Міхаіл Міхайлавіч Хвастоў

Міхаіл Хвастоў
Міністр замежных спраў Рэспублікі Беларусь 27 лістапада 2000 — 21 сакавіка 2003
Прэзідэнт	Аляксандр Лукашэнка
Кіраўнік урада	Уладзімір Ярмошын Генадзь Навіцкі
Папярэднік	Урал Латыпаў
Пераемнік	Сяргей Мартынаў
Надзвычайны і Паўнамоцны Пасол Рэспублікі Беларусь у Злучаных Штатах Амерыкі 21 сакавіка 2003 — 4 чэрвеня 2009
Прэзідэнт	Аляксандр Лукашэнка
Папярэднік	Валерый Цапкала
Нараджэнне	27 чэрвеня 1949(1949-06-27) (75 гадоў) Казлоўшчына, Казлоўшчынскі сельсавет, Дунілавіцкі раён, Полацкая вобласць, БССР, СССР
Адукацыя	Мінскі дзяржаўны лінгвістычны ўніверсітэт юрыдычны факультэт БДУ
Узнагароды

Міхаі́л Міха́йлавіч Хвастоў (нар. 27 чэрвеня 1949, Казлоўшчына, Віцебская вобласць, БССР) — беларускі дзяржаўны дзеяч і дыпламат. Міністр замежных спраў Беларусі з 27 лістапада 2000 года па 21 сакавіка 2003 года.

Ранняе жыццё

Нарадзіўся 27 чэрвеня 1949 года ў вёсцы Казлоўшчына Глыбоцкага (цяпер Пастаўскага) раёна Віцебскай вобласці. Скончыў Мінскі дзяржаўны педагагічны інстытут замежных моў (1975), Беларускі дзяржаўны ўніверсітэт (1989) — перакладчык-рэферэнт французскай і англійскай моў, юрыст.

Працоўную дзейнасць пачынаў рабочым саўгаса «Гарадоцкі» Віцебскай вобласці. Служыў у Савецкай арміі. У 1975—1982 гг. — кансультант, старшы кансультант Гандлёва-прамысловай палаты БССР. З 1982 года перайшоў на працу ў Міністэрства замежных спраў БССР.

Кар’ера ў МЗС Беларусі

• 1982—1991 — трэці, другі сакратар, намеснік начальніка аддзела МЗС БССР.
• 1991—1992 — першы сакратар Пастаяннага прадстаўніцтва Беларусі пры ААН.
• 1992—1993 — першы сакратар пасольства Беларусі ў ЗША.
• 1993—1994 — начальнік аддзела, начальнік упраўлення МЗС Беларусі.
• 1994—1997 — намеснік міністра замежных спраў Беларусі.
• 1997—2000 — надзвычайны і паўнамоцны пасол Беларусі ў Канадзе, пастаянны прадстаўнік Беларусі пры Міжнароднай арганізацыі грамадзянскай авіяцыі.
• 11 жніўня па 27 лістапада 2000 — памочнік прэзідэнта Беларусі.
• 27 лістапада 2000 года прызначаны намеснікам прэм’ер-міністра Беларусі — міністрам замежных спраў Беларусі.
• 24 верасня 2001 года прызначаны міністрам замежных спраў Беларусі.
• 2003—2009 — надзвычайны і паўнамоцны пасол Беларусі ў Злучаных Штатах Амерыкі, у Мексіканскіх Злучаных Штатах па сумяшчальніцтве.
• з 4 чэрвеня 2009 па 22 жніўня 2015 — пастаянны прадстаўнік Беларусі пры аддзяленні Арганізацыі Аб’яднаных Нацый і іншых міжнародных арганізацыях у Жэневе.

Асабістае

Жанаты, мае дваіх дзяцей.