Дзяніс Ігаравіч Лапцеў

З пляцоўкі Вікіпедыя
Jump to navigation Jump to search
Футбол
Дзяніс Лапцеў
Russia-Belorussia (3).jpg
Агульная інфармацыя
Поўнае імя Дзяніс Ігаравіч Лапцеў
Нарадзіўся 1 жніўня 1991(1991-08-01)[1][2][3] (30 гадоў)
Грамадзянства Flag of Belarus.svg Беларусь
Рост 195 см
Вага 93 кг
Пазіцыя нападнік
Інфармацыя пра клуб
Клуб Беларусь Рух
Нумар 51
Клубная кар’ера[* 1]
2010—2015 Беларусь Славія (Мазыр) 106 (47)
2010 →  Беларусь Вертыкаль (Калінкавічы) 15 (6)
2015—2016 Расія Тосна 14 (1)
2016 →  Беларусь Славія (Мазыр) 15 (3)
2016 →  Беларусь Шахцёр (Салігорск) 14 (6)
2017—2018 Беларусь Шахцёр (Салігорск) 55 (22)
2019—2020 Беларусь Дынама (Брэст) 55 (23)
2021— Беларусь Рух (Брэст)
Нацыянальная зборная[* 2]
2015— Беларусь Беларусь 30 (0)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 25 студзеня 2021.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 1 красавіка 2021
іншыя значэнні У Вікіпедыі ёсць артыкулы пра іншых асоб з прозвішчам Лапцеў.

Дзяніс Лапцеў (нар. 1 жніўня 1991) — беларускі футбаліст, нападнік брэсцкага «Руха» і нацыянальнай зборнай Беларусі.

Клубная кар’ера[правіць | правіць зыходнік]

У першай палове сезона 2010 гуляў за калінкавіцкую «Вертыкаль», а з сярэдзіны 2010 года выступаў за мазырскую «Славію». У 2011 годзе трывала выхадзіў на замену, а ў сезоне 2012 страціў месца ў аснове.

2013[правіць | правіць зыходнік]

Сезон 2013, як і папярэдні, пачынаў на лаўцы запасных і звычайна толькі выхадзіў на замену ў канцы матча. Але пазней, пасля таго як у чэрвені каманду пакінуў асноўны нападнік Андрэй Шаракоў, стаў выступаць у стартавым складзе. Выдатна правёў летні перыяд чэмпіянату — «Славія» стала набіраць ачкі, а Дзяніс стаў галоўнай сілай мазыран і забіваў у кожным другім матчы. Пасля вяртання ў клуб Рамана Волкава стаў чаргавацца з ім на пазіцыі нападніка, і канец сезона правёў ужо не так упэўнена, а «Славія» выбыла ў Першую лігу. Тым не менш, Дзяніс з 9 галамі стаў найлепшым бамбардзірам клуба і адным з найлепшых у чэмпіянаце.

2014[правіць | правіць зыходнік]

У студзені 2014 года спрабаваў працаўладкавацца ў Казахстане, праходзіў прагляд у карагандзінскім «Шахцёры»[4] і кызылардзінскім «Кайсары»[5]. Аднак у выніку ў лютым 2014 года вярнуўся ў «Славію»[6], у складзе якой распачаў сезон 2014 у Першай лізе.

У складзе мазыран стаў асноўнай ударнай сілай. Дапамог «Славіі» вярнуцца ў Вышэйшую лігу, забіўшы за сезон 23 мячы і стаўшы найлепшым бамбардзірам Першай лігі. У канцы сезона цікавасць да нападніка сталі праяўляць мінскае «Дынама» і салігорскі «Шахцёр»[7].

2015[правіць | правіць зыходнік]

У студзені 2015 года прыбыў на прагляд у мінскае «Дынама», разам з асноўнай камандай якога адправіўся на збор у Турцыю[8]. Па выніках збору «Дынама» вырашыла не прапаноўваць кантракт нападніку. У выніку ў лютым 2015 года Лапцеў далучыўся да «Славіі» на зборы ў Пінску[9] і застаўся ў Мазыры на сезон 2015.

У складзе «Славіі» Дзяніс застаўся асноўным нападнікам і ў Вышэйшай лізе. Хутка ён стаў адзначацца галамі і неўзабаве ўзначаліў спіс бамбардзіраў чэмпіянату. У чэрвені цікавасць да Лапцева стаў праяўляць пермскі «Амкар»[10]. Аднак, Дзяніс адмовіўся праходзіць прагляд, і 30 чэрвеня стала вядома аб пераходзе нападніка ў склад клуба расійскай ФНЛ «Тосна»[11][12]. На наступны дзень «Славія» дала дазвол на трансфер, які мусіў адбыцца 5 ліпеня[13][14]. 4 ліпеня 2015 года Дзяніс правёў свой апошні матч за мазырскі клуб, калі «Славія» дома згуляла ўнічыю з гродзенскім «Нёманам» (0:0). Усяго за палову сезона 2015 згуляў 13 матчаў у Вышэйшай лізе і забіў 9 галоў.

5 ліпеня 2015 года, як і чакалася, было афіцыйна абвешчана аб падпісанні Лапцевым кантракта з «Тосна»[15]. Аднак, хутка замацавацца ў аснове новага клуба не здолеў, а ў жніўні атрымаў шасціматчавую дыскваліфікацыю за ўдзел у бойцы[16]. Пасля вяртання на поле 19 кастрычніка адзначыўся першым голам за «Тосна», якім дапамог перамагчы «Балтыку» (3:1).

