Вікіпедыя:Запыты па статус адміністратара/2013—2022

Дадаць спасылкі
З Вікіпедыі, свабоднай энцыклапедыі

Правы oversight для ўдзельніка Mienski

Тут знаходзяцца абмеркаванні, якія завяршыліся. Просьба не ўносіць змен.

  • Запыт звязаны з запытам для Wizardist ніжэй, бо oversight’аў (схавальнікаў гісторый старонак) паводле правілаў у раздзеле мусіць быць не меней за два, каб супольнасць пры патрэбе кантралявала іх дзейнасць.
  • Паводле правілаў для oversight не абавязкова быць адміністратарам. Але практыка можа разыходзіцца з правіламі, праз тэхнічныя пытанні або меркаванні сцюардаў, якія выдаюць правы.
  • Навошта гэта. Два вікіпедысты ў Беларусі схоплены і ў «віну» ім ставіліся праўкі ў Вікіпедыі. Для бяспекі ўсіх удзельнікаў не будзе лішнім схаваць гісторыю пэўных старонак, на тэмы крытычныя ў Беларусі (і Расіі). На oversight’аў у бяспечных краінах немагчыма будзе ціснуць, т.б. з Беларусі (і Расіі) схаваную імі гісторыю не ўбачыць абсалютна ніхто.

Mienski, вельмі даўно неактыўны, але з найстарэйшых удзельнікаў і быў адным з першых адміністратараў. Стала жыве па-за Беларуссю. Прапаную надаць Mienski правы oversight (схавальніка) і апцыянальна адміністратара (пры тэхнічнай патрэбе надаць, без патрэбы — не). Правы астатніх адміністратараў не зменяцца.

Галасаванне прапаную пачаць адразу і скончыць а 24:00 7 красавіка. Галасаванне па запыце для Wizardist ніжэй аднаўляю. Згоду ад Mienski атрымаў, фармальна ён выкажа яе ніжэй. --Максім Л. (размовы) 20:26, 31 сакавіка 2022 (+03)[адказаць]

За

Супраць

Каментарыі

Так, вядома, я згодны на новую ролю для гэтага акаўнта. Знаходжуся не ў сферы дзеяння КДБ-ФСБ і не планую вяртацца. Акаўнт будзе ў фізічнай бяспецы. --Mienski (размовы) 19:58, 2 красавіка 2022 (+03)[адказаць]

Вынік

Атрымана 33 сапраўдныя галасы, з іх «за» — 33, «супраць» — 0. Наданне правоў схавальніка і апцыянальна адміністратара ўхвалена. --Максім Л. (размовы) 10:17, 8 красавіка 2022 (+03)[адказаць]

Учора пад канец сутак правы ўрэшце былі нададзены сцюардамі. Паспрабуем сістэму схавання наладзіць бліжэйшымі днямі, ёсць адмысловая старонка Вікіпедыя:Запыты да схавальнікаў. --Максім Л. (размовы) 15:30, 19 красавіка 2022 (+03)[адказаць]

Правы oversight для адміністратара Wizardist

Тут знаходзяцца абмеркаванні, якія завяршыліся. Просьба не ўносіць змен.

Прапаную надаць дадатковыя правы oversight адміністратару Wizardist. Правы даюць магчымасць выдаляць з гісторыі старонак імёны ўдзельнікаў і іншае, надзейней за магчымае цяпер. Удзельнік стала знаходзіцца па-за Беларуссю, вы самі ўсё разумееце. Правы астатніх адміністратараў не зменяцца.

Галасаванне прапаную пачаць адразу, т.б. а 19:00 28 сакавіка і скончыць а 19:00 31 сакавіка 24:00 7 красавіка, тэрміны незвычайна сціслыя, але які час, такія і тэрміны. Згоду атрымаў, фармальна будзе выказана ніжэй. --Максім Л. (размовы) 20:26, 31 сакавіка 2022 (+03)[адказаць]

За

Супраць

Каментарыі

  • Адзначаюся тут, каб было зразумела, што ўсё па згодзе. — Wizardist г +у 20:56, 28 сакавіка 2022 (+03)[адказаць]
  • Alie ž maju pytanniečka ŭ suviazi z malaaktyŭnasciu abodvuch kandydataŭ: nakoĺki apieratyŭna jany mohuć/buduć karystacca hetymi pravami? Kali buduć zahliadać raz u paŭhoda -- nie varyjant, usie sudy ŭžo projduć. --, 31 сакавіка 2022 (+03)
    • Ананіме, закрывацца ўсё будзе не меней аператыўна за цяпер, бо застаюцца цяперашнія магчымасці таксама. Калі Вам трэба нешта неадкладна закрыць, звяртайцеся -- закрыю проста зараз, а схавальнікі закрыюць надзейней зверху пазней. І як разумею, гэта будуць рабіць не рукамі, а праз скрыпт. Калі асноўны масіў правак закрыты, працы няшмат будзе, пытанне не ў аператыўнасці, а ў надзейнасці. --Максім Л. (размовы) 19:07, 2 красавіка 2022 (+03)[адказаць]

Вынік

Прынамсі прыпыню працэс. Шкада, паводле правілаў, трэба мінімум 2 удзельнікі з такімі правамі, ні ў якім разе не меней, а пакуль не можам гэтага забяспечыць. Паспяшаўся, не ўважліва чытаў правілы, перапрашаю за турботы. Ёсць і добрая навіна, да пытання падключацца ўдзельнікі з такімі правамі з Метавікі і прынамсі ў асноўным яно будзе вырашана. --Максім Л. (размовы) 21:32, 28 сакавіка 2022 (+03)[адказаць]

Аднаўляю працэс, вышэй прапаную яшчэ аднаго кандыдата, як вымагаюць правілы. --Максім Л. (размовы) 20:26, 31 сакавіка 2022 (+03)[адказаць]

DobryBrat

Тут знаходзяцца абмеркаванні, якія завяршыліся. Просьба не ўносіць змен.

Прапаную ўдзельніка на атрыманне сцяга адміністратара. Працуе ў праекце з 2010 года, рэгулярна з 2014 года, з той жа пары мае сцяг аўтадаглядчыка, з 2019 года сцяг даглядчыка. Рэгулярна праяўляе актыўнасць, не быў заўважаны ў канфліктах, кіруецца правіламі вікіпедыі, уважлівы да тэхнічных момантаў. Асабліва б хацелася адзначыць метапедычную дзейнасць удзельніка па арганізацыі праектаў і конкурсаў, у чым, на мой погляд, не хапае актыўнасці існых адміністратараў; сцяг будзе патрэбны ўдзельніку для стварэння абвестак, спросціць арганізацыю праектаў.

Выбары пачнуцца 10 сакавіка ў 8 гадзін раніцы і скончацца 24 сакавіка ў 8 гадзін раніцы. --Artsiom91 (размовы) 23:03, 9 сакавіка 2022 (+03)[адказаць]
Згода кандыдата атрымана тут; прашу намінанта таксама выказацца, ці ведае ён мовы CSS і JS і ці трэба яму магчымасці адміністратара інтэрфейса.--Artsiom91 (размовы) 23:03, 9 сакавіка 2022 (+03)[адказаць]
Мовы CSS і JS ведаю павярхоўна, магчымасці адміністратара інтэрфейса не патрэбныя. DobryBrat (размовы) 22:54, 12 сакавіка 2022 (+03)[адказаць]

За

  1. Сімвал голасу «за» За. Удзельнік робіць значны ўнёсак у Вікіпедыю, выконвае правілы і выпраўляе артыкулы, а таксама робіць плённую працу для пашырэння супольнасці вікіпедыстаў. Безумоўна заслугоўвае статуса адміністратара.--Culamar (размовы) 15:51, 11 сакавіка 2022 (+03)[адказаць]
  2. Сімвал голасу «за» За DBatura (размовы) 16:43, 11 сакавіка 2022 (+03)[адказаць]
  3. Сімвал голасу «за» За--Хамелка/ разм. 10:13, 13 сакавіка 2022 (+03)[адказаць]
  4. Сімвал голасу «за» За --Ellis Novak (размовы) 20:37, 13 сакавіка 2022 (+03)[адказаць]
  5. Сімвал голасу «за» За --JerzyKundrat (размовы) 18:52, 14 сакавіка 2022 (+03)[адказаць]
  6. Сімвал голасу «за» За --StachLysy (размовы) 11:05, 16 сакавіка 2022 (+03)[адказаць]
  7. Сімвал голасу «за» За --Artsiom91 (размовы) 13:54, 16 сакавіка 2022 (+03)[адказаць]
  8. Сімвал голасу «за» За--Rymchonak (размовы) 13:57, 16 сакавіка 2022 (+03)[адказаць]
  9. Сімвал голасу «слабае за» Слабае за. Brubaker610 (размовы) 12:28, 22 сакавіка 2022 (+03)[адказаць]

Супраць

Заўвагі і пытанні

Спадар DobryBrat, якую дзялку адмінскай працы Вы гатовы ўзяць на сябе адразу па набыцці статуса адміна? --JerzyKundrat (размовы) 10:22, 13 сакавіка 2022 (+03)[адказаць]

Усе асноўныя абавязкі, у тым ліку запросы да адміністратараў, барацьба з вандалізмам, абарона артыкулаў, работа над правіламі Вікіпедыі. DobryBrat (размовы) 16:33, 14 сакавіка 2022 (+03)[адказаць]
  • Хачу запытаць у шаноўнага кандыдата, ці мае ён цікавасць да файлаў у беларускай Вікіпедыі? Я маю на ўвазе аператыўную працу з выявамі, якія парушаюць аўтарскае права, альбо з выявамі, якія запампаваны без дадавання абавязковых рэквізітаў для файла. Таксама хачу даведацца, ці будзеце Вы актыўна ўдзельнічаць/адсочваць актыўнасць у запытах на аднаўленне артыкулаў? Пытаю, каб проста больш зразумець Вашу сферу інтарэсаў. Brubaker610 (размовы) 13:05, 20 сакавіка 2022 (+03)[адказаць]
Я вітаю больш актыўнае размяшчэнне выяваў на Вікісховішчы, а не ў моўным раздзеле Вікіпедыі. Запыты на аднаўленне артыкулаў адсочваю, таму, калі спатрэбіцца, буду ўдзельнічаць у іх абмеркаванні. DobryBrat (размовы) 01:38, 22 сакавіка 2022 (+03)[адказаць]

Вынік

Агулам пададзена 9 галасоў, «За» — 9 (100 %) галасоў, «Супраць» — 0 (0 %) галасоў. Пры неабходных для абрання 2/3, прапанаваная кандыдатура ўхвалена.--Artsiom91 (размовы) 21:30, 24 сакавіка 2022 (+03)[адказаць]

DobryBrat, сцяг выдаў. --Максім Л. (размовы) 23:02, 24 сакавіка 2022 (+03)[адказаць]

OlegCinema

Тут знаходзяцца абмеркаванні, якія завяршыліся. Просьба не ўносіць змен.

