Юрый Белазор

Юрый Белазор
польск.: Jerzy Białłozor
Вянява
біскуп віленскі з 21 лістапада 1661
Дыяцэзія	Віленскае біскупства
Папярэднік	Ян Караль Даўгяла Завіша
Пераемнік	Аляксандр Казімір Сапега
біскуп смаленскі з 18 сакавіка 1658
Дыяцэзія	Смаленская дыяцэзія
Папярэднік	Геранім Уладзіслаў Сангушка
Пераемнік	Казімір Пац
Адукацыя	Віленскі ўніверсітэт
Дзейнасць	каталіцкі святар, каталіцкі біскуп
Нараджэнне	1622
Смерць	17 мая 1665(1665-05-17) Белая, Берасцейскі павет, Берасцейскае ваяводства, Вялікае Княства Літоўскае, Рэч Паспалітая
Дынастыя	Белазоры
Бацька	Крыштаф Белазор
Маці	Ядвіга з Гедройцаў[d]

Юрый Белазор (каля 1622 — 17 мая 1665) — дзяржаўны і рымска-каталіцкі дзеяч Вялікага Княства Літоўскага. Біскуп смаленскі (1658—1661) і віленскі (ад 1661).

Біяграфія

Прадстаўнік шляхецкага роду Белазораў гербу «Вянява», сын Крыштафа, старосты абельскага, і Ядвігі з Гедройцаў.

Скончыў Віленскую акадэмію, зрабіўся ксяндзом. Быў каралеўскім сакратаром, пісарам cкарбовым літоўскім, канонікам віленскім, пробашчам капліцы Святога Казіміра ў Віленскай кафедры, рэгентам меншай канцылярыі ВКЛ (1650—1655), кусташам віленскім (ад 1652).

Вымушана падпісаў ад імя віленскага капітула Кейданскі дагавор 1655 года пра унію ВКЛ і Швецыі. У Верках у 1663 заклаў Віленскую Кальварыю як воту па вызваленне бацькаўшчыны. За ахвяраванні часткі скарбу капліцы Св. Казіміра на патрэбы разбуранае пасля вайны краіны атрымаў прыхільнасць Яна Казіміра Вазы. Быў ініцыятарам адбудовы віленскае кафедры.

Літаратура

• Пазднякоў В. Белазоры // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 299. — 688 с. — ISBN 985-11-0314-4 (т. 1), ISBN 985-11-0315-2.
• Ryszard Mienicki, Jerzy Białłozor. Polski Słownik Biograficzny, t. II. — Kraków 1936, стр. 8.

Спасылкі

• Кароткая біяграфія (англ.)