2021 год у гісторыі беларускага выяўленчага мастацтва
2021 год уключае шэраг падзей, якія пакінуць след у гісторыі беларускага выяўленчага мастацтва.
Падзеі
[правіць | правіць зыходнік]- 14 студзеня — 14 лютага — рэтраспектыўная выстаўка жывапісу Яўгена Харытоненкі (1920 — 1998)[1], НММ Рэспублікі Беларусь
- 28 студзеня — 28 лютага (працягнута да 16 сакавіка) — выстаўка жывапісу Паўла Хадаровіча[2] (нар. 25.6.1987) «Мова рэчаў»[3], НММ Рэспублікі Беларусь
- 4 лютага — 4 красавіка — выстаўка «Лёс мастака», прысвечаная 125-годдзю беларускага мастака Міхася Філіповіча, НММ Рэспублікі Беларусь. У экспазіцыі каля 150 твораў жывапісу, графікі, мелкай пластыкі з мінскіх музеяў і прыватных збораў, фотаздымкі і кнігі.
- з 5 лютага — рэтраспектыўная выстаўка твораў жывапісу, графікі віцебскага мастака Алега Прусава[4], НММ Рэспублікі Беларусь
- 18 лютага — 21 сакавіка — выстаўка «Летапіс маіх дарог», прымеркаваная да 80-годдзя беларускага графіка Леаніда Марчанкі, НММ Рэспублікі Беларусь.
- 24 лютага — 21 сакавіка — выстаўка жывапісу «Служыць дабру»[5], прысвечаная 100-гадаваму юбілею з дня нараджэння беларускага мастака Мікалая Валынца ў мастацкай галерэі Міхаіла Савіцкага.
- 3 сакавіка — 4 красавіка — «Настальгія ці ўспамін пра будучыню» — сумесная выстаўка Ірыны і Анатоля Кузняцовых у арт-гасцёўне «Высокае Месца»[6].
- 1 красавіка — адкрыты Фестываль скульптуры «SculptFest» Беларускага саюза мастакоў — выставачны марафон, які праводзіўся на дзевяці арт-пляцоўках Мінска. Доўжыўся амаль увесь красавік, паказаны 120 твораў больш за 60 аўтараў з розных рэгіёнаў Беларусі.
- 1 красавіка — 11 красавіка — выстаўка цэнтральнага групавога праекта Фестываля скульптуры «SculptFest»[7]; Рэспубліканская мастацкая галерэя Беларускага саюза мастакоў, Палац мастацтва (Мінск).
- 1 красавіка — 9 красавіка (фактычна) — рэтраспектыўная выстаўка «Разам» мастацкай суполкі «Пагоня», прысвечаная 30-годдзю ўтварэння суполкі; Рэспубліканская мастацкая галерэя Беларускага саюза мастакоў, Палац мастацтва (Мінск)[8].
- 1 красавіка — 9 красавіка — выстаўка графічных твораў (пераважна акварэлі) «Аква/Арэлі» беларускага мастака Алеся Мары, Рэспубліканская мастацкая галерэя Беларускага саюза мастакоў, Палац мастацтва (Мінск)[9][10].
- з 8 красавіка — выстаўка жывапісу, прысвечаная памяці беларускага мастака Валерыя Сідоркіна[11], Мазырскі аб’яднаны краязнаўчы музей.
- 28 красавіка — 16 мая — выстаўка станковага жывапісу і дэкаратыўна-прыкладных вырабаў з саломкі (скрынкі, хлебніцы, вазы, падносы, галаўныя ўборы) і лазы, беларускага мастака Аляксандра Грэся (нар. 21.5.1951) ў Рэспубліканскай мастацкай галерэі Беларускага саюза мастакоў, Палац мастацтва (Мінск)[12].
- 28 красавіка — 22 чэрвеня — мастацкая выстаўка «Старажытная Беларусь», прысвечаная 100-годдзю з дня нараджэння беларускага гісторыка Міколы Ермаловіча, Нацыянальная бібліятэка Беларусі[13]. Куратар выстаўкі Мікола Купава.
- 12 жніўня — 6 верасня — выстаўка твораў Льва Лейтмана, прымеркаваная да 125-годдзя з дня нараджэння[14], НММ Рэспублікі Беларусь.
- 15 кастрычніка — 12 снежня — выставачны праект, прысвечаны 100-годдзю Віленскага беларускага музея імя Івана Луцкевіча[15], НММ Рэспублікі Беларусь.
- 29 кастрычніка — 28 лістапада — выстаўка «Аркадзь Астаповіч. Да 125-годдзя з дня нараджэння»[16], НММ Рэспублікі Беларусь.
