Злынка

Горад Злынка руск.: Злынка Краіна Расія Рэгіён Бранская вобласць Каардынаты 52°26′00″ пн. ш. 31°44′00″ у. д. Вышыня цэнтра 150 м Насельніцтва ▼5 270 чал. (2021) Тэлефонны код 48358 Паштовыя індэксы 243600 Аўтамабільны код 32 Злынка на карце Расіі ±

Медыяфайлы на Вікісховішчы

Злынка — горад у Бранскай вобласці Расіі, адміністрацыйны цэнтр Злынкаўскага раёна. Насельніцтва 5,4 тыс. чалавек (2005).

Геаграфія

Горад размешчаны на рацэ Злынка, ля мяжы з Беларуссю, за 225 км на паўднёвы захад ад Бранска, за 8 км ад аднайменнай чыгуначнай станцыі.

Гісторыя

На правым беразе р. Злынка ў 1682 годзе перасяленцамі з р. Ветка заснаваны стараверскі скіт; у 1700 годзе ў рангавых дачах Старадубскага палка Гетманшчыны была заселена слабодка Злынка, якая стала адным з цэнтраў стараверства (сюды перасяляліся купцы-стараверы з Арла і Каломны).

У 1770 годзе паводле ўказа рускай імператрыцы Кацярыны II Злынка была нададзена графу П. А. Румянцаву-Задунайскаму. З канца XVIII стагоддзя Злынка — рамесны цэнтр (каменнае і цяслярскае рамёствы); у яе склад увайшла Красная слабада (на левым беразе р. Злынка), дзе развіваліся дрэваапрацоўка і гарбарны промысел. З 1860-х гадоў Злынка — адзін з цэнтраў вытворчасці запалак у Расіі. Эканамічнаму ўздыму спрыяла адкрыццё ў 1887 годзе руху па праведзенай каля яе чыгунцы Бранск — Гомель. Да канца ХІХ стагоддзя Злынка — пасад Чарнігаўскай губерні Расійскай імперыі.

У маі 1917 года прайшла 14-дзённая забастоўка рабочых У сакавіку 1918 г. Злынка акупавана германскімі войскамі. Узята Багунскім палком Чырвонай Арміі пад камандаваннем М. А. Шчорса ў снежні 1918 года. Уваходзіла ў склад Гомельскай губерні (1919—1926), Бранскай губерні (1926—1929), Заходняй вобласці (1929—1937), Арлоўскай вобласці (1937—1944) РСФСР.

Горад з 1925 года. Раённы цэнтр Арлоўскай вобласці (1939—1944), Бранскай вобласці (1944—1959, з 1988). У 1959—1988 гадах у складзе Навазыбкаўскага раёна Бранскай вобласці.

У Вялікую Айчынную вайну 25 жніўня 1941 года акупавана германскімі войскамі. Вызвалена савецкімі войскамі 26 верасня 1943 года падчас Чарнігаўска-Прыпяцкай наступальнай аперацыі.

Горад і яго наваколлі моцна пацярпелі ў выніку Чарнобыльскай аварыі (1986). У 2015 годзе Пастановай Урада РФ Злынка аднесена да зоны пражывання з правам на адсяленне.

Насельніцтва

Год Колькасць 1866 4 000 1897 5 300 1917 7 600 1920 5 700 1926 6 400 1931 6 600 1939 8 754 1950 5 300 1959 6 003 Год Колькасць 1960 6 000 1970 6 106 1979 5 904 1989 5 586 1992 5 200 1996 5 400 1998 5 500 1999 5 500 2001 5 500 Год Колькасць 2002 5 372 2003 5 400 2005 5 400 2006 5 400 2007 5 400 2009 5 482 2010 5 507 2011 5 500 2012 5 513 Год Колькасць 2013 5 477 2014 5 490 2015 5 526 2016 5 547 2017 5 460 2018 5 369 2019 5 335 2020 5 340 2021 5 270

Эканоміка

Лясгас, кансервавы завод. Вытворчасць алмазнага інструмента, лічыльнікаў вадкасці і газу.

Славутасці

Захаваліся жылыя і грамадскія будынкі XVIII — пачатку XX стст., у тым ліку драўляныя, з багатым разбярствам цэрквы: Узнясення (1870), Мікалая Цудатворцы (кан. XIX ст.), драўляная Пакроўская старавераў-бес­папоўцаў (1903—1904) і інш.

Вядомыя асобы

• Уладзімір Аляксандравіч Зыкуноў (нар. 1968) — беларускі фізік-тэарэтык.