Добры дзень! Я адміністратар пляцоўкі вікіслоўнік і викицитатника. Мне патрабуецца сцяг адміністратара для рэдагавання ў раздзеле mediawiki, т. к. асобнага сцяга для гэтай задачы няма. Я прашу выдаць мне сцяг тэрмінам на 3 месяцы. Яго выкарыстанне — толькі тэхнічнае. Гатовы накласці на сябе добраахвотныя абмежаванні, калі спатрэбіцца. На гэтай пасадзе я аднаўлю састарэлыя стылі, дадам новыя гаджэты. --OlegCinema (размовы) 03:53, 4 сакавіка 2018 (MSK)[адказаць]

Падтрымка

Пярэчанні

У нас ёсць шэраг патрабаванняў да кандыдатаў: 500 правак у асноўнай прасторы (чаго зусім няма), веданне беларускай мовы (што таксама выклікае пытанні), ды і ўвогуле кандыдада ў адміністратары павінен прапанаваць нехта іншы. Але нават без гэтага: гляджу Ваш уклад у Вікіслоўніку і ў Вікіцытатніку. Там ніякай дзейнасці па аднаўленні стыляў і даданні гаджэтаў (па меншай меры паспяховых) не бачна. Думаю, Вам варта спачатку яўна прадэманстраваць свае дасягненні ў іншых праектах, тады можна будзе разглядаць заяўку тут.--Artsiom91 (размовы) 10:29, 4 сакавіка 2018 (MSK)[адказаць]

нічога паспяховага? можа вы паглядзіце больш нармальна, а не раз і ўсё? а шаблоны, а гаджэт MediaWiki:Gadget-Wikibugs.js, якога ў вас, дарэчы, няма, а MediaWiki:Blockedtext. а тое, што я змяняў common.css — гэта ўсё ў викисловаре. Не разбірацца і не бачыць розныя рэчы. OlegCinema (размовы) 10:49, 4 сакавіка 2018 (MSK)[адказаць]
@Artsiom91: Так как вы знаете русский язык, напишу на нём. Посмотрите, пожалуйста, внимательнее вклад. Во-вторых, если есть сомнения, я могу прямо здесь продемонстрировать свои технические возможности, настроив гаджет по багам. Работать будет также, как в викисловаре. Нажмите в сайдбаре на сообщить об ошибке.OlegCinema (размовы) 10:54, 4 сакавіка 2018 (MSK)[адказаць]
  1. Сімвал голасу «супраць» Супраць. Не бачу прычын, каб рабіць выключэнне. У асноўнай прасторы правак зусім няма. У Вікіслоўніку і Вікіцытатніку актыўны толькі 2 тыдні.--Hanylka (размовы) 11:28, 4 сакавіка 2018 (MSK)[адказаць]

Вынік

Хорошо, согласен. Правилам я не соответствую. Буду заниматься без флага, надеюсь администраторы будут помогать в редактировании защищённых страниц. Снимаю OlegCinema (размовы) 11:33, 4 сакавіка 2018 (MSK)[адказаць]

Artsiom91

Тут знаходзяцца абмеркаванні, якія завяршыліся. Просьба не ўносіць змен.

Выстаўляю кандыдата на статус адміністратара. Выбары пачнуцца 17-га красавіка ў 8 гадзін раніцы і скончацца 1-га мая ў 8 гадзін раніцы. --JerzyKundrat (размовы) 11:06, 13 красавіка 2017 (+03)[адказаць]

Згода кандыдата атрымана тут. --JerzyKundrat (размовы) 11:06, 13 красавіка 2017 (+03)[адказаць]

За

  1. Сімвал голасу «за» За. Актыўны ўдзельнік. За шмат гадоў заслужыў давер. --Kalinowski (размовы) 08:46, 17 красавіка 2017 (+03)[адказаць]
  2. Сімвал голасу «за» За. Кампетэнтны і актыўны ўдзельнік. Дадатковыя магчымасці будуць на карысць. --JerzyKundrat (размовы) 10:17, 17 красавіка 2017 (+03)[адказаць]
  3. Сімвал голасу «за» За. Вельмі актыўны і пісьменны ўдзельнік. Ігар Барысавіч Цярэшчанка (размовы) 14:21, 17 красавіка 2017 (+03)[адказаць]
  4. Сімвал голасу «за» За--Хамелка/ разм. 14:45, 17 красавіка 2017 (+03)[адказаць]
  5. Сімвал голасу «за» За Палепшыў вялікую колькасць артыкулаў пра футбалістаў і ФК. Уважлівы да памылак. Свабоднае валоданне беларускай мовы. --Rymchonak (размовы) 14:50, 17 красавіка 2017 (+03)[адказаць]
  6. Сімвал голасу «за» За. Уражвае метадычнасць удзельніка і яго імкненне да нармалізацыі ды ўніфікацыі. Спадзяюся, што сцяг адміністратара спросціць яго працу і станоўча паўплывае на развіццё раздзела.--Чаховіч Уладзіслаў (размовы) 15:25, 17 красавіка 2017 (+03)[адказаць]
  7. Сімвал голасу «за» За. Досвед удзельніка ў тэхнічных пытыннях надасць плёну агульнай працы адмінаў. --Da voli (размовы) 23:14, 18 красавіка 2017 (+03)[адказаць]
  8. Сімвал голасу «за» За. Разважлівы, адэкватны ўдзельнік. Зрабіў шмат карыснага, мае вялікі вопыт, у тым ліку і тэхнічнай работы. Адмінскія правы зробяць яго працу больш эфектыўнай і памогуць у паляпшэнні нашага раздзела. --Дзяніс Тутэйшы (размовы) 16:41, 19 красавіка 2017 (+03)[адказаць]
  9. Сімвал голасу «за» За. Нягледзячы на імкненне ўдзельніка да «колькаснага паказчыка» ў БелВікі. Шмат карыснага зрабіў у шматлікіх раздзелах.--Dzianis Niadbajla (размовы) 16:47, 19 красавіка 2017 (+03)[адказаць]
  10. Сімвал голасу «за» За. Маю надзею, што выдатны дагэтуль аўтар не «сапсуецца» ад наданай улады--Віт; размовы 14:04, 21 красавіка 2017 (+03)[адказаць]
  11. Сімвал голасу «за» За.--Hanylka (размовы) 17:25, 22 красавіка 2017 (+03)[адказаць]
  12. Сімвал голасу «за» За --Максім Л. (размовы) 21:15, 24 красавіка 2017 (+03)[адказаць]

Супраць

  1. Сімвал голасу «супраць» Супраць. Бо некампетэнтны. Не ведае элементарных правіл: хоць бы пра нейтральнасць [1], [2].--Pracar (размовы) 20:04, 21 красавіка 2017 (+03)[адказаць]

Заўвагі і пытанні

Як плануеце карыстацца сцягам? --Artificial123 (размовы) 00:08, 17 красавіка 2017 (+03)[адказаць]
Па меншай меры, не выстаўляць шаблоны {{хв}} пасля пераносаў, тым самым спрасціўшы працу іншым адміністратарам; хутка выдаляць старонкі і падводзіць вынікі на старонцы "да выдалення" не толькі "захавана". Таксама карысна мець магчымасць рэдагаваць у прасторы MediaWiki для налады тэхнічных магчымасцяў. Займацца абаронай старонак/блакіроўкай удзельнікаў пакуль не планую. Ну а далей — як пойдзе.--Artsiom91 (размовы) 00:32, 17 красавіка 2017 (+03)[адказаць]
Artsiom91, можаш патлумачыць што канкрэтна там збіраешся наладжваць? "Таксама карысна мець магчымасць рэдагаваць у прасторы MediaWiki для налады тэхнічных магчымасцяў" --Mr. Zabej (размовы) 09:44, 25 красавіка 2017 (+03)[адказаць]
Штосьці такога кшталту: гаджэты, праўка Commons.js. Вядома, не збіраюся бегчы перапісваць усё запар, але калі нейкія праблемы ўзнікнуць, змагу выправіць самастойна, не робячы запыты іншым адміністратарам.--Artsiom91 (размовы) 10:00, 25 красавіка 2017 (+03)[адказаць]

Вынік

Кворум (5 галасоў) ёсць. Агулам пададзена 13 галасоў правамоцных выбаршчыкаў, у т.л. "за" - 12 галасоў (92,3%), "супраць" - 1 голас (7,7%). Такім чынам, Artsiom91 атрымаў болей за 2/3 галасоў, кандыдатура ўхвалена. Сцяг выдаў. --Максім Л. (размовы) 23:01, 1 мая 2017 (+03)[адказаць]

Удзельнік:Belarus2578

Тут знаходзяцца абмеркаванні, якія завяршыліся. Просьба не ўносіць змен.

