Ларан Шварц

Ларан Шварц
фр.: Laurent Schwartz
Дата нараджэння	5 сакавіка 1915(1915-03-05)[…]
Месца нараджэння	XVI акруга Парыжа, Францыя або Парыж, Парыж, рэгіён Іль-дэ-Франс, Метраполія Францыі, Францыя
Дата смерці	4 ліпеня 2002(2002-07-04)[…] (87 гадоў)
Месца смерці	XIV акруга Парыжа, Францыя або Парыж, рэгіён Іль-дэ-Франс, Метраполія Францыі, Францыя
Месца пахавання	могілкі Атуе[d]
Грамадзянства	Францыя
Бацька	Ансельм Шварц[d]
Жонка	Мары-Элен Шварц[d]
Дзеці	Марк-Андрэ Шварц[d] і Клаўдзіна Шварц[d]
Род дзейнасці	матэматык, выкладчык універсітэта, энтамолаг
Навуковая сфера	абагульненая функцыя[d], матэматыка і distribution theory[d]
Месца працы	Парыжскі ўніверсітэт Грэнобльска-Альпійскі ўніверсітэт Нацыянальны цэнтр навуковых даследаванняў[d] Вышэйшая політэхнічная школа[d] Універсітэт Парыж Дзідро Універсітэт Нансі[d]
Альма-матар	Вышэйшая нармальная школа[d] (1937) ліцэй Жансон-дэ-Саі (1934)
Навуковы кіраўнік	Жорж Валірон[d]
Партыя	Аб’яднаная сацыялістычная партыя[d] (1990)
Член у	Французская акадэмія навук Камітэт Адэна[d] В’етнамскі нацыянальны камітэт[d]
Узнагароды	Філдсаўская прэмія (1950) прэмія Хайнца Р. Пейгелса ў галіне правоў чалавека для вучоных[d] (1997) галоўная прэмія матэматычных навук[d] (1964) Дзяржаўная прэмія Французскай акадэміі навук[d] (1964) Канкур жэнераль[d] (1934) прэмія Франкёра[d] (1946) курс Пеко[d] (1945) Q117478118?
Медыяфайлы на Вікісховішчы

Ларан-Маіз Шварц (фр.: Laurent-Moïse Schwartz; 5 сакавіка 1915, Парыж, Францыя — 4 ліпеня 2002, там жа) — французскі матэматык, які ўнёс прыкметны ўклад у развіццё функцыянальнага аналізу, член групы Бурбакі, лаўрэат Філдсаўскай прэміі (1950).

Біяграфія

Нарадзіўся ў яўрэйскай сям’і з Эльзаса. Бацька — Анзельм Шварц (Anselme Schwartz, 1872—1957) — хірург, член Французскай акадэміі навук; маці — Клер Дэбрэ (1888—1972) — з эльзаскага равінскага роду Дэбрэ (фр.: famille Debré), з якога выйшлі палітычныя дзеячы і навукоўцы; дзядзька Шварца па матчынай лініі Рабер Дэбрэ быў навукоўцам-медыкам і педыятрам, стрыечны брат — першы прэм’ер-міністр французскай Пятай рэспублікі Мішэль Дэбрэ. Жанаты з дачкой Поля Леві. Дачка замужам за французскім фізікам Урыэлем Фрышам, які працуе ў Швейцарыі.

У 1934 годзе паступіў у Вышэйшую нармальную школу, у 1937 годзе быў прызваны ў армію. Падчас акупацыі Францыі нацыстамі хаваўся ад гестапа па падробленых дакументах. У 1943 годзе, тым не менш, абараніў дысертацыю ў Страсбургу. Пасля вайны быў прафесарам у Сарбоне і Політэхнічнай школе.

Асноўныя працы ў галіне функцыянальнага аналізу, асабліва тэорыі абагульненых функцый, за абагульненне вынікаў якой атрымаў у 1950 годзе Філдсаўскую прэмію (Шварц сутыкнуўся з істотнымі цяжкасцямі, калі амерыканскія ўлады з-за левых перакананняў матэматыка паспрабавалі не дапусціць яго ў краіну для атрымання ўзнагароды). Пазней Шварц узмацніў раней атрыманыя вынікі, даказаўшы (разам з Жанам Дзьёданэ) тэарэмы аб дваістасці ў прасторах Фрэшэ. Таксама важныя яго працы ў галіне тапалогіі і матэматычнай фізікі.

Сярод яго вучняў найбольш вядомы Аляксандр Гратэндык.

Таксама займаўся актыўнай грамадскай дзейнасцю, быў чалавекам левых поглядаў (у маладосці адносіў сябе да трацкістаў, у сталым узросце — да дэмакратычных сацыялістаў), выступаў супраць французскай і амерыканскай інтэрвенцыі ў В’етнаме, французскай інтэрвенцыі падчас алжырскай вайны і савецкай падчас афганскай вайны.