Барыс Міхайлавіч Шапашнікаў

Барыс Міхайлавіч Шапашнікаў (2 кастрычніка (20 верасня) 1882, Златавуст — 26 сакавіка 1945, Масква) — Маршал Савецкага Саюза, выбітны савецкі ваенны і дзяржаўны дзеяч, вайсковец тэарэтык.

Б. М. Шапашнікаў ўнёс значны ўклад у тэорыю і практыку будаўніцтва Узброеных сіл СССР, у іх ўмацаванне і ўдасканаленне, падрыхтоўку ваенных кадраў. Ён шмат і паспяхова працаваў над развіццём ваеннай навукі, над абагульненнем баявога вопыту Першай сусветнай і Грамадзянскай войн. Удзельнічаў у камісіі па распрацоўцы статутаў, адлюстроўваючы ў іх асноўныя палажэнні ваеннай дактрыны СССР. У найбольш вядомай працы «Мозг войска» вызначыў асноўныя палажэнні аб характары будучай вайны, глыбока раскрыў асаблівасці кіраўніцтва арміяй у вайне і даў дакладнае ўяўленне аб ролі, функцыях і структуры Генеральнага штаба як органа Вярхоўнага Галоўнакамандавання па кіраванню Узброенымі сіламі. Правільнасць яго высноў пацвердзіла Вялікая Айчынная вайна. Б. М. Шапашнікаў адзначаецца ў ваеннай гісторыі як выдатны ваенны тэарэтык, таленавіты практык, добра дасведчаны ў аператыўна-стратэгічных пытаннях.

Начальнікі Генштаба Узброеных Сіл СССР і Расіі

Фрунзэ (1924—1925) · Каменеў (1925) · Тухачэўскі (1925—1928) · Шапашнікаў (1928—1931) · Ягораў (1931—1937) · Шапашнікаў (1937—1940) · Мерацкоў (1940—1941) · Жукаў (1941) · Шапашнікаў (1941—1942) · Васілеўскі (1942—1945) · Антонаў (1945—1946) · Васілеўскі (1946—1948) · Штаменка (1948—1952) · Сакалоўскі (1952—1960) · Захараў (1960—1963) · Бірузоў (1963—1964) · Захараў (1964—1971) · Кулікоў (1971—1977) · Агаркаў (1977—1984) · Ахрамееў (1984—1988) · Маісееў (1988—1991) · Лобаў (1991) · Самсонаў (1991—1992)