З’явіліся
[правіць | правіць зыходнік]- 15 чэрвеня ва Ушачах усталяваны помнікі Васілю Быкаву і Рыгору Барадуліну. Аўтар помнікаў — беларускі скульптар Ігар Засімовіч (нар. 18.6.1966)[17].
- 17 снежня пасля рэканструкціі адкрыліся два будынкі Нацыянальнага мастацкага музея Рэспублікі Беларусь: выставачны корпус (будынак па вул. К. Маркса, 24) і рэстаўрацыйны карпус (будынак па вул. Кірава, 25). У выставачным корпусе 4 асобныя выставачныя залы агульнай плошчай 846 м² на 3–м і 4–м паверхах будынка; у рэстаўрацыйным карпусе плошча рэстаўрацыйных майстэрняў павялічылася з 810 м² да 1398 м².
Узнагароды
[правіць | правіць зыходнік]- 18 студзеня — скульптару Канстанціну Касцючэнку за стварэнне манумента «Брама памяці»[18] ў мемарыяле «Трасцянец» прысуджана Дзяржаўная прэмія Рэспублікі Беларусь за 2020 год.
- 26 лютага — мастак Ларыса Журавовіч (нар. 6.11.1965) узнагароджана медалём «За працоўныя заслугі».
- 10 верасня — скульптар Уладзімір Слабодчыкаў атрымаў ганаровае званне народнага мастака Беларусі; скульптар Канстанцін Касцючэнка атрымаў ганаровае званне заслужанага дзеяча мастацтваў Беларусі; старшыня Беларускага саюза мастакоў Глеб Отчык узнагароджаны медалём Францыска Скарыны[19].
- 25 кастрычніка — скульптар Аляксандр Фінскі атрымаў ганаровае званне заслужанага дзеяча мастацтваў Беларусі, мастак Уладзімір Ткачэнка (нар. 30.10.1948) узнагароджаны медалём Францыска Скарыны[20].
Памерлі
[правіць | правіць зыходнік]- 1 студзеня — Ала Непачаловіч (нар. 23.12.1951), беларускі мастак дэкаратыўна-прыкладнога мастацтва, сябра Беларускага саюза мастакоў з 1989[21].
- 9 студзеня — Уладзімір Лісавенка[22] (нар. 24.7.1959), беларускі мастак дэкаратыўна-прыкладнога мастацтва, майстар аўтарскага габелена, сябра Беларускага саюза мастакоў (1994) і Беларускага Саюза дызайнераў (1993)[23].
- 14 студзеня — Леанід Шчамялёў (нар. 5.2.1923), народны мастак БССР (1983), заслужаны дзеяч мастацтваў Беларусі, лаўрэат дзяржаўнай прэміі БССР (1982)[24].
- 20 студзеня — Барыс Забораў (нар. 16.10.1935), знакаміты мастак, сябра Беларускага саюза мастакоў з 1964 па 1979 гг[25].
- 1 лютага — Ларыса Густава[26] (нар. 29.1.1947), беларускі мастак дэкаратыўна-прыкладнога мастацтва, майстар класічнага беларускага габелена, сябра Беларускага саюза мастакоў (1994).
- 6 лютага — Віктар Яўсееў[27] (нар. 1.2.1944), беларускі мастак — жывапісец і графік, сябра Беларускага саюза мастакоў з 1972[28].
- 7 лютага — Мікалай Казакевіч (нар. 1934), беларускі мастак — жывапісец, заслужаны дзеяч мастацтваў БССР (1988), лаўрэат Дзяржаўнай прэміі Рэспублікі Беларусь (2000), сябра Беларускага саюза мастакоў з 1963[29].
- 2 сакавіка — Ігар Уласаў[30] (нар. 10.2.1944), беларускі мастак — жывапісец, педагог, сябра Беларускага саюза мастакоў з 1994[31].
- 25 сакавіка — Мікола Несцярэўскі[32] (нар. 31.3.1931), беларускі мастак, найбольш вядомы як майстар дэкаратыўна-прыкладнога мастацтва, сябра Беларускага саюза мастакоў з 1985.
- 3 ліпеня — Леў Гумілеўскі[33] (нар. 31.10.1930), беларускі скульптар, народны мастак Беларусі, сябра Беларускага саюза мастакоў з 1964.
- 31 ліпеня — Людміла Налівайка[34] (нар. 13.12.1940), беларуская мастачка, мастацтвазнаўца, даследчык беларускай графікі 1920—1930-х гадоў.
