Белавія

З пляцоўкі Вікіпедыя
Jump to navigation Jump to search
NewLogoBelavia 1.jpg
Belavia
ІАТА
B2
ІКАА
BRU
Пазыўны
Belarus Avia
Дата заснавання 5 сакавіка 1996
Бонусная праграма Belavia Leader
Хабы Нацыянальны аэрапорт Мінск
Памер флота 31 + 10 заказаны
Кірункі 56
Уладальнік дзяржава
Штаб-кватэра Мінск, Беларусь
Кіраўніцтва Гусараў Анатоль Мікалаевіч (генеральны дырэктар)
Сайт: http://www.belavia.by

«Белавія» (англ.: Belavia Belarusian Airlines) — нацыянальная авіякампанія Беларусі. Усе 100% акцый прыналежаць дзяржаве.

«Белавія» мае 50 прадстаўніцтваў па-за межамі краіны,[1] з’яўляецца сябрам Міжнароднай асацыяцыі паветранага транспарту (IATA) і Еўрапейскай асацыяцыі рэгіянальных авіякампаній (ERAA).

29 студзеня 2014 года РУП «Нацыянальная авіякампанія „Белавія“» было рэарганізавана ў ААТ «Авіякампанія „Белавія“», у выніку чаго з назвы было выкраслена слова «Нацыянальная». Паводле прэс-службы «Белавіі» будзе праведзена праца па вяртанні авіякампаніі статуса нацыянальнага авіяперавозніка.[2]

Гісторыя[правіць | правіць зыходнік]

Ту-134А пад бел-чырвона-белым сцягам (Франкфурт-на-Майне, 1994 год)

Беларуская грамадзянская авіяцыя бярэ свой пачатак з 7 лістапада 1933 года, калі адбылося адкрыццё Мінскага аэравакзала, у якім вясной 1934 года прыназемліліся тры першыя самалёты По-2. У 1936 годзе быў адкрыты першы паштова-пасажырскі рэйс паміж Мінскам і Масквой.

У 1961—1983 гадах адбываецца папаўненне паветранага флоту Беларускага ўпраўлення грамадзянскай авіяцыі: быў набыты турбавінтавы самалёт Ан-10, рэактыўны пасажырскі самалёт Ту-124, пачалася эксплуатацыя самалёта Ту-134А. У 1983 годзе ва ўласнасць Мінскай авіяцыйнай тэхнічнай базы перайшоў першы самалёт Ту-154.

Пасля распаду СССР і набыцця незалежнасці Рэспублікай Беларусь у 1991 годзе было створана Беларускае аб’яднанне грамадзянскай авіяцыі «Белавія», якое атрымала ў спадчыну парк паветраных суднаў што належалі Беларускаму ўпраўленню грамадзянскай авіяцыі. У структуру аб’яднання ўваходзілі ўсе прадпрыемствы грамадзянскай авіяцыі Рэспублікі Беларусь.

5 сакавіка 1996 года была праведзена рэарганізацыя Беларускага аб’яднання грамадзянскай авіяцыі «Белавія», у выніку якой была створана Нацыянальная авіякампанія «Белавія». Флот новай авіякампаніі складаўся з самалётаў Ту-154 і Ту-134А.

У 1998 годзе адбылося аб’яднанне авіякампаній «Белавія» і «Мінскавія», у выніку якога на баланс «Белавіі» паступілі самалёты Ан-24, Ан-26 і Як-40.

У 2000 годзе адбылося аб’яднанне «Белавія» і «Магілёўавія».

У 2002 годзе была падпісана першая код-шэрынгавая ўгода з Austrian Airlines. Першы заходні самалёт у «Белавіі» з’явіўся ў 2003 годзе — у аператыўны лізінг быў узяты Boeing 737-500 (бартавы нумар EW-250PA).

29 студзеня 2014 года РУП «Нацыянальная авіякампанія „Белавія“» было рэарганізавана ў ААТ «Авіякампанія „Белавія“».

