маёмасці. Вызвалены 5 кастрычніка 2000 г. паводле амністыі.

У 2001 г. узначаліў аргкамітэт руху «За новую Беларусь». Напісаў кнігу мемуараў.

Памёр 4 студзеня 2015 года.

Зноскі

↑ ^а ^б Кто есть кто в Республике Беларусь — Białystok: Podlaski Instytut Wydawniczy, 2000. — С. 154–155. — 313 с. — ISBN 978-83-913780-0-7
<a href="https://wikidata.org/wiki/Track:Q14266181"></a><a href="https://wikidata.org/wiki/Track:Q761"></a><a href="https://wikidata.org/wiki/Track:Q14265955"></a>
↑ http://www.svaboda.org/content/article/26775808.html
↑ belsat.eu

Спасылкі

Васіль Севасцьянавіч Лявонаў на «Радаводзе». Дрэва продкаў і нашчадкаў

[_91eef5335ac4c426-1] а ^б Кто есть кто в Республике Беларусь — Białystok: Podlaski Instytut Wydawniczy, 2000. — С. 154–155. — 313 с. — ISBN 978-83-913780-0-7
<a href="https://wikidata.org/wiki/Track:Q14266181"></a><a href="https://wikidata.org/wiki/Track:Q761"></a><a href="https://wikidata.org/wiki/Track:Q14265955"></a>

[2] ttp://www.svaboda.org/content/article/26775808.html

[3] sat.eu

[1]

[2]

[3]