Аляксей Сцяпанавіч Камай

Аляксей Сцяпанавіч Камай
Другі сакратар ЦК КПБ
27 сакавіка 1990 — 25 жніўня 1991
Папярэднік	Мікалай Ігруноў
Пераемнік	пасада скасаваная
Сакратар ЦК КПБ
18 кастрычніка 1989 — 27 сакавіка 1990
Першы сакратар Гомельскага абкама КПБ
1 красавіка 1985 — 28 кастрычніка 1989
Папярэднік	Анатоль Малафееў
Пераемнік	Аляксандр Грахоўскі
Старшыня Гомельскага абласнога выканаўчага камітэта
8 ліпеня 1982 — 1 красавіка 1985
Прэм’ер-міністр	Уладзімір Бровікаў Міхаіл Кавалёў
Папярэднік	Анатоль Малафееў
Пераемнік	Аляксандр Грахоўскі
Партыя	КПСС
Адукацыя	Беларуская дзяржаўная сельскагаспадарчая акадэмія (1959) Вышэйшая партыйная школа пры ЦК КПСС[d] (1974)
Дзейнасць	палітык
Член у	ЦК КПСС
Нараджэнне	1 красавіка 1936(1936-04-01) (84 гады) Барсукі, Паўлавіцкі сельсавет[d], Кіраўскі раён, БССР, СССР
Узнагароды

Аляксей Сцяпанавіч Камай (нар. 1 красавіка 1936, в. Барсукі, Кіраўскі раён, Магілёўская вобласць, Беларуская ССР) — савецкі і беларускі партыйны і дзяржаўны дзеяч, другі сакратар ЦК Кампартыі Беларусі (1990—91).

Біяграфія

У 1959 годзе скончыў Беларускую сельскагаспадарчую акадэмію, у 1974 годзе — Вышэйшую партыйную школу пры ЦК КПСС.

• 1959—1968 гг. — механік саўгаса, першы сакратар Мсціслаўскага райкама камсамола, камсорг абкама, сакратар камітэта камсамола, галоўны інжынер-механік вытворчага калгасна-саўгаснага ўпраўлення, начальнік раённага вытворчага ўпраўлення сельскай гаспадаркі ў Бабруйскім раёне,
• 1968—1973 гг. — першы сакратар Краснапольскага райкама КП Беларусі,
• 1973—1974 гг. — першы сакратар Бабруйскага райкама КП Беларусі,
• 1974—1979 гг. — сакратар Магілёўскага абкама КП Беларусі,
• 1979—1982 гг. — загадчык сельскагаспадарчым аддзелам ЦК КП Беларусі,
• 1982—1985 гг. — старшыня выканкама Гомельскага абласнога Савета,
• 1985—1989 гг. — першы сакратар Гомельскага абкама КП Беларусі,
• 1989—1990 гг. сакратар, у 1990—1991 гг. — другі сакратар ЦК КП Беларусі.

Член ЦК КПСС (1990—1991), кандыдат у члены ЦК КПСС (1986—1990). Дэпутат Вярхоўнага Савета СССР 11-га склікання.

У 1995 годзе паставіў свой подпіс пад лістамі, змешчанымі ў газеце «Звязда», якія заклікалі да змены дзяржаўных сімвалаў і надання рускай мове статусу дзяржаўнай.

Пасля начальнік Рэспубліканскай інспекцыі котланагляда, стандартызацыі і метралогіі пры Міністэрстве сельскай гаспадаркі і харчавання Беларусі. Да 2000 года быў дэпутатам Палаты прадстаўнікоў Нацыянальнага сходу Рэспублікі Беларусь ад Быхаўскай выбарчай акругі.

Старшыня Савета Камуністычнай партыі Беларусі.

Крыніцы

• Государственная власть СССР. Высшие органы власти и управления и их руководители. 1923—1991гг. Историко-биографический справочник / Сост. В.И.Ивкин. — М.: «Российская политическая энциклопедия» (РОССПЭН)

Спасылкі

• Ирина ГЕРМАНОВИЧ Огонь, вода и медные трубы Алексея Камая (руск.)  // Беларусь сегодня. — 26.01.2015.
• Екатерина Дубинская ГЛАЗА В ГЛАЗА. ГОСУДАРСТВЕННИК АЛЕКСЕЙ КАМАЙ (руск.)  // Агентство Минск-новости. — 21.04.2016.