Вараб’ёўка (Клімаўскі раён)

Пасёлак Вараб’ёўка руск.: Воробьёвка Краіна Расія Суб’ект федэрацыі Бранская вобласць Муніцыпальны раён Клімаўскі раён Каардынаты 52°19′34″ пн. ш. 32°03′12″ у. д. Часавы пояс UTC+03:00 Паштовыя індэксы 243049 Код АКАТП 15228812001 Вараб’ёўка на карце Расіі ±

Вараб’ёўка (руск.: Воробьёвка) — пасёлак у Клімаўскім раёне Бранскай вобласці Расіі. Уваходзіць у склад Сачкавіцкага сельскага паселішча.

Гісторыя

У сярэдзіне XIX ст. існуе як хутар у складзе Навазыбкаўскага павета Чарнігаўскай губерні. 20 лістапада 1917 года пасёлак абвяшчаўся часткай Севершчыны Украінскай Народнай Рэспублікі. 25 снежня 1917 года пасёлак уключаны ў склад Украінскай рэспублікі Саветаў.

25 сакавіка 1918 года згодна з Трэцяй Устаўной граматай пасёлак абвяшчаўся часткай Беларускай Народнай Рэспублікі. Аднак да мая 1919 года ў складзе Чарнігаўскай губерні Украінскай ССР, пасля чаго быў перададзены ў Гомельскую губерню РСФСР, а пасля ліквідацыі губерні ў 1926 годзе ў Бранскую губерню.

З 1929 года ў складзе Клінцоўскай акругі, а з 1932 года ў Заходняй вобласці, у 1937 годзе перададзены ў склад Арлоўскай вобласці. Перад вайной у пасёлку пражывае каля 50 чалавек, працуе школа. У 1944 годзе ўвайшоў у склад Бранскай вобласці.