Вячаслаў Паўлавіч Глеб

З пляцоўкі Вікіпедыя
Jump to navigation Jump to search
Футбол
Вячаслаў Глеб
Агульная інфармацыя
Поўнае імя Вячаслаў Паўлавіч Глеб
Нарадзіўся 12 лютага 1983(1983-02-12)[1] (35 гадоў)
Грамадзянства Сцяг Беларусі Беларусь
Рост 181 см
Вага 78 кг
Пазіцыя нападнік, паўабаронца
Інфармацыя пра клуб
Клуб няма
Кар’ера
Клубная кар’ера*
2000 — 2001 Сцяг Беларусі Дынама-Юні (Мінск) 9 (6)
2001 — 2003 Сцяг Германіі Штутгарт II 25 (5)
2004 — 2005 Сцяг Германіі Гамбург 10 (0)
2005   Сцяг Швейцарыі Грасхопер 8 (0)
2005 — 2008 Сцяг Літвы Каўнас 0 (0)
2005 — 2008   Сцяг Беларусі МТЗ-РІПА 72 (29)
2009 — 2010 Сцяг Кітая Шанхай Шэньхуа 23 (6)
2010   Сцяг Кітая Шэньчжэнь Рубі 24 (6)
2011 Сцяг Беларусі Дынама (Мінск) 11 (2)
2011 Сцяг Германіі Франкфурт 7 (0)
2012 Сцяг Беларусі Гомель 14 (2)
2012 Сцяг Грэцыі АЕЛ (Калані) 4 (0)
2013 — 2015 Сцяг Беларусі Тарпеда-БелАЗ (Жодзіна) 80 (16)
2016 — 2017 Сцяг Беларусі Крумкачы (Мінск) 38 (8)
2017 — 2018 Сцяг Беларусі Нёман (Гродна) 18 (3)
Нацыянальная зборная**
2002 — 2005 Сцяг Беларусі Беларусь (да 21) 14 (5)
2004 — 2011 Сцяг Беларусі Беларусь 45 (12)

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў, адкарэктавана станам на 21 ліпеня 2018.

** Колькасць гульняў і галоў за нацыянальную зборную ў
афіцыйных матчах, адкарэктавана станам на 6 ліпеня 2017.

Вячаслаў Паўлавіч Глеб (нар. 12 лютага 1983, Мінск) — беларускі футбаліст, нападнік. Былы ігрок нацыянальнай зборнай Беларусі.

Кар’ера[правіць | правіць зыходнік]

Клубная[правіць | правіць зыходнік]

У 2001 годзе заключыў кантракт з нямецкім «Штутгартам», дзе гуляў яго старэйшы брат Аляксандр Глеб. Прайсці ў асноўную каманду не здолеў, згуляў за «Штутгарт II» 25 матчаў і забіў 5 галоў. Потым перайшоў у «Гамбург». У 2005 годзе гуляў за швейцарскі «Грасхопер». Пасля вярнуўся ў Беларусь, падпісаў кантракт з мінскім МТЗ-РІПА. Глеб мог перайсці ў шатландскую лігу ў клуб «Хартс», але пераход не адбыўся.

У 2009—2010 гадах гуляў за кітайскія каманды «Шанхай Шэньхуа» і «Шэньчжэнь Рубі». У 2011 годзе падпісаў кантракт з мінскім «Дынама». Пасля змены трэнера, Глеб не праходзіў у галоўную каманду, а гуляў за дубль. Летам кантракт з «Дынама» быў разарваны. Другую палову сезону Глеб правёў у нямецкім «Франкфурце», але пасля змены трэнера пакінуў каманду.

У лютым 2012 года падпісаў кантракт з «Гомелем». Дапамог клубу выйграць Суперкубак 2012, аформіўшы дубль у вароты БАТЭ. У ліпені 2012 года спыніў супрацоўніцтва з гомельскім клубам, а ў верасні ў якасці свабоднага агента падпісаў кантракт з клубам АЕЛ другога дывізіёна Грэцыі[2].

У студзені 2013 года падпісаў кантракт з жодзінскім «Тарпеда-БелАЗ»[3], дзе стаў іграком асновы. За два сезоны ў жодзінскім клубе забіў 11 галоў і аддаў 16 галявых перадач. У лютым 2015 года падоўжыў кантракт з аўтазаводцамі[4].

