Бразілія (горад)

Горад Бразілія парт.: Brasília Герб Сцяг Краіна Бразілія Штат Федэральная акруга Бразілія Каардынаты 15°46′49″ пд. ш. 47°55′43″ з. д. Заснаваны 21 красавіка 1960 Плошча 5 802 км² Вышыня цэнтра 317 м Тып клімату субтрапічны гумідны Водныя аб’екты Параноа[d] і Параноа[d] Насельніцтва 2 455 903 чалавек (2007) Часавы пояс UTC-3, летам UTC-2 Тэлефонны код 61 Паштовы індэкс 70000-000 Афіцыйны сайт brasilia.df.gov.br Бразілія на карце Бразіліі

Медыяфайлы на Вікісховішчы

Бразілія (парт.: Brasília) — горад, сталіца Бразіліі (з 21 красавіка 1960), на беразе штучнага вадасховішча. Уключаны ў спіс Сусветнай спадчыны ЮНЕСКА.

Насельніцтва (з прыгарадамі) каля 2,5 млн чалавек.

На тэрыторыі Бразіліі размешчаны міжнародны аэрапорт імя Прэзідэнта Ж. Кубічака, прадпрыемствы лёгкай і харчовай прамысловасці, Нацыянальны ўніверсітэт, Нацыянальны тэатр Клаўдзіа Сантора.

Гісторыя

У 1955 годзе кандыдат на прэзідэнцкі пост Жуселіну Кубічак пакляўся, што, калі яго абяруць у прэзідэнты, новая сталіца стане рэальнасцю яшчэ да таго, як міне яго пяцігадовы прэзідэнцкі тэрмін. У красавіку 1956 года Кубічак быў абраны прэзідэнтам. Праз тры гады 60-тысячнае войска будаўнікоў узвяло добра ўладкаваны горад.

Насельніцтва

Уласна ў Бразілія ўвесь час пражываюць каля 200 000 чалавек, некаторыя жылыя кварталы дагэтуль не былі дабудаваны. Насельніцтва горада з прыгарадамі перавышае 2,5 млн жыхароў. Пры гэтым сталіца была першапачаткова спраектавана для размяшчэння каля 500 000 жыхароў. У выніку, цяпер горад моцна перагружаны аўтамабільным транспартам.

Транспарт

Грамадскі транспарт прадстаўлены дзвюма лініямі метрапалітэна (фотагалерэя(недаступная спасылка)), якія праходзяць з цэнтра праз паўднёвае крыло (карта(недаступная спасылка)) у гарады-спадарожнікі, а таксама шматлікімі аўтобуснымі маршрутамі, якія, галоўным чынам, сыходзяцца на цэнтральнай станцыі Радавіярыя.

У горадзе знаходзіцца міжнародны аэрапорт імя Прэзідэнта Ж. Кубічака.

Адукацыя

Бразіліа славіцца найлепшымі паказчыкамі па ўзроўні адукацыі (93 % пісьменных жыхароў паводле індэкса чалавечага развіцця). У горадзе размешчаны шматлікія школы і некалькі ўніверсітэтаў, найбуйнейшым з якіх з’яўляецца недзяржаўны Нацыянальны ўніверсітэт Бразіліі (UNB).

Гл. таксама

• Палац Жабуру

Сусветная спадчына ЮНЕСКА, аб’ект № 445 рус. • англ. • фр.