Гэта самая заходняя знаходка аўстралапітэка. Выяўленая ў 1995 годзе французскім палеантолагам Мішэлем Брунэ на тэрыторыі старажытнага рачнога рэчышча Бахр-эль-Газаль ў Чадзе. Яна ўяўляе сабой верхнюю сківіцу з сямю зубамі[3]. Паколькі раней астанкі аўстралапітэкаў выяўляліся толькі ва Усходняй і Паўднёвай Афрыцы, дадзеная знаходка стала сведчаннем даволі шырокага распаўсюджвання роду.[1]
Многія антраполагі мяркуюць, што аўстралапітэк Бахр-эль-газальскі не з'яўляецца самастойным відам. Яны адносяць яго да Australopithecus afarensis з-за падабенства знойдзенага матэрыялу. Але ёсць і адрозненні: малыя карэнныя зубы ў A. bahrelghazali маюць па тры кораня, а у A. afarensis - два ці адзін[3].
