Свентакшыскі політэхнічны ўніверсітэт

Свентакшыскі політэхнічны ўніверсітэт
польск.: Politechnika Świętokrzyska
Арыгінальная назва	польск.: Politechnika Świętokrzyska
Міжнародная назва	Kielce University of Technology
Заснаваны	1965
Тып	політэхніка
Рэктар	Збігнеў Каруба
Рэктар	Zbigniew Koruba[d]
Студэнты	7 300
Краіна	Польшча
Размяшчэнне	Кельцы
Юрыдычны адрас	вул. Тысячагоддзя Польскай Дзяржавы 7,25-314 г. Кельцы, Польшча
Сайт	tu.kielce.pl
Медыяфайлы на Вікісховішчы

Свентакшыскі політэхнічны ўніверсітэт (польск.: Politechnika Świętokrzyska) — польская дзяржаўная вышэйшая навучальная ўстанова тэхнічнага профілю са статусам універсітэта, якая знаходзіцца ў Кельцах.

Агульная характарыстыка

Заснаваны ў 1965 годзе як Келецка-Радамская вячэрняя інжынерная школа, пасля атрымання ў 1972 годзе паўнамоцтваў для прысваення доктарскай ступені ў галіне будаўніцтва і эксплуатацыі машын у 1974 годзе вучэльня атрымлівае сучасную назву і статус. На працягу многіх гадоў універсітэт меў навучальныя цэнтры ў асобных гарадах Свентакшыскага ваяводства. У 2016 годзе ВНУ стварыў у Сандаміры Цэнтр архітэктуры і гуманітарных навук.

Універсітэт праводзіць падрыхтоўку спецыялістаў на першай і другой ступенях вышэйшай адукацыі па 19 спецыяльнасцях і больш за 60 спецыялізацыях, а таксама на трэцяй ступені (у дактарантуры) па чатырох напрамках. Універсітэт мае права прысвойваць ступень доктара ў сямі дысцыплінах і прысвойваць ступень доктара хабілітаванага ў чатырох дысцыплінах.

У вэб-рэйтынгу універсітэтаў свету за ліпень 2018 года, які паказвае прысутнасць акадэмічных інстытуцый у Інтэрнэце, універсітэт заняў 3371 месца ў свеце сярод усіх тыпаў ВНУ.

Факультэты

• Будаўніцтва і архітэктуры
• Электратэхнікі, аўтаматыкі і інфарматыкі
• Інжынерыі навакольнага асяроддзя, геаматыкі і энергетыкі
• Мехатронікі і машынабудавання
• Упраўлення і камп'ютарнага мадэлявання

Спасылкі

• На Вікісховішчы ёсць медыяфайлы па тэме Свентакшыскі політэхнічны ўніверсітэт
• Афіцыйная інтэрнэт-старонка ўніверсітэта