Мігел Лопіш

Мігел Лопіш
Лопіш на трэніроўцы зборнай Партугаліі
Агульная інфармацыя
Поўнае імя	Угу Мігел Алмейда Кошта Лопіш
Нарадзіўся	19 снежня 1986(1986-12-19) (36 гадоў) Лісабон, акруга Лісабон, Партугалія
Грамадзянства	Партугалія
Рост	182 см
Вага	72 кг
Пазіцыя	правы абаронца
Інфармацыя пра клуб
Клуб	Кайсерыспор
Нумар	13
Маладзёжныя клубы
1995—1999 Арыентал 1999—2002 Алівайш і Маскавіды 2002—2004 Алверка 2004—2005 Бенфіка
Клубная кар’ера
2005—2006 Бенфіка B 24 (4) 2006—2007 Аперарыу 21 (7) 2007—2009 Рыу Аві 50 (2) 2009—2012 Порту 14 (1) 2010—2011 →  Рэал Бетыс 21 (0) 2012 →  Брага 10 (0) 2012—2017 Спортынг (Лісабон) 15 (0) 2013—2014 →  Алімпік (Ліён) 19 (0) 2015—2016 →  Гранада 26 (0) 2016—2017 →  Акхісар Беледыеспор 31 (3) 2017—2019 Акхісар Беледыеспор 49 (1) 2019— Кайсерыспор 7 (0)
Нацыянальная зборная
2009 Партугалія (да 21) 3 (0) 2012 Партугалія 4 (0)
Узнагароды і медалі
Чэмпіянаты Еўропы Бронза Польшча/Украіна 2012
Медыяфайлы на Вікісховішчы

У́гу Міге́л Алме́йда Ко́шта Ло́піш (парт.: Hugo Miguel Almeida Costa Lopes; нар. 19 снежня 1986, Лісабон, Партугалія) — партугальскі футбаліст, абаронца турэцкага клуба «Кайсерыспор» і былы ігрок нацыянальнай зборнай Партугаліі.

Кар’ера

Клубная

Лопіш пачынаў сваю прафесійную кар’еру ў другой камандзе лісабонскай «Бенфікі». У наступным сезоне ён перайшоў у клуб ніжэйшай лігі «Аперарыу».

Пасля некалькіх нядрэнных матчаў Мігел у сезоне 2007/08 перайшоў у клуб «Рыу Аві». У першым сезоне ў «Рыу» Лопіш быў іграком стартавага складу і дапамог камандзе праз два гады вярнуцца ў Прымейра-лігу.

Дзякуючы стабільнай гульні «Рыу Аві», у тым ліку супраць «Бенфікі» і «Порту», Лопішам зацікавіліся гранды партугальскага футбола. У студзені 2009 года Мігел падпісаў чатырохгадовы кантракт з «Порту». У першым сезоне за сіне-белых яму прыходзілася канкураваць за месца ў стартавым складзе з уругвайцам Хорхэ Фусіле, ён з’яўляўся на поле не гэтак шмат, але ўсё ж яму ўдалося згуляць у 17 афіцыйных матчах, 13 з якіх у старце.

У канцы жніўня 2010 года новы трэнер каманды Андрэ Вілаш-Боаш палічыўшы, што яму не патрэбны Лопіш, адправіў яго ў гадавую арэнду ў іспанскі «Бетыс». 2 верасня 2010 года ён прайшоў медыцынскі агляд і далучыўся да каманды. У 2012 годзе на правах арэнды выступаў за «Брагу».

Лопіш вярнуўся ў «Порту» ў сезоне 2012/13, аднак у студзені 2013 года Мігел перайшоў у склад лісабонскага «Спортынга», а ў процілеглым кірунку, паводле пагаднення, быў накіраваны Марат Ізмайлаў.

7 ліпеня 2013 года Мігел на правах арэнды перайшоў у склад французскага клуба «Ліён», які прадстаўляе Лігу 1. З 2015 года на правах арэнды выступаў за іспанскую «Гранаду» і турэцкі «Акхісар Беледыеспор». Улетку 2017 года, пакінуўшы «Спортынг» у якасці свабоднага агента, стаў іграком турэцкага клуба на трывалай аснове.

У ліпені 2019 года перайшоў у «Кайсерыспор».

Міжнародная

Лопіш прыцягваўся ў моладзевую зборную Партугаліі. Ён быў уключаны ў заяўку на чэмпіянат Еўропы 2012. 2 чэрвеня 2012 года Мігел дэбютаваў за нацыянальную зборную Партугаліі ў прайграным таварыскім матчы 3:1 супраць зборнай Турцыі ў Лісабоне.

Спасылкі

• На Вікісховішчы ёсць медыяфайлы па тэме Мігел Лопіш
• Профіль на сайце transfermarkt.com (англ.)
• Статыстыка на сайце National Football Teams (англ.)
• Профіль на сайце soccerway.com (руск.)
• Профіль на сайце BDFutbol.com (англ.)
• Статыстыка на сайце ForaDeJogo (англ.)
• Статыстыка на сайце UEFA.com (руск.)
• Статыстыка на сайце soccerbase.com (англ.)