Выстаўляю кандыдата на статус адміністратара. Выбары пачнуцца 6-га красавіка ў 8 гадзін раніцы і скончацца 20-га красавіка ў 8 гадзін раніцы.--Хамелка/ разм. 10:00, 5 красавіка 2016 (MSK)[адказаць]

Згода ёсць. --Ігар Барысавіч Цярэшчанка (размовы) 18:58, 7 красавіка 2016 (MSK)[адказаць]

За

Супраць

  • Сімвал голасу «супраць» Супраць. Прычым катэгарычна супраць. Удзельнік Ігар Барысавіч Цярэшчанка мякка сцеле, ды жорстка спаць. Ён і так, без адмінскага сцяжка, любіць займацца самаўпраўствам. Успомніце, што было Анджэямі, якіх ён пачаў масава перахрышчваць у Анджаяў. І гэта не адзінкавы выпадак. А цяпер уявіце, што гэта адміністратар. Вы хочаце такога адміністратара? --Чобат (размовы) 10:46, 17 красавіка 2016 (MSK)[адказаць]

Заўвагі

Патрэбна згода кандыдата ў пісьмовай форме ў гэтай намінацыі.--Artsiom91 (размовы) 16:12, 7 красавіка 2016 (MSK)[адказаць]
Паважаны Ohlumon, да БелЭн як да найбуйнейшай папяровай беларускамоўнай энцыклапедыі я стаўлюся з павагай, бо гэта значнае дасягненне беларускага народа. Я, аднак, скептычна стаўлюся да транслітаратаў у БелЭн, паколькі многія з іх з'яўляюцца неразважлівай калькай з рускай мовы, часта нават памылковай (прычым рускія гэтыя памылкі з цягам часу выпраўляюць, а ў нас у БелЭн яны застаюцца). Ведаючы некалькі былых супрацоўнікаў БелЭн, магу сказаць, што амаль ва ўсіх артыкулах на далёкія ад Беларусі тэмы выкарыстоўваўся метад транслітарацыі менавіта з рускай. Я не з'яўляюся ні русафілам, ані русафобам, але шчыра ўпэўнены, што транслітараваць трэба, як і перакладаць літаратурныя творы, з мовы арыгінала. Таксама шмат разоў бачыў, калі БелЭн у пытаннях транслітарацыі з'яўлялася канчатковай крыніцай. Гэта вельмі аўтарытэтная крыніца, вядома, але не адзіная. На маю думку, варта абапірацца на больш вузкія крыніцы, то бок непасрэдна філалагічныя працы па тэорыі транслітарацыі, якіх, на жаль, зараз вельмі мала. Гэта, зрэшты, праблема не столькі БелЭн, колькі гаротнага стану беларускай мовы ў сучасным грамадстве. Магчыма, у хуткім часе штосьці і з'явіцца. Але крыжовых паходаў супраць БелЭн я арганізоўваць не збіраюся, калі Вы хвалюецеся наконт гэтага. --Ігар Барысавіч Цярэшчанка (размовы) 19:08, 7 красавіка 2016 (MSK)[адказаць]
Як Вы плануеце выкарыстоўваць сцяг? Чаго Вам не хапае без яго? --Artificial123 (размовы) 11:03, 8 красавіка 2016 (MSK)[адказаць]
Мне не хапае магчымасці ахоўваць артыкулы, якія часта становяцца аб'ектамі вандалізму ці войнаў правак (але тут ахова, вядома, мусіць быць у крайніх выпадках). Хацелася бы таксама атрымаць магчымасць выдаляць старонкі, бо часта з'яўляецца такая патрэба і прыходзіцца звяртацца да адміністратараў. Значна прасцей быць адміністратарам, чым турбаваць іншых. Магу таксама выконваць функцыі нейтральнага пасрэдніка падчас вырашэння канфліктных сітуацый. Вядома, буду займацца і іншымі адміністратарскімі дзеяннямі, што павінна дапамагчы праекту. --Ігар Барысавіч Цярэшчанка (размовы) 11:19, 8 красавіка 2016 (MSK)[адказаць]

Вынік

Кворум (5 галасоў) ёсць. Агулам пададзена 7 галасоў правамоцных выбаршчыкаў, у т.л. "за" - 6 галасоў (86%), "супраць" - 1 голас (14%). Такім чынам, Belarus2578 атрымаў болей за 2/3 галасоў, т.б. кандыдатура ўхвалена. Сцяг выдаў. --Максім Л. (размовы) 11:23, 2 мая 2016 (MSK)[адказаць]

‎Пазбаўленне правоў адміністратара Artificial123

Тут знаходзяцца абмеркаванні, якія завяршыліся. Просьба не ўносіць змен.

Прапаную зняць статут адміністратара з Artificial123. Удзельнік Artificial123 не адпавядае ўсім патрабаванням! Artificial123 займаецца тролінгам (пераследуе), хаміт (правакуе канфлікты), парушае правілы → Вікіпедыя:Этыкет (Размовы з удзельнікам:Krupski Oleg). Спачатку хаміў Artificial123 навязваючы ўсім на Еўрамайдане браць "бутэльку гарэлкі піць" да т.п.. Хамелка тады несправядліва блакавала мой профіль і патрымала хамства Artificial123. Маю лагічную заўвагу (каментар) пра ВКМ Artificial123 заве "спамам" - гэта значыць дыялог у Artificial123 не канструктыўны! За падобныя выхадкі Artificial123 ва Ўкраінскай Вікіпедыі (разгул фанабэрыстасці Artificial123 калі вешаў толькі шаблоны і дыктаваў усім што рабіць) Artificial123 на 30 дзён быў заблакаваны. Artificial123 з вульгарнай манерай, не згодных з яго асабістым суб'ектыўным меркаваннем абзываў "псіхічна хворымі" да т.п.. Адмыслова ўвагу заслугоўвае агрэсіўнае хамства Хамелка з нагоды паведамлення факту (яго рэакцыя на фразу): У Расіі няма СМІ беларускай мовай і няма школ з беларускай мовай выкладання, хоць у Расеі жыве вялікая дыяспара беларускага паходжання, і Расія сочыць за дамінаваннем расейскай мовы ў Беларусі → (uk:Обговорення користувача:Artificial123 частка "18 Портал:Росія + Портал:Білорусь" - 25.07.2015). --✍ Крупскі Алег разм · укл @ 19:49, 13 верасня 2015 (MSK)[адказаць]

За

Супраць

Заўвагі і пытанні

Ва ўсякім выпадку ў такіх намінацыях прынята кожны тэзіс аснашчваць diff-амі. А два -- усё гэта моцна нагадвае пошукі ворагаў народу. Супольнась павінна рэагаваць на варожыя паводзіны аднаго адміна ці двух? Yury Tarasievich (размовы) 23:32, 13 верасня 2015 (MSK)[адказаць]

Спыталі не ў мяне, але ж скажу. З спасыланнем на diff-ы цяжкавата, наколькі я зразумеў. Сп. Анатоль у ўкраінскім раздзеле ўдзельнічае ў войнах правак, іншыя пішуць - ён адкочвае. Сп. Алег тлумачыць нам, што застацца ў баку немагчыма, бо "хто не з імі - той супраць іх". --Mikalai Udodau (размовы) 19:23, 14 верасня 2015 (MSK)[адказаць]

Вынік

Неабгрунтаваная намінацыя. --Artificial123 (размовы) 00:18, 20 снежня 2015 (MSK)[адказаць]

‎Artificial123

Тут знаходзяцца абмеркаванні, якія завяршыліся. Просьба не ўносіць змен.

Прапаную кандыдатуру пана ‎Artificial123. Удзельнік адпавядае ўсім патрабаванням. Шмат зрабіў, робіць і можа зрабіць, гатовы ўзяць на сябе частку тэхнічных функцый. Прынамсі шаблоны на хуткае выдаленне часцей за ўсё з'яўляюцца ад яго, магчымасці пераносу без стварэння перасылак таксама не хапае. Відавочна, што пан Artificial123 разумее мэты і прынцыпы праекта. Адзінае на што варта звярнуць большую ўвагу — ВП:ЭП, «не паддавацца на правакацыі» і адпаведна не правакаваць, не распальваць і г.д. --Максім Л. (размовы) 14:28, 23 красавіка 2015 (MSK)[адказаць]

За

Супраць

Заўвагі і пытанні

Вынік

Кворум (не меней за 5 галасоў) ёсць. Агулам пададзена 15 галасоў правамоцных выбаршчыкаў, «За» — 11 галасоў (73,3 %), «Супраць» — 4 галасы (26,7 %). Такім чынам, пры неабходных 2/3 галасоў «За», кандыдатура ўхвалена. --Максім Л. (размовы) 08:53, 10 мая 2015 (MSK)[адказаць]

Wizardist

Тут знаходзяцца абмеркаванні, якія завяршыліся. Просьба не ўносіць змен.

Паколькі ў нас ёсць нелюбімае мною правіла, што адміністратара павінен нехта прапанаваць, то гэта зраблю я. Прапаную кандыдата. Думаю, што гэта менавіта той чалавек, які нам патрэбны.---Хамелка/ разм. 07:40, 20 верасня 2013 (UTC)

Далучаюся да прапановы. З напісанага кандыдатам ніжэй, зразумела, асноўная яго дзейнасць не будзе кранаць асноўнай прасторы. Думаю, 500 правак скрыптам не цяжка было б зрабіць, цаню шчырасць. --Максім Л. (размовы) 08:08, 20 верасня 2013 (UTC)

Вітаю. Disclaimer: Я ведаю пра патрабаваньне мець больш як 500 правак у асноўнай прасторы, а ў мяне крыху больш за 50, але але. Disclaimer 2: Я пакідаю за сабою права карыстацца тарашкевіцай па-за старонкамі зьместу (асноўная прастора, прастора праекта).

