Дзьюла Хорн

Дзьюла Хорн
Gyula Horn
37-ы Прэм'ер-міністр Венгрыі 15 ліпеня 1994 — 6 ліпеня 1998
Папярэднік	Петэр Бораш
Пераемнік	Віктар Орбан
55-ы Міністр замежных спраў Венгрыі 10 мая 1989 — 23 мая 1990
Папярэднік	Петэр Варкані
Пераемнік	Геза Есенскі
Нараджэнне	5 ліпеня 1932(1932-07-05)[…] Будапешт, Венгрыя
Смерць	19 чэрвеня 2013(2013-06-19)[…] (80 гадоў) Будапешт, Венгрыя
Месца пахавання	Керэпешы[d]
Імя пры нараджэнні	венг.: Horn Gyula János
Грамадзянства	Венгрыя
Партыя	1)ВПТ (1954—1956) 2)ВСРП(1956—1989) 3)ВСП (з 1989)
Адукацыя	Растоўскі фінансава-эканамічны інстытут (1954)
Аўтограф
Бітвы	Венгерскае паўстанне
Узнагароды	Вялікі Крыж I ступені ордэна Пашаны за Заслугі перад Аўстрыйскай Рэспублікай Кавалер Вялікага Крыжа ордэна За заслугі перад ФРГ
Медыяфайлы на Вікісховішчы

Дзью́ла Хорн (венг.: Horn Gyula, 5 ліпеня 1932(1932-07-05)^[…], Будапешт — 19 чэрвеня 2013(2013-06-19)^[…], Будапешт) — венгерскі палітык, Прэм’ер-міністр Венгрыі ў 1994-98 гады.

Біяграфія

Скончыў Растоўскі фінансава-эканамічны інстытут (сучасны Растоўскі дзяржаўны эканамічны ўніверсітэт). Удзельнічаў у паўстанні 1956 года на баку камуністаў у складзе атрадаў pufajkás, якія дапамагалі савецкім войскам. Працаваў у міністэрстве фінансаў, міністэрстве замежных спраў, пасольствах у Балгарыі і Югаславіі. У 1985 годзе стаў намеснікам міністра замежных спраў. Ва ўрадзе Міклаша Немета быў міністрам замежных спраў; атрымаў вядомасць адкрыццём заходніх межаў ВНР для грамадзян ГДР, якія пераязджалі ў ФРГ. У 1989 годзе быў адным з заснавальнікаў Венгерскай сацыялістычнай партыі. У 1994 годзе стаў прэм’ер-міністрам пасля перамогі ВСП на парламенцкіх выбарах. Падчас яго прэм’ерства ў Венгрыі праводзіўся «план Бокраша» — праграма па барацьбе з бюджэтным дэфіцытам і павольным эканамічным прыростам. Рэалізацыя «плана Бокраша» стабілізавала эканоміку, аднак прывяла да пагаршэння эканамічнага становішча насельніцтва і да перамогі апазіцыі на выбарах 1998 года. Пасля выбараў Хорн сышоў у адстаўку і паступова адышоў ад актыўнай палітычнай дзейнасці.