2016[правіць | правіць зыходнік]

8 лютага 2016 года стала вядома аб вяртанні Лапцева ў «Славію» на правах арэнды[17]. За першую палову сезона 2016 забіў 3 галы ў 15 матчах. У ліпені 2016 года па заканчэнні тэрміну арэнды пакінуў «Славію» і неўзабаве далучыўся да салігорскага «Шахцёра»[18]. У другой палове сезона 2016 забіў за «Шахцёр» 6 галоў у чэмпіянаце і дапамог камандзе заваяваць срэбраныя медалі. У снежні 2016 года быў выкуплены салігорцамі ў «Тосна»[19].

2017[правіць | правіць зыходнік]

У сезоне 2017 быў аднім з асноўных нападнікаў салігарчан, чаргаваў выхады ў стартавым складзе і на замену. З 10 галамі ў чэмпіянаце Беларусі стаў найлепшым бамбардзірам каманды ў сезоне.

2018[правіць | правіць зыходнік]

У першай палове сезона 2018 часцей выхадзіў на замену, а са жніўня замацаваўся ў стартавым складзе «Шахцёра». 21 лістапада 2018 года ў матчы ў БАТЭ адзначыўся дублем, чым дапамог салігарчанам атрымаць буйную перамогу 3:0. З 14 галамі ва ўсіх турнірах другі год запар стаў найлепшым бамбардзірам каманды. У снежні 2018 года па заканчэнні кантракта пакінуў «Шахцёр»[20].

2019—2020[правіць | правіць зыходнік]

У студзені 2019 года падпісаў трохгадовы кантракт з брэсцкім «Дынама»[21]. Стаў асноўным нападнікам брэсцкага клуба, з 12 галамі ў сезоне 2019 стаў адным з найлепшых бамбардзіраў каманды і падамог ёй стаць чэмпіёнам Беларусі. Заставаўся асноўным іграком і ў сезоне 2020, адзначыўся 11 галамі ў чэмпіянаце Беларусі.

2021[правіць | правіць зыходнік]

У студзені 2021 года перайшоў у іншы брэсцкі клуб — «Рух»[22].

Міжнародная кар’ера[правіць | правіць зыходнік]

У чэрвені 2015 года быў упершыню выкліканы ў склад нацыянальнай зборнай Беларусі замест траўмаванага Міхаіла Гардзейчука[23]. 7 чэрвеня дэбютаваў у зборнай, выйшаўшы на замену на 73-й хвіліне таварыскага матча з Расіяй (2:4).

У верасні 2017 года за парушэнне дысцыпліны быў адхілены ад зборнай Беларусі, але ўжо ў лістападзе таго ж года вернуты ў яе склад.

Дасягненні[правіць | правіць зыходнік]

Статыстыка выступленняў[правіць | правіць зыходнік]

Сезон Дывізіён Клуб Краіна Матчы Галы
2010 (1) Д3 Вертыкаль Беларусь 15 6
2010 (2) Д2 Славія Беларусь 10 1
2011 Д2 Славія Беларусь 27 4
2012 Д1 Славія Беларусь 5 1
2013 Д1 Славія Беларусь 23 9
2014 Д2 Славія Беларусь 28 23
2015 (1) Д1 Славія Беларусь 13 9
2015/16 (1) Д2 Тосна Расія 14 1
2016 (1) Д1 Славія Беларусь 15 3
2016 (2) Д1 Шахцёр Беларусь 14 6
2017 Д1 Шахцёр Беларусь 29 10
2018 Д1 Шахцёр Беларусь 26 12
2019 Д1 Дынама Беларусь 29 12
2020 Д1 Дынама Беларусь 26 11

Зноскі

  1. ↑ Denis Laptev // Transfermarkt — 2000. Праверана 9 кастрычніка 2017.
  2. ↑ Dzyanis Laptsew // FBref.com
  3. ↑ Denis Laptev // As — Madrid: Grupo PRISA, 1967.
  4. ↑ Денис Лаптев прибыл в расположение «Шахтера» из Караганды
  5. ↑ Денис Лаптев отправился на просмотр в "Кайсар"
  6. ↑ Денис Лаптев вернулся в "Славию"
  7. ↑ Юрий Пунтус: "Лаптева пригласили на просмотр в "Шахтер"
  8. ↑ Витус и Лаптев отправились с минским «Динамо» на сбор в Турцию
  9. ↑ Денис Лаптев присоединится к "Славии" на сборе в Пинске
  10. ↑ "Амкар" заинтересован в услугах Дениса Лаптева
  11. ↑ Денис Лаптев подписал контракт с "Тосно"
  12. ↑ "Прессбол": Лаптев пока еще не заключил соглашения с "Тосно", а лишь согласовал условия личного контракта
  13. ↑ Мозырская "Славия" дала добро на переход Дениса Лаптева в "Тосно"
  14. ↑ Денис Лаптев присоединится к "Тосно" 5 июля
  15. ↑ "Тосно" официально объявил о подписании контракта с Денисом Лаптевым (ФОТО)
  16. ↑ Россия, ФНЛ. Денис Лаптев дисквалифицирован на 6 матчей за участие в массовой драке
  17. ↑ Денис Лаптев вернулся в "Славию"
  18. ↑ Лаптев подписал контракт с «Шахтером»
  19. ↑ "Шахтер" выкупил у "Тосно" права на Лаптева
  20. ↑ "Шахтер" расстался с Лаптевым, Шимуновичем, Янушкевичем и еще четырьмя футболистами
  21. ↑ Лаптев стал игроком брестского "Динамо"
  22. ↑ Денис Лаптев подписал контракт с "Рухом"
  23. ↑ Денис Лаптев вызван в сборную Беларуси, Гордейчук из-за травмы не поможет национальной команде
Узята з "https://be.wikipedia.org/w/index.php?title=Дзяніс_Ігаравіч_Лапцеў&oldid=3826138"