Я сталы ўдзельнік і адміністратар тарашкевіцкага разьдзелу, маю больш 14+ тысяч правак, зь іх 50% у асноўнай прасторы. Актыўна рэдагую Вікіпэдыю з 2009 году. З таго часу я стварыў і/або зрабіў унёсак некалькі інструмэнтаў, якія палягчаюць рэдагаваньне (як то вікіфікатар, які цяпер слушна апрацоўвае ўкладзеныя шаблёны). Акрамя таго, я зьяўляюся валянтэрам-распрацоўнікам MediaWiki і ў вольны час дасылаю выпраўленьні і паляпшэньні як у ядро MediaWiki, гэтак і ў ягоныя пашырэньні (і нават ствараю свае). Я дасканала ведаю мэханізм Вікіпэдыі як энцыкляпэдыі, як сацыяльнай сыстэмы і як праграмнага прадукту, і пасьпяхова знаходжу шляхі вырашэньня як надзённых, гэтак і сталых праблемаў у межах разьдзела.

Мая «перадвыбарная праграма», якую я з вашай дапамогай жадаў бы выканаць:

  • рэвізія сыстэмы шаблёнаў
    • перапрацоўка навігацыйных шаблёнаў
    • перапрацоўка інфармацыйных картак
  • рэвізія кліенцкіх скрыптаў
    • перапісваньне MediaWiki:Common.js, каб ён адпавядаў часу і патрэбам
    • перапісваньне існуючых гаджэтаў
    • напісаньне новых гаджэтаў
  • напісаньне модуляў на Lua, якія даюць поўную свабоду ў карыстаньні шаблёнамі
  • аптымізацыя коду галоўнай старонкі і выпраўленьне тэхнічных памылак на ёй
  • стварэньне інструмэнтаў на Wikimedia Tool Labs
    • ня тычыцца канкрэтна гэтага разьдзелу, але гуляць так гуляць перанос сыстэмы «Злучнасьць» (Звязнасць?) на Tool Labs і наданьне праекту новага жыцьця

Я адкажу на любое вашае пытаньне датычна маёй кандыдатуры (улучна з «пытаньнямі да кандыдата»). З павагай, — Wizardist г +у 23:46, 19 верасня 2013 (UTC)

За

  1. Сімвал голасу «за» За -----Хамелка/ разм. 07:40, 20 верасня 2013 (UTC)
  2. Сімвал голасу «за» За --Artificial123 (размовы) 11:22, 20 верасня 2013 (UTC)
  3. Сімвал голасу «за» За 500 правак можна зрабіць робатам, Wizardist гэтым шляхам проста не пайшоў, у астатнім з перасягам адпавядае патрабаванням. --Максім Л. (размовы) 11:33, 20 верасня 2013 (UTC)
  4. Сімвал голасу «за» За т.з. тэхнічны сцяг для ўдзельніка, галоўнае, каб сітуацыя з Амбай не паўтарылася. --Чаховіч Уладзіслаў (размовы) 12:54, 20 верасня 2013 (UTC)
  5. Сімвал голасу «за» За --Belahvostau (размовы) 18:53, 20 верасня 2013 (UTC)
    Сімвал голасу «за» За, безумоўна падтрымліваю. Шкада, што не можам канечне пазбыцца перадузятага стаўлення - ды і праграмістамі тут проста так раскідвацца нельга. --Mr. Sрock (размовы) 07:21, 21 верасня 2013 (UTC) Няма 100 правак да пачатку галасавання, патрабаваных для правамоцнасці выбаршчыка. --Максім Л. (размовы) 08:43, 21 верасня 2013 (UTC)
    А вось і ёсць: [3] і [4].--Mr. Sрock (размовы) 10:19, 21 верасня 2013 (UTC)
    Няма, у асноўнай прасторы толькі 79 правак. --Чаховіч Уладзіслаў (размовы) 11:38, 21 верасня 2013 (UTC)
  6. Сімвал голасу «за» За. Думаю, усё будзе добра :). --Дзяніс Тутэйшы (размовы) 07:55, 25 верасня 2013 (UTC)

Устрымліваюся

Супраць

Сімвал голасу «супраць» Супраць не будзе працаваць у асноўнай прасторы. Не мае 500 правак. --Rymchonak (размовы) 08:16, 20 верасня 2013 (UTC)
Сімвал голасу «супраць» Супраць , бо добра не ведаю, чым гэта ўсё можа скончыцца ў канечным выніку. (Каментарый перанесены ў Заўвагі. --Максім Л. (размовы) 19:21, 20 верасня 2013 (UTC)) --Pracar (размовы) 14:41, 20 верасня 2013 (UTC)

Заўвагі і пытанні

Пытаньні ад Чаховіча Уладзіслава

Толькі за тое, каб перапісаць нарэшце наш крывы MediaWiki:Common.js, але што канкрэтна маецца на ўвазе пад перапрацоўкай шаблонаў? Тое, што зрабілі ў рувікі з карткамі геаграфічных аб'ектаў выклікае толькі адно пытанне: навошта? --Чаховіч Уладзіслаў (размовы) 03:55, 20 верасня 2013 (UTC)

У прынцыпе, маецца на ўвазе ўсё. Па-першае, гэта сэмантычная выразнасьць і цэласнасьць. Па-другое, стыль (але ня як у рувікі). Для прыкладу, параўнай {{Навігацыйная табліца}} і Навігацыйная табліца. Тыя ж гарызантальныя сьпісы, якія робяцца як звычайныя сьпісы, а паказваюцца ў адзін радок з разьдзяляльнікам — гэта вельмі дапамагае лепшай індэксацыі зьместу як унутранаму рухавіком пошуку, так і вонкавым. Да таго ж, ужо даўно ва ўсіх разьдзелах стандартным разьдзяляльнікам зьяўляецца {{·}} (але ён мусіць быць тоўстым шрыфтам, а ня так, як цяпер; ня блытаць з {{*}}, які таксама надта візуальна тлумны, як наступны), а не |. Другі мае зусім іншае прызначэньне і ў сьпісе ён нават сэнсава ўспрымаецца не як разьдзяляльнік аднародных элемэнтаў, ня кажучы ўжо пра візуальную нязручнасьць (займае шмат вэртыкальнай прасторы).
Мая задача: зрабіць карыстаньне шаблёнамі бесьперашкодным: уставіў зьмест і паехаў (+торг у капота :)). Цяпер у кожным шаблёне прысутнічаюць нейкія непатрэбныя стылевыя мыліцы, якія 1) ўдзельнікі ўважаюць абавязкам капіяваць іх з аднаго шаблёна ў другі 2) парушаюць стылевую цэласнасьць. Уласна, гэта й стала прычынай гэтага запыту: многія шаблёны маюць поўную абарону і гэта работа не на адзін тыдзень, а штогадзіннае ўпіраньне ў чарговы абаронены шаблён (ці ня дай бог нешта з прасторы MediaWiki) вельмі дэматывуе.
Я хачу зрабіць так, каб наведнік зайшоў у гэты разьдзел і сказаў — а-е, сэксі! Каб навігацыйныя шаблёны, інфакарткі, выявы, галерэі і іншае не было для яго награмаджэньнем непатрэбнага глуму, а сапраўды карысным інструмэнтам у навігацыі і хуткім атрыманьні інфармацыі. — Wizardist г +у 11:10, 20 верасня 2013 (UTC)

Пытаньні ад Хамелкі

З пытанняў у мяне важкае толькі адно, ці маеш ты зараз вялікі кавалак часу, каб займацца Вікіпедыяй наогул і нашым раздзелам у прыватнасці? І адно не такое важкае, але - чаму ты раптоўна вырашыў перайсці да нас? Што тычыцца астатняга - то, думаю, што правіла пра 500 правак выклікана неабходнасць бачыць умеласць і вопытнасць удзельніка, але калі браць тваю персону :), то твая дасведчанасць на 100% адпавядае ўсім патрабаванням. Гэта калі казаць пра тэхнічную частку. Што тычыцца маральна-этычна-адміністратыўнай умеласці, то ты, на мой погляд, адзін з самых ураўнаважаных і адэкватных удзельнікаў-вікіпедыстаў з Беларусі. Буду толькі рада, калі і астатнія нашы ўдзельнікі падтрымаюць тваю кандыдатуру.---Хамелка/ разм. 04:47, 20 верасня 2013 (UTC)

Пытаньне вольнага часу я ўзважваў перад падачай заяўкі. Часу столькі ж, колькі было й раней, толькі раней я тут не рэдагаваў, а цяпер раблю спробы. Цяжка, як для дасьведчанага ўдзельніка, цяжка. У ангельскай Вікіпэдыі бар’ер уваходу куды меншы, менавіта таму і падаю заяўку, каб яго зьменшыць. — Wizardist г +у 11:10, 20 верасня 2013 (UTC)

Пытаньні ад Artificial123

Вельмі цікавіць пытанне аб прычыне пераходу да нас. І яшчэ: калі Вы тут, то пішыце афіцыйным правапісам. --Artificial123 (размовы) 05:40, 20 верасня 2013 (UTC)

А якая можа быць прычына, акрамя жадання дапамагчы годнаму пачынанню? На старонках размоў рэгламентацыі ўжывання нават той ці іншай мовы няма (а сп. Wizardist просіць не так і багата, калі вам сапраўды патрэбны высокаякасны спецыяліст), сустракаюцца тэксты і на інглішы, па-руску, па-украінску, па-польску, што ў тым страшнага, калі будуць яшчэ і па-беларуску (хай і альтэрнатыўнай нормай) — увогуле ставіцца да гэтага трэба спакайней (без лішняга гонару), беларуская мова мае сваю багатую гісторыю і пэўную варыятыўнасць, што вылілася ў цяперашнім існаванні двух нарматыўных варыянтаў граматыкі. Шкада, што часам ідуць гарачыя спрэчкі (не да рэчы) які варыянт "больш беларускі", часта, і часта няслушна, які больш зрусіфікаваны ці больш паланізаваны (добра, што пакуль не звярнулі яшчэ ўвагу на ўкраінскі ўплыў). Навошта наракаць потым на агульную варожасць і з пагардай пляваць адно аднаму ў вочы? Няўжо не здолеем быць вышэй?--Mr. Sрock (размовы) 06:04, 20 верасня 2013 (UTC)
Пры падтрымцы з боку іншых удзельнікаў я пакіну гэтае пытаньне без падрабязнага адказу. Калі вас гэта задаволіць, проста захацелася пэўнай зьмены абстаноўкі. Калі ласка, не лічыце гэты адказ грубым, ён мае самыя шчырыя імкненьні! :) — Wizardist г +у 11:10, 20 верасня 2013 (UTC)
Нічога супраць не маю, акрамя таго, што выказаў сп. Дзяніс Тутэйшы. Свой голас змяняю. --Artificial123 (размовы) 11:21, 20 верасня 2013 (UTC)

