Перайсці да зместу

Другая бітва за Эз-Завію

З Вікіпедыі, свабоднай энцыклапедыі
Другая бітва за Эз-Завію
Асноўны канфлікт: Грамадзянская вайна ў Лівіі (2011), Баі за горы Нафуса
Дата 13 жніўня — 20 жніўня 2011
Месца Эз-Завія, Лівія
Вынік перамога ПНС
Праціўнікі
ПНС Лівіі
 НАТА
Камандуючыя
невядома Махдзі аль-Арабі[1]
Сілы бакоў
каля 600 чалавек звыш 1000 чалавек
Страты
41 забіта, 1 танк знішчаны 93 забіта, 150 паранена, 15 палонена; 9 танкаў, 1 браняваная тэхнічка, 5 звычайных тэхнічак, 1 ваенная лодка знішчаны

Другая бітва за Эз-Завію — бітва за горад Эз-Завія падчас грамадзянскай вайны ў Лівіі.

Сітуацыя

[правіць | правіць зыходнік]

13 жніўня паўстанцы пасля начнога штурму авалодалі горадам Гар’ян — найбуйнейшым горадам у гарах Нафуса, што знаходзіцца на найважнейшай дарозе з Трыпалі на поўдзень. Пра гэта паведаміў прадстаўнік Зінтанскага ваеннага камандавання Фатх-эль-Айіб. Сілы апазіцыянераў зайшлі ў горад з паўночнага боку. Па словах Фатх-эль-Аіба, штурм горада і сутыкненні «з рэшткамі войскаў рэжыму» працягваліся 4 гадзіны, затым ўрадавымі сілы адступілі[2].

Пасля Гар’яна паўстанцы працягнулі развіваць наступленне на Эз-Завію[3]. Стратэгічнае значэнне горада было абумоўлена магчымасцю блакаваць пастаўкі забеспячэння войскаў Кадафі з Туніса[4].

Бітва

[правіць | правіць зыходнік]

Увечары 13 жніўня з’явіліся першыя паведамленні аб тым, што перадавыя часці паўстанцаў увайшлі ў горад. Хоць прадстаўнік урада Лівіі ў Трыпалі заявіў, што «вельмі малая група паўстанцаў увайшла ў Эз-Завію[5], але была спынена нашымі ўзброенымі сіламі», шэраг інфармагенцтваў пацвердзіў развіццё наступленне рэвалюцыянераў у самім горадзе. Карэспандэнт інфармацыйнага агенцтва Associated Press, які ўвайшоў у горад з атрадам мяцежнікаў, паведамляў, што «сотні жыхароў выйшлі на вуліцу, сустракаючы паўстанцаў»[6]. Затым, па словах карэспандэнта, пачаўся бой з контратакуючымі часцямі ўрадавых войскаў[7].

14 жніўня Ваенны Савет Зінтана абвясціў аб узяцці горада Сарман на ўзбярэжжы Міжземнага мора, за 10 км на захад ад Эз-Завіі[8][9]. Адначасова ў самой Эз-Завіі вяліся баі паміж рэвалюцыянерамі і войскамі Кадафі, якія атрымалі падмацаванні з Трыпалі. Паведамлялася пра мінамётны агонь і вялікую колькасць снайпераў на дахах вышынных дамоў[10].

15 жніўня з’явіліся першыя паведамленні паўстанцаў аб баях у Сабраце[11] і Эль-Аджэйлаце[12], размешчаных на захад ад горада Сарман[13]. У гэты ж дзень паўстанцы заявілі, што ім удалося адбіць ва ўрадавых войскаў горад Тыджы — апошні аплот лаялістаў у раёне гор Нафуса[14] і пачаць баі за Бадр — горад, які адкрывае шлях да прыбярэжнага горада Зувара, населенаму, як і горы Нафуса, пераважна амазігамі.

