Чарнавокава (Клімаўскі раён)

З Вікіпедыі, свабоднай энцыклапедыі
Сяло
Чарнавокава
руск.: Чернооково
Краіна
Суб’ект федэрацыі
Муніцыпальны раён
Каардынаты
Паштовыя індэксы
243072
Код АКАТП
Чарнавокава на карце Расіі ±
Чарнавокава (Клімаўскі раён) (Расія)
Чарнавокава (Клімаўскі раён)
Чарнавокава (Клімаўскі раён) (Бранская вобласць)
Чарнавокава (Клімаўскі раён)

Чарнавокава[1] (руск.: Чернооково) — сяло ў Клімаўскім раёне Бранскай вобласці Расіі. Уваходзіць у склад Істопскага сельскага паселішча.

Гісторыя[правіць | правіць зыходнік]

Сяло вядома з XIII ст. у складзе Чарнігаўскага княства. З 1618 года ў складзе Смаленскага ваяводства Вялікага Княства Літоўскага.

Пасля паўстання Багдана Хмяльніцкага сяло апынулася ў складзе Гетманшчыны. З гэтых часоў сяло было прыватнапамешчацкім. Да Лютаўскай рэвалюцыі 1917 года ў складзе Навазыбкаўскага павета Чарнігаўскай губерні Расійскай імперыі.

У 1917 годзе тут была ўсталявана савецкая ўлада, адноўленая пасля перыяду германскай акупацыі ў 1918 годзе. У 1919 годзе сяло перададзена ў Гомельскую губерню РСФСР, а пасля ліквідацыі губерні ў 1926 годзе ў Бранскую губерню.

У 1929 годзе ў сяле пачынаеца калектывізацыя, вынікам якой стала стварэнне 8 калгасаў розных пасёлкаў, якія пасля ўвайшлі ў склад сяла.

Калгас Пасёлак
Любоўскі Любоўскі
Прамень працы Бабкі
Ніва Чарнавокава
Чырвоная даліна Полхаў
Ясная паляна Паляны
Наша праца Свабода (Ляхаў)
Ускраіна Гнілая вада

З 1929 года ў складзе Клінцоўскай акругі, а з 1932 года ў Заходняй вобласці, у 1937 годзе перададзена ў склад Арлоўскай вобласці.

У перыяд Вялікай Айчыннай вайны сяло было акупавана нямецкімі войскамі. Акупацыя працягвалася са жніўня 1941 па верасень 1943 года. У школе была размешчана паліцмайстарская ўправа.

23 верасня 1943 года ў вёсцы было праведзена масавае пакаранне жыхароў сяла на могілках, было забіта 27 чалавек. У ноч на 24 верасня, фарсіраваўшы раку Сноў, пяхота 307 дывізіі авалодала апорнымі пунктамі Чарнавокава, Бабкі, Полхаў, Ляхаў. Тэрыторыю вёскі вызваляў Цэнтральны фронт пад камандаваннем К. Ракасоўскага. Усяго з сяла падчас Вялікай Айчыннай вайны было прызвана больш за трыста чалавек. Загінула — 238 чалавек. У сяло вярнулася толькі 82 чалавекі.

У 1944 годзе сяло ўвайшло ў склад Бранскай вобласці.

К 1948 году завяршылася аднаўленне сяла, была адбудавана школа, дом культуры з кіназалай. 1 лістапада 1950 года калгасы былі аб’яднаны ў калгас «Расія». У 2020 годзе ад калгаса засталіся парэшткі.

Зноскі