Пытанні ад Дзяніса Тутэйшага

Спадару Wizardist, лічу, што такі спецыяліст, як Вы, нам патрэбен і будзе вельмі карысны, і прэтэнзій асабіста да Вас у мяне няма. Таксама гатоў закрыць вочы на фармальнае патрабаванне 500 правак. Але мяне насцярожвае падкрэсленае карыстанне клясычным правапісам у нашым раздзеле (многія ўдзельнікі, якія так робяць, даволі нядобразычлівыя, часта паводзяць сябе як хамы і звадыяшы ці імкнуцца навязаць нейкія свае погляды. Дзеля справядлівасці, ёсць і зусім іншыя, добрыя прыклады супрацоўніцтва, але тэндэнцыя, на жаль, такая).
Асабіста для мяне важна, на якой мове пішацца наша Вікіпедыя (а "клясычны правапіс", калі меркаваць па зместу некаторых артыкулаў у адпаведнай вікіпэдыі, часам нагадвае не проста іншы правапіс, а іншую мову, чужую). Я ўсё гэта тлумачу, спадару Wizardist, дзеля таго, каб Вы зразумелі прычыны маёй насцярожанасці. Да таго ж, я з Вамі зусім незнаёмы.

  • Таму пытанне (пра правапіс): чаму і нашто? Няўжо Вы не ведаеце акадэмічнага правапісу?
    І ці разумееце Вы, што з боку гэта выглядае трохі няхораша, нечым падобна да "ісці ў чужы манастыр са сваім статутам"? (Прычым адразу архімандрытам, ніяк не менш :)) )

Акрамя таго, ужыванне іншага правапісу ў размовах можа справакаваць несвядомае яго ўжыванне ў шаблонах і іншых тэхнічных рэчах, якія Вы будзеце рабіць. А тады пасля прыйдзецца шукаць і выпраўляць.

  • Адпаведна пытанне: ці будзеце Вы выпраўляць заўважаныя іншымі ўдзельнікамі арфаграфічныя і лексічныя памылкі ў створаных Вамі шаблонах і кодах?

Карацей, мне хочацца, каб у нашай Вікіпедыі быў такі спецыяліст як Вы, але калі ласка, праясніце сваю пазіцыю. Паўтаруся, асабіста супраць Вас я нічога не маю, і сама па сабе тарашкевіца ў размовах мяне не пужае, але ўсё ж. Чакаю Вашага адказу. --Дзяніс Тутэйшы (размовы) 11:06, 20 верасня 2013 (UTC)

Такі пытаньне пра правапіс. Ну добра, то потым можна будзе куды спаслацца на чарговае пытаньне, чаму я пішу так, а ня гэтак. :) Я сьвядомы вікіпэдыст, не «сьвядомы» як змагар, а проста сьвядомы. А абсалютна ўсьведамляю, якім правапісам пішуцца артыкулы ў гэтым разьдзеле, ягоная дакумэнтацыя, нават парамэтры шаблёнаў. Як прыклад маёй сьвядомасьці і сумленнасьці, магу прывесьці шаблёны ў Вікікрыніцах, парамэтры ў якіх я рабіў адразу двума правапісамі, бо тарнаваў у Вікікрыніцах прынцып абсалютнай роўнасьці. Тут жа магу дадаць адразу, што я не не зьбіраюся працаваць у асноўнай прасторы. Наадварот, я зьбіраюся ў ёй працаваць і хутчэй за ўсё, як і ў разьдзеле тарашкевіцай, аб’ём правак у асноўнай прасторы будзе сягаць 50%, што для мяне цалкам прымальная лічба, як для ўдзельніка, які канцэнтруецца на тэхнічных момантах.
Я разумею, што гэта выглядае дурна, мабыць нават па-хамску, але я прывык паўсюль прасоўваць сваё бачаньне. Яно вельмі дэмакратычнае: я не завастраю ўвагі на тым, што чалавек гей, курыць, касавокі, або піша наркамаўкай або тарашкевіцай (сам я куру, у дзяцінстве быў касавокі і меў, здаецца, пасьпяховую апэрацыю, і пішу тарашкевіцай) — таго ж я чакаю ад людзей, што вакол мяне — не завастраць на гэтым увагу, бо гэта ня мае ніякага канструктыўнага сэнсу. Я цалкам усьведамляю граніцы гэтага (асноўная прастора, старонкі прасторы праекту, акрамя размоўных старонак, як гэтай, парамэтры шаблёнаў і яшчэ колькі месцаў), таму і дазваляю сабе пісаць тым правапісам, які дазваляецца дадзеным кантэкстам. Калі гэта неабходна, я спытаюся ў суполкі: «Калі ласка, дазвольце мне пісаць тарашкевіцай, акрамя месцаў, пералічаных вышэй па тэксьце». :)
На пытаньне пра выпраўленьне памылак іншых: так, вядома. А як жа я набяру 500 правак? Як на мяне, дык відавочна, што калі ёсьць пытаньні «як напісаць гэта», дык можна зьвярнуцца на форум, старонку абмеркаваньня, ці па іншых сродках камунікацыі.
Спадзяюся, я даў вычарпальны адказ на вашае пытаньне, сп. Дзяніс, але, калі нешта згубіў, не вагайцеся і пакажыце мне на гэта (толькі не на дзьверы, калі ласка :D). — Wizardist г +у 11:55, 20 верасня 2013 (UTC)
Мая насцярожанасць адносна Вас, як удзельніка, рассеялася. У Вашай пісьме́ннасці таксама не сумняваюся. Але ўсё ж заўважу, што ледзь не кожны беларускі вікіпедыст з'яўляецца свядомым (проста свядомым, без змагарства): толькі "сьвядомыя вікіпэдысты" часцей тусуюцца ў ВікіпЭдыі, а "свядомыя вікіпедысты" - у ВікіпЕдыі :)) Адпаведна размяркоўваюцца і густы. Так што, калі ласка, па магчымасці ўлічвайце гэта (асабліва ў размовах з новымі ўдзельнікамі). --Дзяніс Тутэйшы (размовы) 07:54, 25 верасня 2013 (UTC)

Агульныя заўвагі

Не бачу праблемы, 500 правак -- у гэтым выпадку фармальнасць, яе можна адолець за дзень, калі без гэтага *ніяк*. Мабыць, гэта і варта зрабіць, каб пытанне зняць. Але, напэўна, усім і без 500 правак відавочна, што Wizardist ведае як працаваць у Віксе і яе правілы. Адносна таго, хто куды і чаму пайшоў, то гэта прыватная справа чалавека, а ўсё пазавікіпедыйнае наогул закрытая тэма, наколькі я разумею агульныя правілы праекта. Наконт "небяспечнасці", у нас жа шмат адміністратараў, калі *раптам* што, хутка спынім. Правапіс у размовах..., а што нам важна, рабіць энцыклапедыю на акадэмічным правапісе ці нешта іншае? Урэшце, нам *вельмі* не хапае менавіта гэтых рук, нават інфармацыйныя шаблоны скрозь крывыя, бо ніхто ў гэтых кодах належным чынам не разбіраецца. --Максім Л. (размовы) 07:26, 20 верасня 2013 (UTC)

Супраць кандыдатуры. Няма неабходнай колькасці правак. Адміністратар — ключавая фігура, ён выдаляе вандальныя артыкулы, ставіць блакіроўкі і шмат чаго яшчэ. Даваць чалавеку, які мае мізерную колькасць правак, статус адміністратара - неабачліва і небяспечна. Хоць мяне вельмі цікавіць, чаму чалавек, які больш 3 год чытаў (вельмі рэдка рэдагаваў) гэты раздзел вырашыў вылучыць сваю кандыдатуру? + Ён нават не мае статуса даглядчыка. --Rymchonak (размовы) 05:33, 20 верасня 2013 (UTC)

Каментарый удзельніка Pracar

Супраць, бо добра не ведаю, чым гэта ўсё можа скончыцца ў канечным выніку. Пачытаў пытанні і адказы на гэтай старонцы - і чамусьці не нарадзілася даверу да гэтай кандыдатуры. Хочацца, каб новыя адміністратары былі паўнавартаснымі, а не толькі займаліся "шаблёнамі". Таксама хочацца, каб на мае пытанні да адміністратара (нават на старонцы размоў) мне адказвалі на той мове, якой я валёдаю валодаю. Што будуць думаць "навічкі", якія надумаюць пачаць ствараць артыкулы ў бел-вікіпедыі і звернуцца да адміністратара, а ім будуць адказваць на іх пытанні на старонцы размоў паў-балгарскай гаворкай? Думаю, што ім культурнага шока і "псыхычнага" раздражнення трэба пазбягаць, бо гэта аўтаматычна будзе пераносіцца на іншых адміністратараў і ўсю бел-вікіпедыю. А як раз за пашырэннем прытока "ананімаў" і "навічкоў" будучае нашага раздзела. // Няўжо для таго, каб стварыць шаблоны трэба статус адміністратара? Вось удзельнік Liashko, хоць і працуе шмат у раздзеле тарашкевіцы, але і тут нешта робіць, не патрабуючы большага. // Думаю, што рана пакуль абіраць такіх кандыдатаў. Я ўласна вельмі задаволены такім новым адміністратарам як "Дзяніс Тутэйшы", як і іншымі Шаноўнымі Ветэранамі ("Максім Л", "Хамелка", "Чаховіч", "ЕжыКундрат" і інш.). А хутка, можа, ветліва папросім прыемнага ўдзельніка "Artificial123" вылучыцца на адміністратара)) --Pracar (размовы) 14:41, 20 верасня 2013 (UTC)

