Джэк Стэйнбергер

Джэк Стэйнбергер
Jack Steinberger
Дата нараджэння:	25 мая 1921(1921-05-25) (92 года)
Месца нараджэння:	Бад-Кісінген, Германія
Навуковая сфера:	фізіка
Узнагароды і прэміі	Нобелеўская прэмія па фізіцы (1988)

Джэк Стэйнбергер (Штэйнбергер) (анг.: Jack Steinberger; нар. 25 мая 1921, Бад-Кісінген, Германія) — амерыканскі фізік, прафесар, лаўрэат Нобелеўскай прэміі па фізіцы (1988) за адкрыццё і даследаванне нейтрына і антынейтрына.

Нарадзіўся ў Германіі ў яўрэйскай сям'і. У 1935 сям'я Стэйнбергера эмігруе ў ЗША. У Амерыцы скончыў Чыкагскі ўніверсітэт, ступень бакалаўра (1942). Затым да 1945 працуе ў радыяцыйнай лабараторыі Масачусецкага тэхналагічнага інстытута, займаючыся даследаваннем фізікі элементарных часціц. У 1948 абараняе доктарскую дысертацыю па тэме даследавання мюонаў (мю-мезонаў) у касмічных промнях і адкрыццё з'явы распаду мюонаў на электроны, пазітроны, нейтрына і антынейтрына. У 1949-50 Джэк Стэйнбергер на пасадзе прафесара Каліфарнійскага ўніверсітэта ў Берклі. 1950-68 - прафесар Калумбійскага ўніверсітэта. У 1962 Стэйнбергер сумесна з Леонам Ледэрманам і Мелвінам Шварцам ўпершыню ідэнтыфікаваў нейтрына не ў касмічных промнях, а ў атрыманых у лабараторных умовах промнях высокай энергіі.

Літаратура

• Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш — Мінск: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).

Спасылкі

• Інфармацыя з сайта Нобелеўскага камітэта (англ.)