24 снежня 2019 года «Белавія» сустрэла 4-мільённага пасажыра.[3]

Паказчыкі дзейнасці[правіць | правіць зыходнік]

Цэнтральны офіс авіякампаніі «Белавія» (Мінск, Беларусь)

Структура рэалізацыі паслуг[правіць | правіць зыходнік]

Удзельная вага паслуг, якія робіць «Белавія»:

  • авіяперавозка пасажыраў — 65,6 %
  • перавозкі пасажыраў на чартарных рэйсах — 21,6 %
  • запраўка авіяпалівам паветраных суднаў, якія выконваюць лёты ў Нацыянальны аэрапорт — 11,0 %
  • тэхнічнае абслугоўванне паветраных суднаў, якія выконваюць лёты ў Нацыянальны аэрапорт — 0,5 %
  • іншыя паслугі — 1,3 %

Статыстыка[правіць | правіць зыходнік]

2009 2010 2011 2012 2013 2014 2015 2016 2017 2018 2019
ЗАРОБАК млн дол 119 151 300
ПРЫБЫТАК млн дол 2,9 7,9
ЧЫСТЫ ПРЫБЫТАК млн дол 0,7 2,7 12
ПАСАЖЫРЫ тыс 968 1 036 1 284 1 612 2 488 3 008 3 386
САМАЛЁТЫ у канцы года 26 31
КІРУНКІ у канцы года 49 56
крыніцы [4] [5] [6] [7][8] [3]

Сістэма тарыфаў[правіць | правіць зыходнік]

«Белавія» істотна змяніла сваю бізнес-мадэль, перайшоўшы 18 лістапада 2019 года на брэндаваную структуру тарыфаў якая дазваляе пасажырам самастойна выбіраць набор паслуг для пералёту.[9] У рамках новай канцэпцыі авіякампанія павялічыла вагу ручной паклажы з 8 да 10 кг і ўвяла так званую палітыку тарыфных брэндаў, што мае на ўвазе распадзел кошту квіткоў залежна ад набору паслуг на борце.

У новай сістэме тарыфаў даступныя безбагажныя тарыфы. Колькасць месцаў і кошт авіяквіткоў у розных тарыфных брэндах залежаць ад умяшчальнасцi паветранага судна, колькасці пасажыраў на рэйсе і іншых фактараў. Розніца паміж коштам безбагажнага пералёту і мінімальным коштам квітка з багажом па маршруце «туды-назад» складае да 65 еўра залежна ад кірунку.

Усе тарыфы авіякампаніі падзеленыя на пяць груп: Прома, Лайт, Смарт, Флекс, Бізнес.

