Ігар Міхайлавіч Бабкоў

Ігар Міхайлавіч Бабкоў
Ігар Міхайлавіч Бабкоў
Асабістыя звесткі
Дата нараджэння	2 чэрвеня 1964 (60 гадоў)
Месца нараджэння	Гомель, Гомельская вобласць, БССР, СССР;
Грамадзянства	СССР; Беларусь;
Альма-матар	гістарычны факультэт БДУ;
Месца працы	Інстытут філасофіі НАН Беларусі; Наша Ніва; Беларускі Калегіюм; Фрагменты;
Прафесійная дзейнасць
Род дзейнасці	пісьменнік, паэт, філосаф, культуролаг
Жанр	верш, паэма, эсэ
Мова твораў	Беларуская мова
Дэбют	1986
Грамадская дзейнасць
Член у	Саюз беларускіх пісьменнікаў; Таварыства Тутэйшыя;
Прэміі	Гліняны Вялес (1993) Залатая літара (2005) Залаты апостраф (2011) літаратурная прэмія імя Ежы Гедройца (2014)

Ігар Міхайлавіч Бабкоў (нар. 2 чэрвеня 1964, Гомель) — беларускі паэт, празаік, філосаф, культуролаг. Кандыдат філасофскіх навук (2003).

Біяграфія

у 1986 г. скончыў аддзяленне філасофіі гістарычнага факультэта Беларускага дзяржаўнага ўніверсітэта (г. Мінск). У канцы 1980-х гг. быў сябрам літаратурных суполак «Бабілён» і «Тутэйшыя». Браў удзел у аднаўленні газеты «Наша Ніва» ў пачатку 1990-х гг., быў адным з заснавальнікаў Беларускага Калегіума. Выдаваў і рэдагаваў часопіс «Фрагмэнты».

Працуе ў Інстытуце філасофіі НАН Беларусі, займаецца сучаснай посткаланіяльнай тэорыяй і гісторыяй філасофіі. У 2003 г. абараніў кандыдацкую дысертацыю на тэму «Філасофія Яна Снядэцкага і станаўленне познеасветніцкай рацыянальнасці ў Беларусі і Літве (першая трэць XIX стагоддзя)» і атрымаў навуковую ступень кандыдата філасофскіх навук.

Член Саюза беларускіх пісьменнікаў.

Жыве ў Мінску.

Бібліяграфія

«Solus Rex» (1986), паэзія
«Герой вайны за празрыстасць» (1998), паэзія
«Адам Клакоцкі і ягоныя цені» (2001), раман; у 2008 годзе выйшаў па-польску ў перакладзе Малгажаты Бухалік.
«Філасофія Яна Снядэцкага» (2002)
«Каралеўства Беларусь. Вытлумачэньнi ру[i]наў» (2005), зборнік эсэ
«Засынаць, прачынацца, слухаць галасы рыб» (2009), паэзія
«Хвілінка. Тры гісторыі» (2013), проза

Прызнанне

1993: Прэмія Гліняны Вялес за зборнік «Solus Rex»;
2005: Прэмія Залатая літара за кнігу «Каралеўства Беларусь. Вытлумачэньнi ру[i]наў»;
2009: шорт-ліст Прэміі «Angelus» за раман «Адам Клакоцкі і ягоныя цені»;
2011: Прэмія «Залаты апостраф»;
2014: Прэмія Гедройца за кнігу «Хвілінка: Тры гісторыі».

Зноскі

Спасылкі

http://ihar-babkou.livejournal.com/ — блог І. Бабкова ў ЖЖ
http://francisak-n.livejournal.com/ — другі блог І. Бабкова ў ЖЖ
Герой вайны за празрыстасьць. — Мн.: Мастацкая літаратура, 1998 Архівавана 11 снежня 2007. ISBN 985-6012-50-3
Зборнікі Герой вайны за празрыстасць і Solus Rex у бібліятэцы Фрагментаў Архівавана 15 красавіка 2008.