Сп. Pracar, я спадзяюся, што гэта жарт. --Artificial123 (размовы) 14:52, 20 верасня 2013 (UTC)
Не, шаноўны, не жартаваў, а напісаў усё сур'ёзна, выказаў сваю думку па пытанням. Ніхто ж нікога не прымушае. // Думаю, што і ўдзельніку ‎Wizardist няма падставы асабліва бянтэжыцца, бо мне будучыня Беларусі бачыцца светлай. Будзе ўсім добра. --Pracar (размовы) 15:19, 20 верасня 2013 (UTC)
Я пытаў, ці не сур'ёзна Вы пісалі пра мяне?--Artificial123 (размовы) 16:57, 20 верасня 2013 (UTC)

Калі б Вас абіралі адміністратарам, то выказаўся за Вашую асобу. Ведаю, што гэта цяжка і адказна. За Вамі ж таксама пакідаецца выбар. Ніхто не прымусіць.--Pracar (размовы) 19:15, 20 верасня 2013 (UTC)

Я ня ведаю, да чаго вы згадалі Беларусь і яе будучыню, але, гледзячы з усяго, у вас склалася меркаваньне, варожае да маёй кандыдатуры як да «залётнага змагара». Што ж, шкада, што ў вас склалася такое меркаваньне, але калі вы захочаце яго зьмяніць, просьба перачытаць мае адказы на пытаньні іншых удзельнікаў. Што тычыцца маёй тэхнічнай праграмы (увогуле праграма тэхнічнымі справамі не абмяжоўваецца), нажаль, гэтаму разьдзелу не хапае людзей, якія здольныя былі б скласьці плян таго, што трэба зрабіць, і ажыцьцявіць захады па выпраўленьні недахопаў і стварэньні новых магчымасьцяў — таму я і засяродзіў сваю ўвагу на іх. Магчыма, вы ня маеце поўнага ўяўленьня аб умовах, у якіх мне неабходна працаваць, каб мы маглі карыстацца Вікіпедыяй з задавальненьнем (паспрабуйце тут). Гэта ня толькі шаблёны, але і процьма скрыптоў і стыляў. Калі б патрабавалася толькі пара дробных выпраўленьняў... сьцяг з рук маіх — можна было б напісаць на форум, каб адміністратары ўнесьлі зьмены, але мая задача — цалкам перарабіць усё — тут адным патчам усё ня зробіш. — Wizardist г +у 17:41, 20 верасня 2013 (UTC)
Сп. Wizardist, тут яшчэ сп. Pracar не падабаецца, што Вы пішаце тарашкевіцай. Мяне яна здаецца чымсь іншамоўным. Я наогул з Украіны, таму Ваша мова мяне дрэнна зразумелая, даводзіцца ўчытвацца. І хоць я прагаласаваў за Вас, у мяне пабойванні, што вы будзеце блытацца. --Artificial123 (размовы) 17:50, 20 верасня 2013 (UTC)
Было тут некалькі ўдзельнікаў, якія пісалі па-расейску, і нават былі адміністратарамі. Таму для сябе не лічу гэта аргумэнтам за ці супраць. А што да пісьменнасьці, то, з выняткам памылак друку, я буду пісьменьней некаторых аўтараў артыкулаў, калі глядзець па тым, што мне трапілася, даруйце за нясьціпласьць. І я кожны дзень вучуся! :) — Wizardist г +у 18:21, 20 верасня 2013 (UTC)

Шаноўны Wizardist, я не стаўлю пад сумненне Вашыя тэхнічныя і інструментальныя здольнасці, але хочацца, каб адміністратар быў паўнавартасным, а таксама звяртаўся да ўдзельнікаў (асабліва "навічкоў") і ў тлумачэннях сваіх правак на тым варыянце беларускай мовы, які з'яўляецца у гэтым раздзеле прынятым, бо ўжыванне тарашкевіцы можа стаць пэўнай дыскрэдытацыяй гэтага моўнага раздзела і адхіліць многіх. Людзі ж пішуць тут на адным варыянце беларускай мовы (які ж, дарэчы, з'яўляецца дзяржаўным і з таго -- нарматыўным), а Вы будзеце пісаць ім на іншым варыянце беларускай мовы, які не з'яўляецца дзяржаўным і звыклым. Можа, гэта будзе "навічкоў" раздражняць? // Я не выступаю супраць тарашкевіцы і ніколі не рабіў вандалізма ў вікіраздзеле тарашкевіцы. Лічу тарашкевіцу (і тое, што з ёй звязана) сфармаванай субкультурай, якая "не вырасце" да ўзроўня агульнадзяржаўнай культуры. (Хоць хто яго ведае...). І статыстыка наведвання раздзела вікіпедыі на тарашкевіцы грамадзянамі Беларусі каля 0,2%. // Я ведаю некалькі моў, але пішу толькі на гэтым варыянце беларускай мовы, каб падтрымаць гэтую моўную прастору, а не тарашкевіцу ці вялізную англійскую, хоць і не лічу сучасны варыянт беларускай мовы дасканалым. Аднак да тарашкевіцы ў мяне прэтэнзій яшчэ больш. // Я выказваюся супраць Вашай кандыдатуры, бо не маю поўнай яснасці, да чаго можа прывесці наяўнасць такога адміністратара. Ці сапраўды гэта шмат паспрыяе развіццю гэтага моўнага раздзела? А, можа, наадварот -- будзе замінаць высілкам развіцця менавіта гэтага моўнага раздзела? // Вы хочаце, каб тут Вам зрабілі крок насустрач і абралі адміністратарам? Думаю, што можна было б Вас абраць, але і Вы зрабіце крок насустрач -- пішыце ў "размовах" з удзельнікамі і тлумачэннях да правак на тым варыянце беларускай мовы, які тут прыняты і якім карыстаюцца тутэйшыя адміністратары і нават адзін бюракрат. Тым больш, што гэты правапіс беларускай мовы Вы таксама ведаеце. Я тады за Вас прагаласую. Чаму у Вас такая прынцыповасць? // Вы кажаце пра памылкі друку? І што? А я вось бачыў парушэнні аўтарскіх правоў Захара Шыбекі, але няма часу выправіць сітуацыю пасля папярэднікаў. Хапае тут недасканаласцей. Іншыя таксама вучацца рабіць лепей. // І я маю на выбарах толькі адзін голас, а не дзесяць. --Pracar (размовы) 19:15, 20 верасня 2013 (UTC)

Вынік

Кворум ёсць. Агулам пададзена 8 галасоў правамоцных выбаршчыкаў, "За" -- 6 галасоў (75%), "Супраць" -- 2 галасы (25%). Такім чынам, пры неабходных 2/3 галасоў "За", кандыдатура ўхвалена. --Максім Л. (размовы) 11:51, 9 кастрычніка 2013 (FET)

‎Дзяніс Тутэйшы

Тут знаходзяцца абмеркаванні, якія завяршыліся. Просьба не ўносіць змен.

Прапаную супольнасці кандыдатуру ‎Дзяніса Тутэйшага. Відавочна, прынамсі мне, што пан Дзяніс разумее мэты і прынцыпы праекта, шмат чаго ўжо зрабіў і дадатковыя тэхнічныя магчымасці будуць толькі на карысць. Стаж, колькасці правак і іншае, вядома, адпавядае ўмовам. --Максім Л. (размовы) 12:02, 22 ліпеня 2013 (UTC)

  • Згода кандыдата: Згода атрымала тут.
  • Галасаванне лічым пачатым 22.07.2013 00:00 (мінскага часу), тэрмін — 2 тыдні.

За

Сімвал голасу «за» За --Rymchonak (размовы) 11:49, 23 ліпеня 2013 (UTC)
Сімвал голасу «за» За--Ellis Novak (размовы) 12:26, 23 ліпеня 2013 (UTC)
Сімвал голасу «за» За---Хамелка/ разм. 13:20, 23 ліпеня 2013 (UTC)
Сімвал голасу «за» За --Максім Л. (размовы) 08:01, 25 ліпеня 2013 (UTC)
Сімвал голасу «за» За --JerzyKundrat (размовы) 08:24, 25 ліпеня 2013 (UTC)
Сімвал голасу «за» За. Поспехаў у працы. --Dzianis Niadbajla (размовы) 16:50, 3 жніўня 2013 (UTC)

