Абдус Салам
| Абдус Салам | |
| англ.: Abdus Salam, урду: عبد السلام | |
 |
|
| Дата нараджэння: | |
|---|---|
| Месца нараджэння: | |
| Дата смерці: |
21 лістапада 1996 (70 гадоў) |
| Месца смерці: | |
| Краіна: | |
| Навуковая сфера: | |
| Узнагароды і прэміі | |
Абдус САЛАМ (29.1.1926, Джханг, Пакістан — 21.11.1996) — пакістанскі фізік-тэарэтык. Член Пакістанскай АН (1954), Лонданскага каралеўскага таварыства (1959). Замежны член АН СССР (1971), Нацыянальнай АН ЗША (1979) і інш.
[правіць] Біяграфічныя звесткі
Скончыў Пенджабскі (1946) і Кембрыджскі (1949) універсітэты. 3 1951 прафесар Пенджабскага універсітэта і Урадавага каледжа (г. Лахор). 3 1954 у Кембрыджскім універсітэце, у 1957—93 прафесар Імперскага каледжа навукі і тэхналогіі Лонданскага універсітэта. Адначасова ў 1964—93 дырэктар Міжнароднага цэнтра тэарэтычнай фізікі (г. Трыест, Італія). У 1972—78 віцэ-прэзідэнт Міжнароднага саюза тэарэтычнай і прыкладной фізікі.
[правіць] У навуцы
Навуковыя працы па квантавай электрадынаміцы, тэорыі элементарных часціц, гравітацыі. Паказаў (незалежна ад П. Ландау, Лі Цзундао і Янга), што ў слабым і электр-магнітным узаемадзеяннях захоўваецца камбінаваная цотнасць. Прапанаваў тэорыю двухкампанентнага нейтрына (1956). Развіў ідэю аб'яднання слабага і электра-магнітнага ўзаемадзеянняў (1958; разам з аўстралійскім фізікам Дж. Уордам), распрацаваў адзіную тэорыю гэтых узаемадзеянняў (1968, незалежна ад С. Вайнберга). Прапанаваў гіпотэзу глюонаў (1973) і ідэю Вялікага аб'яднання (1973—74).
[правіць] Узнагароды
- Каралеўскі медаль Лонданскага каралеўскага таварыства (1978)
- Нобелеўская прэмія па фізіцы 1979 (разам з Ш. Я. Глэшаў і С. Вайнбергам)
- Вялікі залаты медаль імя Ламаносава АН СССР (1984)
