Алег Гаўрылавіч Мінкін

Алег Гаўрылавіч Мінкін
Алег Гаўрылавіч Мінкін
Асабістыя звесткі
Дата нараджэння	31 сакавіка 1952 (72 гады)
Месца нараджэння	Чарняўка, Хоцімскі раён, Магілёўская вобласць, БССР, СССР;
Грамадзянства	БССР; Літва;
Альма-матар	Маскоўскі інстытут інжынераў сельскагаспадарчай вытворчасці[d] (1975);
Прафесійная дзейнасць
Род дзейнасці	пісьменнік, перакладчык, паэт, інжынер
Мова твораў	беларуская
Грамадская дзейнасць
Член у	Саюз пісьменнікаў БССР; Саюз пісьменнікаў Літвы[d];
Прэміі	Гліняны Вялес (2007) Прэмія імя Міхася Стральцова (2018)

Алег Гаўрылавіч Мінкін (31 сакавіка 1952, в. Чарняўка Хоцімскі раён, Магілёўская вобласць) — беларускі пісьменнік, перакладчык.

Біяграфія[правіць | правіць зыходнік]

Навучаўся ў Хоцімскай 8-гадовай школе-інтэрнаце. Скончыў Бабруйскую школу-інтэрнат № 1 у 1969 годзе. Паступіў у Маскоўскі энергетычны інстытут, праз два гады перавёўся ў Маскоўскі інстытут інжынераў сельскагаспадарчай вытворчасці, які скончыў у 1975 годзе. Працаваў майстрам на будаўніцтве электрападстанцыі ў Бураціі (г. Улан-Удэ), інжынерам-электрыкам на нафтаперапомпавых станцыях нафтаправоду «Дружба» (г. Наваполацк), інжынерам-наладчыкам у сістэме «Галоўтранснафта» (г. Гомель), інжынерам тэхнагляду на нафтаправодах поўначы Цюменскай вобласці (г. Наябрск). Сябра Саюза беларускіх пісьменнікаў з 1988 года. Жыве ў Вільнюсе. Выдаваў газету «Рунь». З 1991 года сябра Саюза пісьменнікаў Літвы^[1].

Дэбютаваў у 1980 годзе з вершамі ў газетах «Гомельская праўда», «Літаратура і мастацтва»). Аўтар зборнікаў паэзіі «Сурма» (1985), «Расколіна», прозы «Праўдзівая гісторыя Краіны Хлудаў» (1994), а таксама дзіцячых кніг. Пераклаў вершы Цыпрыяна Норвіда, Баляслава Лесьмяна, Леапольда Стафа, Міколы Зэрава, Паўла Грабоўскага.

2007 — літаратурная прэмія Таварыства вольных літаратараў «Гліняны Вялес» за кнігу вершаў «Пенаты»^[2].
2018 — прэмія імя Міхася Стральцова за сукупнасць паэтычнай творчасці.

Сурма / рэд. Леанід Дранько-Майсюк. — Мінск: Мастацкая літаратура, 1985. — 47 с. — (Першая кніга паэта). — 2 200 экз.
Алег Мінкін. Як Лыска ваўком быў // Крынічка / склад. Ніна Загорская, Ала Селязнёва. — Мінск: Рэспубліканскі навукова-метадычны цэнтр народнай творчасці, 1991. — 125 с.
Расколіна. — Менск: Мастацкая літаратура, 1991. — 76 с. — 1 400 экз. — ISBN 5-340-00653-0.
Праўдзівая гісторыя краіны хлудаў. — Мінск: Мастацкая літаратура, 1994. — 141 с. — 2 000 экз. — ISBN 985-02-0007-3.
За месяцам месяц / маст. Тамара Мельянец. — Мінск: Юнацтва, 1994. — 63 с. — 40 000 экз. — ISBN 5-7880-0561-2.
Пенаты. — Менск: Логвінаў, 2007. — 144 с. — (Галерэя «Б»). — 500 экз. — ISBN 978-985-6800-62-0.