Супраць

Заўвагі і пытанні

Сп.Дзяніс Тутэйшы, Вашы планы на пасадзе адміністратара Беларускай Вікіпедыі? Якімі бачыце перспектывы беларускамоўнага раздзела? --Rymchonak (размовы) 12:25, 22 ліпеня 2013 (UTC)
Удзельніку варта стварыць уласную старонку з нейкімі мінімальнымі звесткамі пра сябе, бо неяк не зразумела хто ён і ў якой галіне можа дапагчы іншым удзельнікам. --Чаховіч Уладзіслаў (размовы) 14:44, 22 ліпеня 2013 (UTC)
Маё пытанне такое. Ці ёсць у вас асабістае жаданне быць адміністратарам і выконваць нейкую працу, якую без сцяга выконваць нельга. Хоць што-небудзь кшталту тых жа масавых пераносаў пад іншую назву, калі старую трэба выдаліць ці яшчэ нешта. Зразумела, можна даваць усім запар сцягі адміна, падобна сцягам даглядчыкаў, але ў адрозненне ад статусу даглядальніка, каб зняць падобны сцяг, трэба звяртацца да сцюардаў на мету (г. зн. за межы праекту). У нас ужо ёсць два адміны, якія нават як удзельнікі неактыўныя, і яшчэ 2, якія сцягам тым каля 30 разоў за паўгода скарысталіся (30/6=5 разоў за месяц, дзеля гэтага можна было і да іншага адміна звярнуцца). Сапраўды, я не маю нічога асабістага супраць дзейных адмінаў і супраць кандыдата. Калі вы сапраўды самі хочаце стаць адмінам, цягнецца часам рука да «кнопкі, якая без сцяга не працуе», то я першая прагаласую, але калі гэта толькі таму, што «ну калі даюць, то чаго адмаўляцца», то можа лепей адмовіцца?---Хамелка/ разм. 15:25, 22 ліпеня 2013 (UTC)
Так разумею, што ўдзельнік узяўся за ДА і плануе пачаць выбіраць ВА. Па-другое, некалькі разоў прасіў мяне змяніць нешта ў "сістэмных паведамленнях" (гэта адзіны ўдзельнік з падобнымі просьбамі за ўвесь час, што я тут), а так сам зможа змяніць і перакладаць, а там ёсць што. Па-трэцяе, "якія планы?", а якія яны могуць быць, апроч выдаляць вызначанае супольнасцю, адкочваць вандалізм і блакіраваць вандалаў, перакладаць сістэмныя паведамленні -- астатняе можа кожны. Урэшце, "а ці трэба?", год ці болей у раздзеле быў, фактычна, толькі адзін адмін і, тэарэтычна, болей не трэба, бо чыста адмінскай працы няма нават на дваіх, пра пяцярых няма чаго і казаць. А калі не тэарэтычна, то чаму і не пяць або дзесяць і нават болей, былі б толькі людзі зацікаўленыя праектам. --Максім Л. (размовы) 17:54, 22 ліпеня 2013 (UTC)
Ну, па-першае, пачакаем усё ж такі пачакаем адказу кандыдата, па-другое, для ДА і ВА не трэба сцяг, па-трэцяе, на тое і прасіў за сістэмныя, што сам не разумее ў іх (і калі пра сістэмныя - гэта тыя, што на http://translatewiki.net/, то для гэтага таксама сцяг не патрэбен), а чацвёртае да кучы - усё ж такі вопыту працы не непасрэдна з артыкуламі, а "з праектам" (правілы, тэхпадтрымка, інтэрфейс) - недастаткова.---Хамелка/ разм. 18:41, 22 ліпеня 2013 (UTC)
Сістэмныя тыя, што з прасторы MediaWiki, а выпраўленае на translatewiki не адлюструецца ў бягучым праекце. --Максім Л. (размовы) 19:19, 22 ліпеня 2013 (UTC)
Дарэчы, з translatewiki не адлюстроўваюцца толькі калі пад тое ж імя стварылі MediaWiki у нас, у адваротным выпадку, праз гадзіну-другую - адлюстроўваюцца.---Хамелка/ разм. 21:04, 22 ліпеня 2013 (UTC)
Наконт досведу, то правілы патрабуюць 500 правак, з якой прычыны Вы прапануеце лічыць гэта недастатковым? --Максім Л. (размовы) 19:23, 22 ліпеня 2013 (UTC)

Прабачце, што доўга не адказваў.

1) Адказ сп. Рымчонку:

Планаў у мяне вельмі шмат, і на іх ажыццяўленне спатрэбіцца многа часу. Бліжнія планы:

  • Пашырэнне матэматычнага і часткова фізічнага раздзелаў, а таксама артыкулаў па праграмаванню.
  • Прывядзенне да ладу тэрміналогіі ў артыкулах па матэматыцы, фізіцы і праграмаванню.
  • Выпраўленне арфаграфіі і стылістыкі службовых паведамленняў і інтэрфейсных надпісаў, каб Вікіпедыя была якаснай не толькі звонку, але і ўнутры. Пераклад англамоўных інтэрфейсных надпісаў.
  • Падтрымка і развіццё праекта "Добрыя артыкулы"
  • Арганізацыя і развіццё праекта "Выдатныя артыкулы"

Дальнія планы:

  • Калі змагу разабрацца з нутром Вікіпедыі (праграмнымі кодамі), можа зраблю пару зручных фішак у нашай Вікіпедыі (напрыклад, усплыванне тэксту зноскі пры навядзенні ўказальніка)
  • Магчыма, па меры неабходнасці, прапаную папраўкі да існуючых правіл, фармалізацыя і стварэнне пісаных правіл.

У сваёй працы спадзяюся на падтрымку іншых удзельнікаў.

Перспектывы: супольнасць - рухавік Вікіпедыі. Калі супольнасць працягне працаваць, як працуе цяпер, то ў нашага праекта ёсць будучыня. А праца ў Вікіпедыі заўсёды знойдзецца.

2) Адказ сп. Хомелцы:

Безумоўна вопыту адмінскай працы ў мяне няма, але адкуль ён возьмецца, калі я ніколі не быў адмінам? Скажу так, мне хопіць працы і без адмінства. Аднак усё ж адмінства спрасціла б мне працу. Чым мне дапаможа адмінскі сцяжок:

  • Змагу выдаляць няслушныя старонкі-перасылкі, пераносіць артыкулы пад правільную назву (без стварэння перасылкі)
  • Правіць інтэрфейсныя надпісы і службовыя паведамленні
  • Выдаляць відавочнае смецце і вандальныя старонкі

--Дзяніс Тутэйшы (размовы) 11:46, 23 ліпеня 2013 (UTC)

Вынік

Агулам пададзена 6 галасоў, "За" - 6 (100%) галасоў, "Супраць" - 0 (0%) галасоў. Кандыдатура ўхвалена. --Максім Л. (размовы) 12:22, 9 жніўня 2013 (UTC)

Усім дзякуй за давер і падтрымку. --Дзяніс Тутэйшы (размовы) 14:11, 10 жніўня 2013 (UTC)

Dzianis Niadbajla

Тут знаходзяцца абмеркаванні, якія завяршыліся. Просьба не ўносіць змен.

Выстаўляю кандыдатуру Дзяніса Нядбайлы на атрыманне сцяга адміністратара --Чаховіч Уладзіслаў (размовы) 22:55, 4 студзеня 2013 (UTC) Галасаванне лічым пачатым 06.01.2013 00:00 (мінскага часу), тэрмін — 2 тыдні. Згода кандыдата: Згодны--Dzianis Niadbajla (размовы) 14:02, 5 студзеня 2013 (UTC)

За

  1. Сімвал голасу «за» За - даўно патрэбныя новыя адміністратары--Павел Петро (размовы) 16:34, 5 студзеня 2013 (UTC)
  2. Сімвал голасу «за» За --Чаховіч Уладзіслаў (размовы) 14:01, 8 студзеня 2013 (UTC)
  3. Сімвал голасу «за» За---Хамелка/ разм. 15:07, 8 студзеня 2013 (UTC)
  4. Сімвал голасу «за» За --Максім Л. (размовы) 16:30, 8 студзеня 2013 (UTC)
  5. Сімвал голасу «за» За Каб толькі з павагай адносіўся да іншых удзельнікаў (асабліва нашых тарвікі-братоў) і не забываў, што на Вікіпедыі жыццё не скончваецца і трэба пладзіцца і засяляць прасторы радзімы.--Pracar (размовы) 17:19, 8 студзеня 2013 (UTC)
  6. Сімвал голасу «за» За Цудоўна, што ў Вікіпедыі з'явіцца яшчэ адзін адміністратар - прафесіянал у гісторыі, энцыклапедыст. З павагай і пажаданнем поспехаў на ўсіх франтах. --Rymchonak (размовы) 17:57, 8 студзеня 2013 (UTC)
  7. Сімвал голасу «за» За Дадатковыя магчымасці для кампетэнтных і адказных удзельнікаў — гэта добра --JerzyKundrat (размовы) 05:27, 9 студзеня 2013 (UTC)
  8. Сімвал голасу «за» За Frantishak (размовы) 22:44, 12 студзеня 2013 (UTC)
  9. Сімвал голасу «за» За--J. C. Richter (размовы) 12:34, 13 студзеня 2013 (UTC)

Супраць

Заўвагі і пытанні

Заўважыла, паважаны кандыдат стварыў 51 катэгорыю без інтэрвік, нехта павінен будзе гэта выправіць. З другога боку - добрая практыка для адміністратара пачаць з работы над памылкамі.---Хамелка/ разм. 20:39, 9 студзеня 2013 (UTC)

Неяк мы аднагалосна прагаласавалі За і нават не пацікавіліся, а што ўдзельнік будзе рабіць са сцягам адміністратара? --Чаховіч Уладзіслаў (размовы) 20:45, 9 студзеня 2013 (UTC)

А што ён мусіць з ім рабіць? Сцяг спрасціць некаторыя моманты ў яго працы, гэтага дастаткова, даў бы сцягі яшчэ 3-5 удзельнікам, каб ім было прасцей і толькі. Адзінае што хацелася б пажадаць, каб троху змянілася стаўленне да аўтарскіх правоў. --Максім Л. (размовы) 22:15, 9 студзеня 2013 (UTC)
Па-першае, я з радасцю выпраўлю памылкі, якія дапусціў раней. Толькі вось, я не магу ніяк знайсці спіс гэтых 51 катэгорыі! Па-другое, неяк вельмі прасторава гучыць Ваша пытанне паважаны спадар У. Чаховіч. Па-трэцяе, у першую чаргу я кіруюся прынцыпамі аўтарства, якое прапісана ў БелВікі, а потым ужо астатнімі правамі. Аднак складанасць у тым, што шмат чаго там не прапісана, з-за чаго ўзнікаюць непаразуменні. Я пагаджуся, што ў першыя гады майго ўдзелу ў праекце было дапушчана мноства памылак, якія я таксама буду старацца знаходзіць і выпраўляць. Маё стаўленне да аўтарскіх правоў вельі простае: падаваць крыніцу інфармацыі абавязкова падаваць друкаваную аўтарытэтную крыніцу інфармацыі. З павагай!--Dzianis Niadbajla (размовы) 23:04, 11 студзеня 2013 (UTC)
Створаныя катэгорыі можна перагледзець тут :)---Хамелка/ разм. 13:50, 10 студзеня 2013 (UTC)
Дзякуй вялікі! Аднак чамусьці ў мяне гэтая старонка не адчыняецца ўжо 2 дня:-( Зроблена Паважаная Вольга. Ва ўсіх названых катэгорыях былі прастаўленыя інтэрвікі.--Dzianis Niadbajla (размовы) 23:04, 11 студзеня 2013 (UTC)
Цудоўна :). Калі яшчэ захочацца пашукаць адміністратарскай работы, то Вы ведаеце, у каго спытаць ;).---Хамелка/ разм. 08:15, 12 студзеня 2013 (UTC)

