Перайсці да зместу

Эвер Банега

З Вікіпедыі, свабоднай энцыклапедыі
Футбол
Эвер Банега
Эвер Банега ў складзе зборнай
Эвер Банега ў складзе зборнай
Агульная інфармацыя
Поўнае імя Эвер Максімільяна Давід Банега
Мянушка El tanguito, El negro, El everito
Нарадзіўся 29 чэрвеня 1988(1988-06-29)[1][2][…] (36 гадоў)
Грамадзянства  Аргенціна
Рост 174 см
Вага 71 кг
Пазіцыя паўабаронца
Інфармацыя пра клуб
Клуб Аргенціна Ньюэлс Олд Бойз
Нумар 10
Маладзёжныя клубы
Аргенціна Нуэва Гарызонтэ
Аргенціна Альянца Спорт
2000—2007 Аргенціна Бока Хуніярс
Клубная кар’ера[* 1]
2007 Аргенціна Бока Хуніярс 28 (0)
2008—2014 Іспанія Валенсія 136 (9)
2008—2009 →  Іспанія Атлетыка Мадрыд 24 (1)
2014 →  Аргенціна Ньюэлс Олд Бойз 14 (1)
2014—2016 Іспанія Севілья 59 (8)
2016—2017 Італія Інтэрнацыянале 28 (6)
2017—2020 Іспанія Севілья 96 (9)
2020—2024 Саудаўская Аравія Аш-Шабаб 94 (18)
2024— Аргенціна Ньюэлс Олд Бойз 6 (0)
Нацыянальная зборная[* 2]
2007 Аргенціна Аргенціна (да 20) 14 (0)
2008 Аргенціна Аргенціна (алімп.) 6 (0)
2008—2018 Аргенціна Аргенціна 65 (6)
Узнагароды і медалі
Алімпійскія гульні
Золата Пекін 2008 футбол
Кубкі Амерыкі
Срэбра Чылі 2015
Срэбра ЗША 2016
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 26 лютага 2024.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 22 жніўня 2020
Лагатып Вікісховішча Медыяфайлы на Вікісховішчы

Э́вер Максімілья́на Даві́д Бане́га (ісп.: Éver Maximiliano David Banega; нар. 29 чэрвеня 1988, Расарыа, Аргенціна) — аргенцінскі футбаліст, паўабаронца клуба «Ньюэлс Олд Бойз» з Расарыа і былы ігрок нацыянальнай зборнай Аргенціны.

Клубная кар’ера

[правіць | правіць зыходнік]

«Бока Хуніярс»

[правіць | правіць зыходнік]

Банега з’яўляецца выхаванцам футбольнай школы клуба «Бока Хуніярс». У дарослую каманду патрапіў пасля сыходу асноўнага цэнтральнага паўабаронцы клуба Фернанда Гага ў «Рэал Мадрыд» і, нягледзячы на сваю маладосць, паспяхова яго замяніў. Дэбют Банегі ў аргенцінскай лізе адбыўся 10 лютага 2007 года ў пераможным для «Бокі» матчы супраць «Банфілда». У першы ж год выступаў за клуб стаў адным з ключавых ігракоў «Бокі» і прыцягнуў да сябе ўвагу селекцыянераў вядучых клубаў Еўропы, сярод якіх у СМІ называліся «Барселона», «Мілан» і «Ювентус»[3][4]. Акрамя таго, Банега стаў рэгулярна выклікацца ў моладзевую зборную Аргенціны, у складзе якой стаў пераможцам чэмпіянату свету 2007 сярод ігракоў да 20 гадоў.

«Валенсія»

[правіць | правіць зыходнік]

5 студзеня 2008 года Банега падпісаў з іспанскай «Валенсіяй» кантракт на пяць з паловай гадоў. За яго пераход «Валенсія» заплаціла 18 мільёнаў еўра[5]. Ужо праз 8 дзён Банега дэбютаваў за клуб у матчы чэмпіянату Іспаніі супраць «Атлетыка», выйшаўшы на замену пасля перапынку і адгуляўшы ўвесь другі тайм. У дэбютным сезоне ў Іспаніі Банега згуляў 12 матчаў у Ла Лізе і дапамог «Валенсіі» перамагчы ў Кубку Іспаніі.

