Медаль «Залатая Зорка» (СССР)

Медаль «Залатая Зорка»
Краіна	СССР
Тып	медаль
Каму ўручаецца	асобам, удастоеным звання «Герой Савецкага Саюза»
Дата заснавання	1 жніўня 1939
Статус	не ўручаецца
Статыстыка ўзнагароджанняў
Першае	4 лістапада 1939
Апошняе	24 снежня 1991
Колькасць	12775
Характарыстыкі
Памеры	матэрыял — золата, проба 950
Старэйшая	Hero of Labour of the Russian Federation[d]
Малодшая	медаль «Серп і Молат»
Медыяфайлы на Вікісховішчы

Медаль "Залатая Зорка" заснаваны Указам Прэзідыума Вярхоўнага Савета СССР ад 1 жніўня 1939 года.

Уручаўся асобам, удастоеным звання «Герой Савецкага Саюза», з 1965 года — гарадам-героям і крэпасцям-героям. Уяўляе сабой 5-канцовую зорку з гладкімі двухграннымі прамянямі на правым баку. Выкананая з золата 950-й пробы. Уручалася з ордэнам Леніна.

Эскіз медаля распрацаваў галоўны мастак Дзяржзнака Іван Дубасаў.

Апісанне медаля

Файл:Golden Star medal 473.jpg

Медаль «Залатая Зорка»

Апісанне медаля зацверджана Указам Прзідыума Вярхоўнага Савета СССР ад 16 кастрычніка 1939 года. Указам Прэзідыума Вярхоўнага Савета СССР ад 19 чэрвеня 1943 года ў рэдакцыю Указа ад 16 кастрычніка 1939 года ўнесеныя змены. Ва Указе сказана:

Медаль «Залатая Зорка» з’яўляецца знакам адрознення асоб, якія ўдастоеныя найвышэйшай ступені адзнакі СССР — звания «Героя Савецкага Саюза». Медаль «Залатая Зорка» вырабляецца з золата і ўяўляе з сабой пяціканцовую зорку з гладкімі двухграннымі прамянямі на правым баку. Даўжыня промня зоркі — 15 мм. Адваротны бок медаля мае гладкую паверхню і абмежаваны па контуры тонкім абадком, які выступае. На адваротным баку ў цэнтры медаля размешчаны надпіс выпуклымі літарамі: «Герой СССР». Памер літар 4×2 мм, в верхнім промні — нумар медаля, вышынёй у 1 мм.

Медаль выкананы з золата 950 пробы ў выглядзе пяціканцовай зоркі. Адлегласць ад цэнтра зоркі да вяршыні промня — 15 мм. Адлегласць паміж процілеглымі канцамі зоркі — 30 мм. Калодачка медаля выкананая з срэбра. На 18 верасня 1975 года залатога утрымання ў медале 20,521±0,903 г, срэбранага ўтрымання 12,186±0,927 г. Вага медаля без калодкі: 21,5 г. Агульная вага медаля — 34,264±1,5 г.

Статыстыка ўзнагароджанняў

• Да чэрвеня 1941 года, пачатку Вялікай Айчыннай вайны, медаля «Залатая Зорка» было ўдастоена 626 чалавек. За час вайны медалём узнагародзілі 11144 чалавек. За ўсю гісторыю ўзнагароджання медаль атрымалі 12776 чалавек, з іх 22 ўзнагароджаныя за подзвігі, здзейсненыя на Карэйскай вайне 1950—1953 г.г. і 86 — за Афганскую вайну 1979—1989 г.г.
• Двойчы медаля «Залатая Зорка» ўдастоілася 154 человекі, 115 з іх за подзвігі ў час Вялікай Айчыннай вайны. У пасляваенны час двойчы героямі Савецкага Саюза станавіліся ў асноўным касманаўты.
• Тройчы медаля «Залатая Зорка» удастоіліся лётчыкі Іван Кажадуб і Аляксандр Пакрышкін, а таксама маршал Савецкага Саюза Сямён Будзённы.
• Чатыры разы медалём «Залатая Зорка» ўзнагароджваліся маршал Савецкага Саюза Георгій Жукаў і Генеральны сакратар ЦК КПСС Леанід Брэжнеў.
  

Медаль «Залатая Зорка» і Беларусь

• У выніку аперацыі «Баграціён» у час Вялікай Айчыннай вайны больш за 1500 салдат Чырвонай Арміі сталі Героямі Савецкага Саюза з уручэннем медаля «Залатая Зорка».
• У час Вялікай Айчыннай Героямі Савецкага Саюза з уручэннем медаля «Залатая Зорка» сталі 446 ураджэнцаў Беларусі. Чацвёра з іх П. Галавачоў, І. Гусакоўскі, С. Шутаў, І. Якубоўскі сталі імі двойчы.
• За подзвігі, здейсненыя абаронцамі Брэсцкай крэпасці 8 мая 1965 г. указам Прэзідыума Вярхоўнага Савета СССР крэпасці было прысвоена ганаровае званне “Крэпасць-герой”. Крэпасці ўручаны медаль «Залатая Зорка».
• 26 чэрвеня 1974 г. Мінску прысвоена ганаровае званне “Горад-герой”. Мінску ўручаны медаль «Залатая Зорка».

Глядзі таксама

• Герой Беларусі
• Герой Савецкага Саюза

Літаратура

• «Залатая Зорка» // БЭ ў 18 т. Т. 6. Мн., 1998.

Спасылкі

• Медаль «Золотая Звезда» (руск.) : з кнігі С. Шышкова «Награды СССР 1918—1991 гг»
• История и фотографии медали «Золотая Звезда» (руск.)
• Разновидности медали «Золотая Звезда» (руск.)