Далучаюся да пытання сп. Чаховіча. Пытанне "якія дзеянні, даступныя толькі адміністратару, збіраецца прадпрымаць кандыдат" стала, можна сказаць, традыцыйным. Яшчэ хацелася б бачыць нейкую праграму, выбары ўсё-ткі. Ну, і неяк дзіўна выглядае запрашэнне да апытання ў аб'явах (і гэта ў час выбараў): вось жа ён, шлях паляпшэння, і ўжо ёсць ахвотнік яго не толькі прапанаваць, але і ўласнаруч ажыццяўляць! --Mikalai Udodau (размовы) 17:09, 11 студзеня 2013 (UTC)

Падыходзіць к канцу тэрмін галасавання па кандыдатуры сп. Дзяніса, а пытанні застаюцца без адказаў. Кандыдат ігнаруе мяне, задаецца недасяжнай мэтай у 100 тысяч у гэтым годзе, увязваецца ў спрэчкі і дазваляе сабе палемічныя хады ("калі ўсе ідуць тапіцца, то і я павінен!?"), а таксама робіць адкат з сумніўным тлумачэннем (http://be.wikipedia.org/w/index.php?title=%D0%A1%D1%8F%D1%80%D0%B3%D0%B5%D0%B9_%D0%92%D0%B0%D1%81%D1%96%D0%BB%D0%B5%D0%B2%D1%96%D1%87_%D0%A5%D0%B0%D1%80%D1%8D%D1%9E%D1%81%D0%BA%D1%96&diff=prev&oldid=1442164 ). Крыху падрабязней пра сто тысяч. Каб зрабіць столькі ў гэтым годзе, трэ дадаваць амаль па 200 артыкулаў за дзень. Гэта на парадак больш, чым цяпер. Адзіны ажыццявімы спосаб дасягнуць такой лічбы - ботазаліўкі. Ува што пераўтворыцца раздзел пасля такога, не трэба нават казаць. Так што, перахвалілі Дзяніса, ой, перахвалілі. --Mikalai Udodau (размовы) 21:08, 17 студзеня 2013 (UTC)
Паважаны Спадар Mikalai Udodau, я не зусім зразумеў, на якое пытанне мне трэба адказаць. Калі Вы маеце на ўвазе прасторавае пытанне: што я буду рабіць са сцягам адміністратара, то дазвольце мне таксама прасторава адказаць: працаваць над паляпшэннем, у першую чаргу гуманітарнага падзелу вікі, а ў другую, ўсё астатняе. Наконт палемікі з майго боку: іншы ўдзельнік абмеркавання прывёў факт таго, што ўсе пагадзіліся ставіць шаблон, а я не. І таму я не мае рацыю, з яго пункту гледжання. Па-першае, гісторыя ведае шмат выпадкаў, калі тыя хто быў у большасці, даволі часта аказваліся не правы; па-другое, я выказаўся літаратурным афарызмам, і правілы як Вікі, так і нормы адміністратарства гэтага не забараняюць. Наконт адкату: ён датычыўся толькі праўкі зробленай на тарашкевіцы (ды інш.), ніякага вандалізму тут няма, тым больш за гэтак вялікі час майго ўдзелу ў праекце, я ні разу сабе такога не дазволіў. Колькасць артыкулаў - гэта мой план, а як вядома не заўсёды ўсё ідзе па плане. Тым больш, што я ж не адзін збіраюся іх ствараць. Ніякай ботазаліўкі, з майго боку, не будзе. І апошняе: Калі на Ваш погляд мяне перахвалілі (дарэчы, я не люблю калі мяне хваляць), прагаласуйце супраць. Будзе хоць нейкае разнастайнасць у галасаванні. Тым больш у мяне няма такіх амбіцый, як дапусцім ў Прэзідэнта РБ, хацець каб прагаласавала 100%. Хачу заўважыць, што я не трымаюся за за гэты пост: выберуць - добра, не абяруць - таксама добра, значыць трэба працаваць яшчэ, і больш старанна. З павагай--Dzianis Niadbajla (размовы) 13:58, 18 студзеня 2013 (UTC)
Ну што ж няясна з пытаннем, вось жа яно: "якія дзеянні, даступныя толькі адміністратару, збіраецца прадпрымаць кандыдат". Першае, што прыходзіць у галаву - блакаванне і выдаленне старонак. Калі вы так хочаце канкрэтнасці, то назавіце лічбы, колькі ўдзельнікаў у дзень збіраецеся блакаваць (пайменна) і колькі старонак сціраць. Што да палемікі, адміністратар абавязваецца шукаць вырашэння спрэчных пытанняў, а не дэклараваць сваю пазіцыю, якой бы цвёрдай яна не была. Тым больш, што сутнасць пытання была не ў большасці, а ў пераканаўчасці аргументаў. Тарашкевіцы ў той ананімнай праўцы не было, тарашкевіцаю мусіла б быць Гішпанія і пЭрыёдыкі, магчыма, быў неўласцівы сучаснаму стану раздзела стыль. Пытанне іменна ў сумнеўнасці адкату. План, адарваны ад рэчаіснасці, нясе шкоду. Без варыянтаў. Нягледзячы на тое, што крытыкі ў маім допісе хоць адбаўляй, хвалілі, здаецца, ўсё ж больш. --Mikalai Udodau (размовы) 16:03, 18 студзеня 2013 (UTC)
Блакаваць ўдзельніка, калі ён вядома не займаецца вандалізмам, я не збіраюся. А вось прэрагатывай выдалення старонак, я ўсё ж такі скарыстаюся, так як ёсць дастатковая колькасць артыкулаў, якія маюць патрэбу ў аб'яднанне. Што да «вырашэння спрэчных пытанняў», так я ж яшчэ не адміністратар, каб знаходзіць у спрэчках кампрамісы. Тым больш, што я яго прапанаваў удзельніку: прастаўляць шаблон ў сваёй Вікі, а мы ў сваёй. А то атрымліваецца, што Вікі (тараш.) патрабуе гэта рабіць ад нашых удзельнікаў, а да сваіх ставіцца паблажліва ў гэтым пытанні. Гэта адзін спрэчны момант, а другі: што рабіць з артыкуламі, якія былі ўзятыя з апублікаваных энцыклапедычных выданняў, і слова ў слова (калі вядома не лічыць некаторых адступленняў) з'яўляюцца іх кампіляцыяй. Калі прытрымлівацца пазіцыі майго апанента, то не трэба ставіць шаблон, калі я напісаў першы артыкул у Вікі, а ён ўжо потым перабраўся ў Вікі (тараш.), і наадварот. А да крытыкі я стаўлюся нават вельмі пазітыўна, і лічу, чым больш яе (вядома ж павінна быць аргументацыя і доказ, а не простае пустазвонства), тым лепш. З павагай --Dzianis Niadbajla (размовы) 19:50, 18 студзеня 2013 (UTC)

Вынік

Агулам пададзена 9 галасоў, "За" - 9 (100%) галасоў, "Супраць" - 0 (0%) галасоў. Пры неабходных для абрання 2/3, прапанаваная кандыдатура ўхвалена. --Чаховіч Уладзіслаў (размовы) 14:16, 20 студзеня 2013 (UTC)

Сцяг выдаў. Адзначу, не першы ўжо раз, што не лічу сцяг адміністратара нечым, што накладае дадатковых абавязкаў. Добраахвотнасць і пасільнасць праекту не дазваляюць кагосьці нечым абавязваць. Таксама і практыка нашага раздзела, якая розніцца ад іншых, у т.л. і буйных. Менавіта адміністратарскай працы тут не багата, аднаго адміністратара хопіць з лішкам. Са сцягам з'яўляюцца дадатковыя тэхнічныя магчымасці, якія пры нашай малалікасці не лішнія кожнаму актыўнаму ўдзельніку, яны папросту спрашчаюць некаторыя моманты ў працы. Даваў бы сцяг усім, паводле правілаў, прынамсі, пакуль мы не пачнём баніць адзін другога, а, хочацца верыць, калі такое будзе, то не хутка. Наконт абавязкаў, яны роўныя для ўсіх, гэта выкананне вікіпедыйных правілаў і нічога болей. Гэта тычыцца і этычных паводзін, і аўтарскіх правоў, і інш., але не заўсёды ўдзельнікі трымаюцца гэта. А хацелася, каб трымаліся. Калі сустракаешся з людзьмі і яны пытаюцца, чаму ў нашым раздзеле парушаюцца аўтарскія правы і чаму нічога не робіцца супраць гэтага, то адказваць цяжка і непрыемна, нават калі гэта тычыцца толькі правоў/"правоў" ТарашкВіксы. Не можна ж адказаць, што проста не хочацца баніць пэўных актыўных удзельнікаў або што мы ім не растлумачылі правілаў, а самі яны іх не ведаюць. Трымайцеся правілаў, панове. --Максім Л. (размовы) 15:14, 20 студзеня 2013 (UTC)

Узята з "https://be.wikipedia.org/w/index.php?title=Вікіпедыя:Запыты_па_статус_адміністратара/2013—2022&oldid=4308014"