Медаль «Ветэран Узброеных Сіл СССР»

З пляцоўкі Вікіпедыя
Перайсці да навігацыі Перайсці да пошуку
Медаль «Ветэран Узброеных Сіл СССР»
Медаль «Ветеран Вооружённых Сил СССР»
MilitaryVeteranRibbon.png Апісанне ўзнагароды
Арыгінальная назва Медаль «Ветеран Вооружённых Сил СССР»
Краіна Сцяг СССР СССР
Тып медаль
Дата заснавання 20 мая 1976
Статус не ўручаецца
Статыстыка ўзнагароджанняў
Колькасць каля 800 000
Характарыстыкі
Памеры дыяметр — 32 мм
Чарговасць узнагарод
Старэйшая Медаль «Ветэран працы»
Малодшая Медаль «За ўмацаванне баявой садружнасці»
Commons-logo.svg Выявы на Вікісховішчы

Меда́ль «Ветэра́н Узбро́еных Сіл СССР» — дзяржаўная ўзнагарода СССР. Заснаваны Указам Прэзідыума Вярхоўнага Савета СССР ад 20 мая 1976 года.

Аўтар малюнка медаля — мастак Р. М. Пылыпів.

Статут медаля[правіць | правіць зыходнік]

Медалём «Ветэран Узброеных Сіл СССР» узнагароджваюцца ваеннаслужачыя Савецкай Арміі, Ваенна-Марскога Флота, пагранічных і ўнутраных войскаў, якія бездакорна праслужылі ў Узброеных Сілах СССР 25 і больш каляндарных гадоў.

Медаль «Ветэран Узброеных Сіл СССР» носіцца на левым боку грудзей і размяшчаецца пасля медаля «Ветэран працы».

Медалём «Ветэран Узброеных Сіл СССР» было ажыццёўлена каля 800 000 узнагароджанняў.

Апісанне медаля[правіць | правіць зыходнік]

Медаль «Ветэран Узброеных Сіл СССР» вырабляецца з сплаву тампака, пасярэбраная, мае форму правільнага круга дыяметрам 32 мм.

На адным боку медаля ў верхняй частцы змешчана пяціканцовая рубінава-чырвоная эмалевая зорка, накладзеная на рэльефную выяву сярпа і молата. Пад выявай сярпа і молата размешчаны выпуклы надпіс «СССР» і рэльефная выява лаўровай галіны. У ніжняй частцы медаля па акружнасці на малюнку стужкі размешчаны надпіс «ВЕТЕРАН ВООРУЖЕННЫХ СИЛ». Аверс медаля аксідзіраваны, абрамлены борцікам.

Рэверс медаля матавы.

Медаль пры дапамозе вушка і кольца злучаецца з пяцівугольнай калодкай, пакрытай шаўковай шэрай муаравай стужкай шырынёй 24 мм з чатырма аранжавымі і трыма чаргуючыміся чорнымі палоскамі ўздоўж правага края стужкі і двума чырвонымі палоскамі ўздоўж яе левага края. Шырыня аранжавых і чорных палосак 1 мм, чырвоных — 3 мм і 1 мм.

Народны фальклор[правіць | правіць зыходнік]

У вайсковым асяроддзі СССР дадзены медаль называлі «чорным» або «магільным», так як яго атрыманне пасля трох медалёў «За бездакорную службу» («пясочных медалёў») азначала заканчэнне ваеннай службы і выхад у запас.

Літаратура[правіць | правіць зыходнік]

  • Володин А. Н., Мерлай Н. М. Медали СССР. — СПб.: Печатный двор, 1997. — С. 214—215. — ISBN 5-7062-0111-0.
  • Колесников Г. А., Рожков А. М. Ордена и медали СССР. — Мн.: Народная асвета, 1986. — С. 63.

Спасылкі[правіць | правіць зыходнік]

Гл. таксама[правіць | правіць зыходнік]