Аляксандр Мікалай Гараін

Аляксандр Мікалай Гараін
Герб «Шранява»
Біскуп жамойцкі 7 снежня 1716 — 7 снежня 1735
Папярэднік	Павел Францішак Сапега
Пераемнік	Юзаф Міхал Карп
Біскуп смаленскі 23 снежня 1711 — 7 снежня 1716
Папярэднік	Ян Мікалай Згерскі
Пераемнік	Людвік Караль Агінскі
Дзейнасць	каталіцкі святар, каталіцкі біскуп
Нараджэнне	30 сакавіка 1651(1651-03-30) Лыскава
Смерць	7 снежня 1735(1735-12-07) (84 гады) каралеўства Прусія
Пахаванне	Варней
Дынастыя	Гараіны[d]
Бацька	Ян Гараін[d]
Медыяфайлы на Вікісховішчы

Алякса́ндр Мікала́й Гара́ін (30 сакавіка 1651, Лыскава — 7 снежня 1735) — рымска-каталіцкі дзеяч Вялікага Княства Літоўскага, біскуп смаленскі (1711—1716) і жамойцкі (з 1716).

Біяграфія

Паходзіў з шляхецкага роду Гараінаў герба «Шранява». Меў брата Фларыяна Казіміра, падчашага ваўкавыскага. Пляменнікам Аляксандра Мікалая Гараіна быў берасцейскі ваявода Ян Антоні Гараін.

Святар з 9 красавіка 1678. Юыў кусташам і афіцыялам віленск, пробашчам геранёнскім. 15 верасня 1704 прызначаны біскупам-суфраганам беларускім Віленскай дыяцэзіі і тытулярным біскупам Тыберыі. З 23 снежня 1711 біскуп смаленскі, з 7 снежня 1716 жамойцкі.

У 1722 годзе, з'яўляючыся дзедзічам Альковіч, на свае сродкі пабудаваў там драўляны касцёл Нараджэння Найсвяцейшай Дзевы Марыі.

Пасля смерці ў 1733 караля Аўгуста II уступіў у канфлікт з камандаваннем расійскіх войскаў у Жамойці і выехаў у Прусію, Жамойкай дыяцэзіяй кіраваў праз свайго пляменніка Аляксандра Казіміра Гараіна.

Аўтар твора «Кніга святога Юзафа пра розныя брацтвы» (Вільня, 1734).

Памёр у Шылгалу ў Прусіі, пахаваны ў Ворнях.

Крыніцы

• Пазднякоў В. Гараін Аляксандр Мікалай // Вялікае княства Літоўскае: Энцыклапедыя. У 3 т. / Рэдкал.: Т. У. Бялова (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2010. — Т. 3: Дадатак. А — Я. — С. 161. — 696 с. — ISBN 978-985-11-0487-7 (т. 3), ISBN 985-11-0315-2.

Спасылкі

• Bishop Aleksander Mikolaj Horain †