16 жніўня прадстаўнік паўстанцаў пацвердзіў інфармацыю аб узяцці горада Тыджы і заявіў, што цяпер баі вядуцца за суседні (17 км ад Тыджы) горад Бадр, з якога напярэдадні вёўся абстрэл пазіцый паўстанцаў. Ён таксама пацвердзіў, што ідуць баі за нафтаперапрацоўчыя прадпрыемствы Завіі, а ўрадавыя войскі кантралююць прыблізна 30% горада, у асноўным — усходнія і паўночна-ўсходнія ўскраіны[15].

18 жніўня паўстанцы захапілі нафтаперапрацоўчы завод Эз-Завіі, адначасова журналісты пацвердзілі, што Гар’ян таксама знаходзіцца пад кантролем іх сіл[16].

19 жніўня прадоўжыліся баі ў цэнтры Эз-Завіі. Пазіцыі паўстанцаў, а таксама бальніцы і іншыя будынкі абстрэльваліся мінамётамі, артылерыяй і цяжкімі кулямётамі, аднак з надыходам цемры паўстанцам атрымалася выцесніць урадавыя войскі з шматпавярховай гасцініцы і цэнтральнай плошчы горада. Авіяцыя НАТА працягнула наносіць ўдары па падмацаванні праціўніка, якое рухалася да Эз-Завіі з боку Трыпалі[17].

20 жніўня паўстанцы цалкам авалодалі Эз-Завіяй[18], разгарнуўшы наступленне на Трыпалі (50 км ад Эз-Завіі)[19]. Неўзабаве пачаўся штурм сталіцы.

Зноскі

  1. ↑ Capture of Gaddafi's General - Mahdi al-Arabi
  2. ↑ Revolutionaries claim capture of gateway to Tripoli(недаступная спасылка)//Libya TV, 13 August 2011
  3. ↑ Tarek Amara, Missy Ryan,Robert Birsel, Joseph Nasr, Douglas Hamilton, Angus MacSwan Libyan rebels advance on Zawiyah, battle in Brega Архівавана 18 жніўня 2011. //Reuters, 13 August 2011
  4. ↑ Libyan rebels 'take Az-Zawiyah'//Youtube
  5. ↑ Libya conflict: Rebels battle Gaddafi troops in Zawiya //BBC News Africa,14 August 2011
  6. ↑ Scènes de liesse des libyens à Ennasr Tunis //Youtube
  7. ↑ Karin Laub Heavy clashes as Libyan rebels enter Zawiya(недаступная спасылка) //Forbes, 13 August 2011
  8. ↑ Rebels say capture another town west of Tripoli Архівавана 7 студзеня 2014.
  9. ↑ معركة تحرير صرمان 14 8 11//Youtube
  10. ↑ Libyan rebels make western gains//Youtube
  11. ↑ Michael Georgy Libyan rebels fly flag over key town near Tripoli(недаступная спасылка)//The Vancouver Sun, 14 August 2011
  12. ↑ Colonel Jomaa Ibrahim has told Al Jazeera that «opposition fighters are in control of Az Zawiyah, surman, Agilette and Gharyan. There are clashes in Az-Zawiyah and Gharyan as opposition forces are pushing pro-Gaddafi forces out». Архівавана 25 жніўня 2011.//Al Jazeera Blogs, 14 August 2011
  13. ↑ Libya shows signs of slipping from Muammar Gaddafi’s grasp(недаступная спасылка)//War & Peace in the Middle East, 15 August 2011
  14. ↑ Video: Revolutionaries prepare for Tiji Архівавана 24 жніўня 2011. //Libya February 17th, 15 August 2011 Архівавана 24 жніўня 2011.
  15. ↑ Karin Laub Gadhafi’s troops use hospital as base, doctors say //Associated Press, (via Yahoo! News) 16 August 2011 Архівавана 28 красавіка 2014.
  16. ↑ Ulf Laessing, Yvonne Bell «Libyan Rebels Seize Refinery, Eye Tripoli» Архівавана 24 верасня 2015. // Reuters, 18 August 2011.
  17. ↑
  18. ↑ Battle for Libya: Latest from Az Zawiyah and Zlitan // Youtube
  19. ↑ Libya rebels take Zawiyah // Reuters, 20 August 2011
Узята з "https://be.wikipedia.org/w/index.php?title=Другая_бітва_за_Эз-Завію&oldid=4806196"