  • У тарыфных брэндах Прома і Лайт прапаноўваюцца самыя даступныя па кошце авіяквіткі. Абодва брэнда даюць мажлівасць бясплатна перавезці толькі ручную паклажу вагой не больш за 10 кг. Пры неабходнасці куплі багажу кошт правозу аднаго чамадана зніжаны з 50 да 25 еўра для названых брэндаў.
  • У тарыфы групы Смарт ужо ўключаныя бясплатны правоз не толькі аднаго месца ручной паклажы вагой да 10 кг, але і зарэгістраванага багажу вагой да 23 кг. Тарыфы Смарт таксама агадваюць мажлівасць бясплатнага папярэдняга выбару асобных катэгорый месцаў на борце самалёта.
  • Умовы тарыфу Флекс агадваюць, апроч бясплатнага правозу ручной паклажы, бясплатны правоз аднаго месца багажу вагой да 32 кг. Паслуга папярэдняга выбару месца ў салоне, а таксама змены даты вылету і вяртання квітка прадастаўляюцца бясплатна.
  • Бізнес тарыф уключае ў сябе найбольшую колькасць паслуг: бясплатны правоз двух месцаў ручной паклажы вагой не больш за 10 кг кожнае і двух месцаў зарэгістраванага багажу вагой да 32 кг кожнае, бясплатны папярэдні выбар месца на борце і мажлівасць змены і вяртання квітка да і пасля вылету. Акрамя таго, авіякампанія прапануе пасажырам, якія вандруюць па тарыфе Бізнес, прыярытэтнае сяданне, абслугоўванне ў бізнес-зале і асобную стойку рэгістрацыі.
КЛАС АБСЛУГОЎВАННЯ ЭКАНАМІЧНЫ БІЗНЕС
ГРУПА ТАРЫФАЎ ПРОМА ЛАЙТ СМАРТ ФЛЕКС БІЗНЕС
РУЧНАЯ ПАКЛАЖА 1 месца × 10 кг 1 месца × 10 кг 1 месца × 10 кг 1 месца × 10 кг 2 месца × 10 кг
БАГАЖ 1 месца × 23 кг 1 месца × 32 кг 2 месца × 32 кг
НАЛІЧВАННЕ БАЛАЎ BELAVIA LEADER 50% балаў 100% балаў 100% балаў 150% балаў 200% балаў
СПАРТЫЎНЫ РЫШТУНАК платна платна бясплатна бясплатна бясплатна
ВЫБАР МЕСЦА Ў САЛОНЕ платна платна бясплатна бясплатна бясплатна
ЗМЯНЕННЕ КВІТКА ДА ВЫЛЕТУ забаронена 50 € 30 € бясплатна бясплатна
ПАСЛЯ ВЫЛЕТУ забаронена забаронена 30 € бясплатна бясплатна
ЗВАРОТ КВІТКА ДА ВЫЛЕТУ забаронена забаронена 50 € бясплатна бясплатна
ПАСЛЯ ВЫЛЕТУ забаронена забаронена 100 € бясплатна бясплатна
ПРЫЯРЫТЭТНАЕ СЯДАННЕ
БІЗНЕС-ЗАЛА
АСОБНАЯ СТОЙКА РЭГІСТРАЦЫІ
ЗНІЖКА ДЛЯ ДЗЯЦЕЙ (2-12 ГАДОЎ) 25% 25% 25% 25%

Кірункі[правіць | правіць зыходнік]

Рэгулярныя кірункі Belavia

Геаграфія лётаў[правіць | правіць зыходнік]

Геаграфія рэгулярных рэйсаў (усе рэйсы за выняткам чартарных) авіякампаніі «Белавія» налічвае 56 кірункаў у 30 краінах. Усе рэгулярныя рэйсы выконваюцца з Нацыянальнага аэрапорта «Мінск». У летнім раскладзе рэгулярныя рэйсы таксама выконваюцца з гомельскага і брэсцкага аэрапортаў.

Чартарныя рэйсы выконваюцца з Мінска і ўсіх абласных аэрапортаў рэспублікі.

Зімовы расклад 2019/2020 дзейнічае з 27 кастрычніка па 28 сакавіка.[10]