У сезоне 2008/09 гуляў у арэндзе за мадрыдскі «Атлетыка», затым вярнуўся ў склад «кажаноў». Але ў сезоне 2010/11 месца Эвера ў стартавым складзе «Валенсіі» сумневу ўжо не мянялася. Ён быў задзейнічаны трэнерам Унаі Эмеры галоўным чынам на пазіцыі плэймэйкера, але таксама адпрацоўваў і ў абароне каманды.

У лютым 2012 года Банега атрымаў траўму, з-за якой ён прапусціў не менш за 6 месяцаў — пералом сцёгнавай косці[6]. Інцыдэнт адбыўся на заправачнай станцыі: аргенцінец забыўся паставіць аўтамабіль на ручны тормаз, і той праехаў яму па назе[7].

«Севілья»

[правіць | правіць зыходнік]

У жніўні 2014 года Банега перайшоў у «Севілью», падпісаўшы кантракт на два гады з магчымасцю яго падаўжэння яшчэ на адзін год. Сума трансферу склала 2,5 млн еўра[8]. У складзе «Севільі» Банега стаў двухразовым пераможцам Лігі Еўропы.

«Інтэрнацыянале»

[правіць | правіць зыходнік]

6 ліпеня 2016 года ў якасці свабоднага агента падпісаў кантракт з італьянскім «Інтэрнацыянале»[9]. Узімку 2017 года з’явілася інфармацыя аб магчымым зыходзе Банегі з «Інтэра», аднак паўабаронца застаўся ў камандзе і пазней вярнуўся ў стартавы склад. 12 сакавіка 2017 года аформіў першы ў сваёй кар’еры хет-трык, чым дапамог «Інтэру» перамагчы «Аталанту» (7:1).

Вяртанне ў «Севілью»

[правіць | правіць зыходнік]

У чэрвені 2017 года «Севілья» дасягнула дамоўленасці з «Інтэрам» аб вяртанні іграка, і ў ліпені было афіцыйна абвешчана аб пераходзе[10].

«Аш-Шабаб»

[правіць | правіць зыходнік]

У студзені 2020 года было абвешчана аб пераходзе Банегі ў саудаўскі клуб «Аш-Шабаб» па заканчэнні сезона 2019/20.

«Ньюэлс Олд Бойз»

[правіць | правіць зыходнік]

У студзені 2024 года вярнуўся ў Аргенціну, далучыўшыся да «Ньюэлс Олд Бойз».

Міжнародная кар’ера

[правіць | правіць зыходнік]

6 лютага 2008 года Банега дэбютаваў у нацыянальнай зборнай Аргенціны ў таварыскім матчы супраць зборнай Гватэмалы, які быў пераможаны аргенцінцамі з лікам 5:0. У чэрвені 2008 года ён быў уключаны ў заяўку зборнай Аргенціны на Алімпійскія гульні ў Пекіне.

Дасягненні

[правіць | правіць зыходнік]

Клубныя

[правіць | правіць зыходнік]

«Бока Хуніярс»:

«Валенсія»:

«Севілья»:

Міжнародныя

[правіць | правіць зыходнік]

Аргенціна:

Крыніцы

[правіць | правіць зыходнік]
  1. ↑ Éver Banega // Transfermarkt — 2000. Праверана 9 кастрычніка 2017.
  2. ↑ Éver Banega // FBref.com
  3. ↑ «Барселона» пополнила список претендентов на Ивановича Архівавана 28 мая 2008.. championat.ru
  4. ↑ «Милан» предлагал за Банегу £ 7 млн(недаступная спасылка). championat.ru
  5. ↑ «Валенсия» достигла договорённости о переходе Банеги Архівавана 17 верасня 2008.. championat.ru
  6. ↑ Банега выбыл на полгода. football.ua
  7. ↑ Полузащитник «Валенсии» Эвер Банега получил повреждение по дороге домой с тренировки. soccer.ru
  8. ↑ Banega se marcha al Sevilla por 2,5 millones. Marca
  9. ↑ Банега заключил трехлетний контракт с «Интером». by.tribuna.com
  10. ↑ «Севилья» объявила о переходе Банеги из «Интера». by.tribuna.com

Спасылкі

[правіць | правіць зыходнік]
Узята з "https://be.wikipedia.org/w/index.php?title=Эвер_Банега&oldid=4769829"