- 26 кастрычніка — Уладзімір Сытчанка[35] (нар. 5.8.1951), беларускі мастак — графік і жывапісец, сябра Беларускага саюза мастакоў з 1988[36].
- 5 снежня — Уладзімір Рынкевіч[37] (нар. 29.10.1952), беларускі мастак — графік, акварэліст, сябра Беларускага саюза мастакоў з 1991, кандыдат мастацтвазнаўства (1987)[38].
- 31 снежня — Васіль Шаранговіч[39] (нар.1939), беларускі мастак — графік, народны мастак Беларусі, сябра Беларускага саюза мастакоў з 1970.
Зноскі
- ↑ Афіша выстаўкі «Яўген Харытоненка. Жывапіс. Да 100-годдзя з дня нараджэння» Архівавана 1 лютага 2021.
- ↑ Павел Хадаровіч : ФОТА(недаступная спасылка)
- ↑ Афіша выстаўкі П. Хадаровіча Архівавана 11 верасня 2021.
- ↑ Афіша выстаўкі твораў Алега Прусава «Надпіс на адвароце»(недаступная спасылка)
- ↑ Афіша выстаўкі жывапісу Мікалая Валынца «Служыць дабру»(недаступная спасылка). Архівавана з першакрыніцы 12 лістапада 2021. Праверана 19 сакавіка 2021.
- ↑ belta.by «В Минске представили более 50 работ художников Ирины и Анатолия Кузнецовых»
- ↑ Афіша выстаўкі ў рамках Фестываля скульптуры «SculptFest» Архівавана 14 чэрвеня 2021.
- ↑ Афіша выстаўкі «Разам»
- ↑ .Афіша выстаўкі Алеся Мары «Аква/Арэлі» Архівавана 11 лістапада 2021.
- ↑ На два дні раней закрылі выставу Алеся Марачкіна
- ↑ Афіша выстаўкі Валерыя Сідоркіна Архівавана 24 мая 2021.
- ↑ Афіша выстаўкі Аляксандра Грэся(недаступная спасылка)
- ↑ Афіша мастацкай выстаўкі «Старажытная Беларусь» Архівавана 21 мая 2021.
- ↑ Афіша выстаўкі Льва Лейтмана Архівавана 28 жніўня 2021.
- ↑ Афіша выстаўкі, прысвечанай 100-годдзю Беларускага музея ў Вільні Архівавана 23 кастрычніка 2021.
- ↑ Афіша выстаўкі Аркадзя Астаповіча Архівавана 4 лістапада 2021.
- ↑ У Вушачы паставілі помнікі Васілю Быкаву і Рыгору Барадуліну // svaboda.org 15 чэрвэня 2021
- ↑ Брама памяці ў мемарыяле Трасцянец
- ↑ Указ Президента Республики Беларусь от 10 сентября 2021 г. № 334
- ↑ Указ Прэзідэнта Рэспублікі Беларусь ад 25 кастрычніка 2021 г. № 417
- ↑ Памерла мастачка Ала Непачаловіч // nn.by 1 студзеня 2021
- ↑ Уладзімір Лісавенка: ФОТА
- ↑ Памёр мастак Уладзімір Лісавенка // nn.by 9 студзеня 2021
- ↑ Памёр мастак Леанід Шчамялёў // nn.by 14 студзеня 2021
- ↑ Памёр мастак Барыс Забораў // nn.by 21 студзеня 2021
- ↑ Ларыса Густава: ФОТА(недаступная спасылка)
- ↑ Віктар Яўсеяў : Фота(недаступная спасылка)
- ↑ Паведамленне аб смерці В. Яўсеева
- ↑ Паведамленне аб смерці М. Казакевіча
- ↑ Ігар Уласаў. Аўтапартрэт
- ↑ Паведамленне аб смерці І. Уласава
- ↑ Мікола Несцярэўскі : Фота(недаступная спасылка)
- ↑ Леў Гумілеўскі : Фота(недаступная спасылка)
- ↑ В.Ф. Шаталава. Налівайка Людміла Дзмітрыеўна. Мастацтвазнавец, мастачка, драматург. Фонд № 428 Вопіс № 1 1954–2010 . Беларускі дзяржаўны архіў-музей літаратуры і мастацтва..
- ↑ Уладзімір Сытчанка : Фота
- ↑ Паведамленне аб смерці У. Сытчанкі
- ↑ Уладзімір Рынкевіч : Фота Архівавана 5 снежня 2021.
- ↑ Паведамленне аб смерці У. Рынкевіча
- ↑ Васіль Шаранговіч : Фота 2000 г.
