ФК Вест Хэм Юнайтэд

Вест Хэм Юнайтэд
Поўная назва	West Ham United Football Club
Мянушкі	Малатабойцы
Заснаваны	1895
Горад	Лондан, Англія
Стадыён	Алімпійскі Умяшчальнасць: 60 000
Уладальнік	1890s holdings[d], Дэйвід Саліван[d] і Дэйвід Голд[d]
Галоўны трэнер	Хулен Лапетэгі[d]
Чэмпіянат	Прэм’ер-ліга
2022/23	14 месца
Сайт	whufc.com (англ.)
Асноўная форма Гасцявая форма Рэзервовая форма

«Вест Хэм Юнайтэд» (англ.: West Ham United) — англійскі футбольны клуб з Лондана. У цяперашні час выступае ў Прэм’ер-лізе.

Гісторыя

XIX стагоддзе. Раннія гады

Футбольны клуб «Вест Хэм» пачаў сваё існаванне ў 1895 годзе, але пад іншай назвай. Тады каманду менавалі «Thames Ironworks F.C.». Малады клуб стаў гуляць у Лізе Лондана праз год пасля свайго стварэння, і ў наступным сезоне выйграў турнір. Затым ён уступіў у Другі Дывізіён Паўднёвай Лігі. «Малатабойцы» святкавалі поспех у першым сваім сезоне ў новым турніры. У 1900 годзе клуб змяніў назву і стаў менавацца «West Ham United F.C.». Гэтую назву каманда захавала і па гэты дзень.

XX стагоддзе

У 1923 годзе каманда гуляла ў фінале Кубка Англіі. «Вест Хэму» так-сяк атрымоўвалася трымацца на плаву ў Першым Дывізіёне, але ў 1932 годзе клуб вылецеў у Другі Дывізіён і знаходзіўся там даволі доўга — чвэрць стагоддзя.

У 1950-я гады стагоддзя каманда стала прагрэсаваць. Прыйшоў новы трэнер: Тэд Фентан, які развіваў таленты маладых гульцоў, што неўзабаве прынесла адчувальны вынік. Ён складаўся і ў тым, што ў 1958 годзе «малатабойцы» ізноў увайшлі ў Першы дывізіён, выйграўшы чэмпіянат Другога Дывізіёна.

У 1961 годзе ў «Вест Хэме» змяніўся трэнер. На месца Тэда Фентана прыйшоў Рон Грынвуд. Ён выкарыстаў распачынанні папярэдняга трэнера ў плане маладых гульцоў. У дадатак ён набыў некалькі нядрэнных футбалістаў і змяніў схему гульні. Усё гэта прынесла поспех камандзе Грынвуда — перамогу ў Кубку Англіі над «Прэстанам» 3:2. Але яшчэ ў паўфінале малатабойцам атрымалі перамогу над «Манчэстэр Юнайтэд». На гэтым каманда не спынілася. Неўзабаве «Вест Хэм» атрымаў сваю першую буйную перамогу на еўрапейскай арэне, абгуляўшы ў фінале Кубка кубкаў клуб «Мюнхен 1860».

Да 1970-х гадоў сышлі некалькі вядучых гульцоў, а таксама і Грынвуд. Новым трэнерам стаў Джон Лаял. З камандай Лаял выйграў Кубак Англіі ў 1975 годзе. А ў 1976 годзе «Вест Хэм» мог паўтарыць свой еўрапейскі поспех і выйграць Кубак кубкаў у другі раз, але пацярпеў няўдачу, у фінале прайграўшы бельгійскаму «Андэрлехту». Далей становішча пагоршылася — каманда выляцела ў Другі Дывізіён у 1978 годзе.

Праз тры гады клуб вярнуўся, прычым у 1980 годзе «Вест Хэм» у трэці раз за сваю гісторыю выйграў Кубак Англіі, а ў 1981 годзе быў блізкі да выйгрышу Кубка лігі, але саступіў «Ліверпулу». Неўзабаве каманда заняла трэцяе месца ў Першым Дывізіёне, што з’яўляецца для яе найлепшым вынікам і па гэты дзень. У 1989 годзе «Вест Хэм» ізноў апусціўся ў ніжні па ўзроўні Дывізіён, праз два гады ён вярнуўся, але ў 1992 годзе рушыла ўслед чарговае паніжэнне ў класе.

У пачатку 1990-х да трэнера Білі Бондса далучыўся Гары Рэднап. Клуб адразу ж вярнуўся ў нядаўна створаную Прэм’ер-лігу. Неўзабаве Рэднап застаўся адзін. Пры ім каманда трымалася ў Прэм’ер-лізе, а ў 1999 годзе выйграла Кубак Інтэртота.

Дасягненні

• Кубак Англіі: 1964, 1975, 1980
• Кубак уладальнікаў кубкаў: 1965
• Ліга канферэнцый: 2023
• Кубак Інтэртота: 1999

Склад

Станам на люты 2024 года.

№ Паз. Імя Нар. 1 Бр Лукаш Фаб’янскі 1985 2 Аб Бен Джонсан 2000 3 Аб Аарон Крэсуэл 1989 4 Аб Курт Зума (капітан) 1994 5 Аб Уладзімір Цоўфал 1992 7 ПА Джэймс Уорд-Проўз 1994 9 ПА Мічэл Антоніа 1990 10 ПА Лукас Пакета 1997 11 ПА Калвін Філіпс 1995 14 Нап Махамед Кудус 2000 15 Аб Канстантынас Маўрапанас 1997 17 ПА Максвел Карнэ 1996

№ Паз. Імя Нар. 18 Нап Дэні Інгз 1992 19 ПА Эдсан Альварэс 1997 20 Нап Джэрад Боўэн 1996 21 Аб Анджэла Агбона 1988 23 Бр Альфонс Арэаля 1993 27 Аб Наеф Агерд 1996 28 ПА Томаш Соўчак 1995 33 Аб Эмерсан Палміеры 1994 37 Аб Луізан 2002 45 Нап Дывін Муваба 2004 49 Бр Джозеф Ананг 2000

Нумар 6 назаўсёды замацаваны за Бобі Мурам

Вядомыя гульцы

• Глен Джонсан
• Пол Інс
• Майкл Карык
• Джо Коўл
• Фрэнк Лэмпард
• Бобі Мур
• Сцюарт Пірс
• Брайн Робсан
• Рыа Фердынанд
• Тэдзі Шэрынгем
• Хаўер Маскерана
• Карлас Тэвес
• Паала Дзі Каніа

Галоўныя трэнеры

• 1901—1932 Сід Кінг
• 1932—1950 Чарлі Пэйнтэр
• 1950—1961 Тэд Фентан
• 1961—1974 Рон Грынвуд
• 1974—1989 Джон Лаял
• 1989—1990 Лоу Макеры
• 1990—1994 Білі Бондз
• 1994—2001 Гары Рэднап
• 2001—2003 Глен Рэдэр
• 2003—2006 Элан Пардзью
• 2006—2008 Элан Кэрбышлі
• 2008—2010 Джанфранка Дзола
• 2010—2011 Аўрам Грант
• 2011—2015 Сэм Элардайс
• 2015—2017 Славен Біліч
• 2017—2018 Дэвід Моес
• 2018—2019 Мануэль Пелегрыні
• з 2019 Дэвід Моес

Спасылкі

• На Вікісховішчы ёсць медыяфайлы па тэме ФК Вест Хэм Юнайтэд
• Афіцыйная старонка (англ.)
• Сайт фанатаў «Вест Хэм Юнайтэд» Архівавана 19 красавіка 2008. (руск.)