Вадзім Аляксандравіч Пабудзей

З пляцоўкі Вікіпедыя
Jump to navigation Jump to search
Футбол
Вадзім Пабудзей
Агульная інфармацыя
Поўнае імя Вадзім Аляксандравіч Пабудзей
Нарадзіўся 17 снежня 1994(1994-12-17)[1] (25 гадоў)
Грамадзянства Flag of Belarus.svg Беларусь
Рост 181 см
Вага 79 кг
Пазіцыя паўабаронца
Інфармацыя пра клуб
Клуб Казахстан Жэтысу
Кар’ера
Клубная кар’ера*
2013 — 2015 Беларусь Баранавічы 65 (6)
2016 Беларусь Дынама-Брэст 21 (2)
2017 — 2018 Беларусь Іслач 37 (3)
2019 Беларусь Дняпро (Магілёў) 28 (4)
2020 — Казахстан Жэтысу (Талдыкарган)
Нацыянальная зборная**
2014 — 2015 Беларусь Беларусь (да 21) 5 (0)

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў, адкарэктавана станам на 29 студзеня 2020.

** Колькасць гульняў і галоў за нацыянальную зборную ў
афіцыйных матчах, адкарэктавана станам на 18 красавіка 2016.

Вадзім Пабудзей (нар. 17 снежня 1994, Востраў, Ганцавіцкі раён) — беларускі футбаліст, паўабаронца казахстанскага клуба «Жэтысу» з Талдыкаргана.

Кар’ера[правіць | правіць зыходнік]

Клубная[правіць | правіць зыходнік]

Выхаванец ДЮСШ СПК «Агарэвічы» Ганцавіцкага раёна, гуляў за мясцовы клуб «Ганцавічы» ў чэмпіянаце Брэсцкай вобласці. У 2013 годзе дапамог сваёй камандзе стаць чэмпіёнам, забіўшы гол у фінальным матчы супраць «Брэстжылбуда». У жніўні 2013 года далучыўся таксама да клуба Другой лігі чэмпіянату Беларусі «Баранавічы». Неўзабаве замацаваўся ў аснове клуба, а на наступны год разам з ім выйграў Другую лігу. У сезоне 2015 быў адным з лідараў «Баранавічаў» у Першай лізе.

У сакавіку 2016 года быў запрошаны на прагляд у брэсцкае «Дынама» і неўзабаве падпісаў кантракт. 16 красавіка 2016 года дэбютаваў у Вышэйшай лізе, правёўшы ўсё 90 хвілін у матчы супраць «Белшыны» (2:4). У першай палове сезона 2016 трывала гуляў у стартавым складзе дынамаўцаў на розных флангах паўабароны, пасля стаў пераважна выхадзіць на замену.

У красавіку 2017 года перайшоў у «Іслач»[2]. Пачынаў сезон у аснове «Іслачы», але пазней стаў радзей з’яўляцца на полі. У канцы сезона вярнуў месца ў аснове і трыма сваімі галамі дапамог камандзе захаваць месца ў Вышэйшай лізе. У сезоне 2018 з’яўляўся на полі нерэгулярна. У студзені 2019 года пакінуў «Іслач»[3].

Неўзабаве пасля зыходу з «Іслачы» адправіўся на прагляд у мінскі «Прамень» і падпісаў кантракт з клубам[4]. У сакавіку 2019 года «Прамень» пераехаў у Магілёў і аб’яднаўся з мясцовым «Дняпром», і паўабаронца стаў іграком аб’яднанай каманды, якая атрымала назву «Дняпро». Трывала гуляў у аснове, але не здолеў выратаваць магілёўскую каманду ад вылету з Вышэйшай лігі.

У студзені 2020 года далучыўся да казахстанскага клуба «Жэтысу» і ў выніку падпісаў кантракт[5].

Міжнародная[правіць | правіць зыходнік]

У канцы 2014 года, яшчэ будучы іграком другалігавых «Баранавічаў», быў заўважаны галоўным трэнерам моладзевай зборнай Беларусі Ігарам Кавалевічам і запрошаны ў каманду. Дэбютаваў у моладзевай зборнай 14 лістапада 2014 года, выйшаўшы на замену ў канцы таварыскага матча з Літвой. У студзені 2015 года ў складзе беларускай каманды прымаў удзел у Кубку Садружнасці ў Санкт-Пецярбургу, пасля чаго перастаў выклікацца ў зборную.

Дасягненні[правіць | правіць зыходнік]

Статыстыка выступленняў[правіць | правіць зыходнік]

Сезон Дывізіён Клуб Краіна Матчы Галы
2013 Д3 Баранавічы Беларусь 12 1
2014 Д3 Баранавічы Беларусь 25 2
2015 Д2 Баранавічы Беларусь 28 3
2016 Д1 Дынама-Брэст Беларусь 21 2
2017 Д1 Іслач Беларусь 19 3
2018 Д1 Іслач Беларусь 18 0
2019 Д1 Дняпро Беларусь 28 4

Зноскі

Спасылкі[правіць | правіць зыходнік]