Медаль «За ўмацаванне баявой садружнасці»

З пляцоўкі Вікіпедыя
Jump to navigation Jump to search
Медаль «За ўмацаванне баявой садружнасці»
CombatCooperationRibbon.jpg Soviet Medal For Strengthening Military Cooperation.jpg
Арыгінальная назва Медаль «За укрепление боевого содружества»
Краіна Flag of the Soviet Union.svg СССР
Тып медаль
Статус не ўручаецца
Статыстыка
Параметры дыяметр — 32 мм
Дата заснавання 25 мая 1979
Колькасць узнагароджанняў каля 20 000
Чарговасць
Старэйшая ўзнагарода Медаль «Ветэран Узброеных Сіл СССР»
Малодшая ўзнагарода Медаль «За аднаўленне прадпрыемстваў чорнай металургіі поўдня»
Commons-logo.svg Медаль «За ўмацаванне баявой садружнасці» на Вікісховішчы

Меда́ль «За ўмацава́нне баяво́й садру́жнасці» — дзяржаўная ўзнагарода СССР, заснаваная Указам Прэзідыума Вярхоўнага Савета СССР ад 25 мая 1979 года.

Статут медаля[правіць | правіць зыходнік]

Медалём «За ўмацаванне баявой садружнасці» узнагароджваліся ваеннаслужачыя, работнікі органаў дзяржаўнай бяспекі, унутраных спраў і іншыя грамадзяне дзяржаў-удзельніц Варшаўскага дагавора, а таксама іншых сацыялістычных і іншых дружалюбных дзяржаў за заслугі ва ўмацаванні баявой садружнасці і ваеннага супрацоўніцтва.

Узнагароджанне медалём «За ўмацаванне баявой садружнасці» ажыццяўлялася ад імя Прэзідыума Вярхоўнага Савета СССР Міністрам абароны СССР, Міністрам унутраных спраў СССР, Старшынёй Камітэта дзяржаўнай бяспекі СССР.

Паўторнае ўзнагароджанне медалём не ажыццяўлялася. Разам з медалём узнагароджанаму уручалася пасведчанне да медаля ўсталяванай формы.

Медаль «За ўмацаванне баявой садружнасці» носіцца на левым баку грудзей і пры наяўнасці іншых медалёў СССР размяшчаецца пасля медаля «Ветэран Узброеных Сіл СССР».

Апісанне медаля[правіць | правіць зыходнік]

Медаль «За ўмацаванне баявой садружнасці» выраблена з тампака, залацістага колеру, мае форму правільнага круга дыяметрам 32 мм. На адным баку медаля размешчана пяціканцовая зорка, канцы якой пакрытыя чырвонай эмаллю. У цэнтральнай частцы зоркі размешчаны шчыт з надпісамі на ім: «ЗА УКРЕПЛЕНИЕ БОЕВОГО СОДРУЖЕСТВА» і «СССР». Злева і справа ад зоркі па акружнасці намаляваныя лаўровыя галіны, у ніжняй частцы медаля — два перакрыжаваных мяча. Рэверс медаля матавы. Аверс медаля абрамлены борцікам. Усе малюнкі і надпісы на медалі выпуклыя.

Медаль пры дапамозе вушка і кольца злучаецца з пяцівугольнай калодачкай, пакрытай шаўковай муаравай стужкай шырынёй 24 мм. У расфарбоўцы стужкі спалучаюцца колеру сцягоў дзяржаў — удзельніц Варшаўскага дагавора. Падоўжныя каляровыя паласы на стужцы чаргуюцца злева направа ў наступным парадку: зялёная, белая, чырвоная, жоўтая, чорная, жоўтая, чырвоная, белая, сіняя. Шырыня палос: зялёнай і сіняй — 4 мм, белых, жоўтых і чорнай — 1 мм, чырвоных — 5,5 мм.

Постсавецкая гісторыя медаля[правіць | правіць зыходнік]

27 сакавіка 1995 года быў заснаваны медаль Міністэрства абароны Расійскай Федэрацыі «За ўмацаванне баявой садружнасці», з іншым малюнкам[1].

У краінах былога СССР створаны аналагічныя медалі:

  • Медаль «За ўмацаванне вайсковага садружнасці» (Малдова)
  • Медаль «За ўмацаванне баявой садружнасці» (Казахстан)
  • Медаль «За ўмацаванне ваеннага супрацоўніцтва» (Кыргызстан)

Зноскі

Літаратура[правіць | правіць зыходнік]

  • Володин А. Н., Мерлай Н. М. Медали СССР. — СПб.: Печатный двор, 1997. — С. 234—235. — ISBN 5-7062-0111-0.
  • Колесников Г. А., Рожков А. М. Ордена и медали СССР. — Мн.: Народная асвета, 1986. — С. 64.
  • Ахманаев П. В. История медали За укрепление боевого содружества // Петербургский коллекционер : журнал. — СПб., 2011. — Вып. 68. — № 6. — С. 62—65.

Спасылкі[правіць | правіць зыходнік]

Гл. таксама[правіць | правіць зыходнік]