Стары Ропск

Сяло Стары Ропск руск.: Старый Ропск Краіна Расія Суб’ект федэрацыі Бранская вобласць Муніцыпальны раён Клімаўскі раён Каардынаты 52°18′32″ пн. ш. 32°15′32″ у. д. Паштовыя індэксы 243055 Код АКАТП 15228852005 Стары Ропск на карце Расіі ±

Стары Ропск (руск.: Старый Ропск) — сяло ў Клімаўскім раёне Бранскай вобласці Расіі. Уваходзіць у склад Наваропскага сельскага паселішча.

Гісторыя

Упершыню згадваецца ў 1159 годзе. Да 1160 года Стары Ропск, які тады насіў імя Ропеск, з’яўляўся сталіцай Ропескага княства. Стары Ропск рэгулярна згадваецца ў дакументах, пачынаючы з XVI стагоддзя.

У Старым Ропску быў храм Раства Багародзіцы. Па попісе 1734 года ў гэтым храме ў кіпарыснай скрыні на троне знаходзіліся часціцы мошчаў пр. Антыпы-ўрача, пр. Еўфрасінні Полацкай і пр. Ігната-лебніка.

З 1809 года да Лютаўскай рэвалюцыі 1917 года сяло ў складзе Навазыбкаўскага павета Чарнігаўскай губерні Расійскай імперыі.

У 1917 годзе тут была ўсталявана савецкая ўлада, адноўленая пасля перыяду германскай акупацыі ў 1918 годзе. У 1919 годзе сяло перададзена ў Гомельскую губерню РСФСР, а пасля ліквідацыі губерні ў 1926 годзе ў Бранскую губерню.

З 1929 года ў складзе Клінцоўскай акругі, а з 1932 года ў Заходняй вобласці, у 1937 годзе перададзена ў склад Арлоўскай вобласці. У 1944 годзе ўвайшло ў склад Бранскай вобласці.