У лютым 2016 года па заканчэнні кантракта з жодзінскім клубам стаў трэніравацца з «Іслаччу»[5]. У сакавіку галоўны трэнер «Тарпеда-БелАЗ» Ігар Крывушэнка абвясціў, што Глеба не будзе ў камандзе ў новым сезоне[6]. Пазней Вячаслаў далучыўся да складу «Крумкачоў», з якімі 28 сакавіка падпісаў паўгадавы кантракт[7]. Стаў асноўным нападнікам сталічнага клуба, улетку падоўжыў кантракт да канца сезону.

У снежні 2016 года кантракт Глеба з «Крумкачамі» скончыўся, але ў пачатку 2017 года ён пачаў трэніравацца разам з камандай і ў сакавіку падпісаў новы кантракт да канца 2017 года[8]. Пасля прыходу ў канцы мая на пасаду галоўнага трэнера Аляксея Кучука страціў месца ў аснове. У ліпені 2017 года разарваў кантракт з «Крумкачамі»[9].

Неўзабаве пасля зыходу са сталічнага клуба падпісаў кантракт з гродзенскім «Нёманам» да канца сезону[10]. У складзе «Нёмана» неўзабаве замацаваўся ў якасці асноўнага нападніка. У лістападзе 2017 года стала вядома, што Вячаслаў падоўжыў кантракт з гродзенцамі[11]. У сезоне 2018, аднак, толькі тройчы выйшаў на замену. У ліпені 2018 года стала вядома, што Вячаслаў пакінуў «Нёман»[12].

Міжнародная[правіць | правіць зыходнік]

Гуляў за нацыянальную зборную Беларусі з 2004 года. Першы гол забіў у браму зборнай Турцыі 18 жніўня 2004 года. Усяго адзначыўся 12 галамі.

Дасягненні[правіць | правіць зыходнік]

  • Сцяг Беларусі 03Бронзавы прызёр Бронзавы прызёр чэмпіянату Беларусі (3): 2000, 2005, 2008
  • Сцяг Беларусі Уладальнік Кубка Беларусі: 2008
  • Сцяг Беларусі Уладальнік Суперкубка Беларусі: 2012
  • Сцяг Беларусі У спісе 22 найлепшых ігракоў чэмпіянату Беларусі (2): 2006, 2014
  • Сцяг Германіі Уладальнік Кубка нямецкай лігі: 2003

Грамадска-палітычныя погляды[правіць | правіць зыходнік]

У сакавіку 2017 года ў інтэрв'ю Радыё Свабода Вячаслаў Глеб адзначыў, што герб «Пагоня» і бел-чырвона-белы сцяг з'яўляюцца адвечнымі сімваламі Беларусі[13].

У кастрычніку 2018 года Вячаслаў Глеб разам з жонкай наведалі рэстарацыю, пабудаваную ў ахоўнай зоне мемарыялу Курапаты. У гэты час актывісты ладзілі акцыю супраць рэстарацыі. Глеб разам з жонкай раскрытыкавалі дзеянні актывістаў, ужываючы абразу[14].

Зноскі

  1. Vyacheslav Hleb // Transfermarkt — 2000. Праверана 9 кастрычніка 2017.
  2. Футбол. Вячеслав Глеб перешел в греческий АЕЛ
  3. Вячеслав Глеб подписал контракт с "Торпедо-БелАЗом"
  4. Вячеслав Глеб продлил соглашение с "Торпедо-БелАЗ"
  5. Вячеслав Глеб тренируется с «Ислочью»
  6. Весенняя поверка. “Торпедо”-БелАЗ. Приспустили паруса
  7. Вячеслав Глеб заключил контракт с "Крумкачами"
  8. Вячеслав Глеб подписал новый контракт с "Крумкачами"
  9. Вячеслав Глеб расторг контракт с "Крумкачами"
  10. Футбол. Вячеслав Глеб подписал контракт с "Неманом"
  11. Вячеслав Глеб продлил контракт с «Неманом»
  12. Вячеслав Глеб покинул "Неман"
  13. «Дармаедзкі» ўказ у цяперашнім выглядзе існаваць не павінен, — «крумкач» Вячаслаў Глеб пра гульню і рэаліі // Радыё Свабода
  14. Футбаліст Вячаслаў Глеб разам з жонкай прыехаў у «Паедзем, паядзім». Вольга Глеб паказала актывістам сярэдні палец ВІДЭА // Наша ніва

Спасылкі[правіць | правіць зыходнік]

Wikiquote-logo.svg
У Вікіцытатніку ёсць старонка па тэме Вячаслаў Глеб