Краіна Горад Аэрапорт Заўвагі Крыніцы
Flag of the United Arab Emirates.svg ААЭ Дубай Аэрапорт Дубай чартарны
Flag of Azerbaijan.svg Азербайджан Баку Гейдара Аліева
Flag of Armenia.svg Арменія Ерэван Звартноц
Аўстрыя Аўстрыя Вена Швехат з 29 сакавіка 2020 [11]
Flag of Bulgaria.svg Балгарыя Бургас Аэрапорт Бургас сезонны чартарны
Варна Аэрапорт Варна сезонны чартарны
Flag of Belarus.svg Беларусь Брэст Аэрапорт Брэст сезонны
Гомель Аэрапорт Гомель сезонны
Мінск Нацыянальны аэрапорт Мінск хаб
Flag of Belgium (civil).svg Бельгія Брусель Шарлеруа
Flag of Hungary.svg Венгрыя Будапешт Ферэнца Ліста
Flag of the United Kingdom.svg Вялікабрытанія Лондан Гэтвік
Манчэстэр Аэрапорт Манчэстэр сезонны
Flag of Germany.svg Германія Берлін Шонефельд
Гановер Лангенгаген
Мюнхен Аэрапорт Мюнхен [12]
Франкфурт-на-Майне Аэрапорт Франкфурт-на-Майне
Flag of Georgia.svg Грузія Батумі Аляксандра Картвелі
Кутаісі Давіда Будаўніка спынены
Тбілісі Шата Руставелі
Flag of Greece.svg Грэцыя Іракліян Аэрапорт Іракліян сезонны чартарны
Патры Аэрапорт Араксас сезонны чартарны
Flag of Egypt.svg Егіпет Хургада Аэрапорт Хургада чартарны
Шарм-эль-Шэйх Аэрапорт Шарм-эль-Шэйх чартарны
Ізраіль Ізраіль Тэль-Авіў Бен-Гурыёна
Flag of Iran.svg Іран Тэгеран Імама Хамейні спынены
Іспанія Іспанія Барселона Эль-Прат
Рэус Аэрапорт Рэус з 4 чэрвеня 2020 [13]
Flag of Italy.svg Італія Мілан Мальпенса
Рым Ф’юмічына
Flag of Kazakhstan.svg Казахстан Актау Аэрапорт Актау з 2 чэрвеня 2020 [14]
Алматы Аэрапорт Алматы
Караганда Сары-Арка сезонны
Нур-Султан Нурсултана Назарбаева
Паўладар Аэрапорт Паўладар сезонны
Flag of Cyprus.svg Кіпр Ларнака Аэрапорт Ларнака
Flag of Latvia.svg Латвія Рыга Аэрапорт Рыга
Flag of Lebanon.svg Ліван Бейрут Рафіка Харыры
Flag of Lithuania.svg Літва Вільнюс Аэрапорт Вільнюс
Паланга Аэрапорт Паланга сезонны
Flag of Moldova.svg Малдова Кішынёў Аэрапорт Кішынёў
Flag of the Netherlands.svg Нідэрланды Амстэрдам Схіпхол
Flag of Poland.svg Польшча Варшава Фрыдэрыка Шапена
Flag of Russia.svg Расія Варонеж Аэрапорт Варонеж
Екацярынбург Кальцова спынены [15]
Казань Аэрапорт Казань
Калінінград Храброва
Краснадар Пашкаўскі
Масква Дамадзедава
Жукоўскі
Шарамецьева [16]
Ніжні Ноўгарад Стрыгіна
Новасібірск Талмачова спынены [15]
Растоў-на-Доне Платаў
Самара Курумач спынены [15]
Санкт-Пецярбург Пулкава
Сочы Аэрапорт Сочы
Flag of Serbia.svg Сербія Бялград Ніколы Тэслы
Flag of Turkmenistan.svg Туркменістан Ашгабат Аэрапорт Ашгабат
Flag of Turkey.svg Турцыя Анталья Аэрапорт Анталья сезонны чартарны
Ізмір Аднана Мендэрэса сезонны чартарны
Стамбул Аэрапорт Стамбул
Flag of Ukraine.svg Украіна Адэса Аэрапорт Адэса
Кіеў Барыспаль
Жуляны
Львоў Аэрапорт Львоў
Харкаў Аэрапорт Харкаў
Flag of Finland.svg Фінляндыя Хельсінкі Вантаа
Flag of France.svg Францыя Ніца Блакітны Бераг сезонны
Парыж Руасі
Flag of Montenegro.svg Чарнагорыя Ціват Аэрапорт Ціват сезонны чартарны
Чэхія Чэхія Прага Вацлава Гавела
Flag of Switzerland.svg Швейцарыя Жэнева Аэрапорт Жэнева
Flag of Sweden.svg Швецыя Стакгольм Арланда
Flag of Estonia.svg Эстонія Талін Ленарта Меры [17]

Пагадненні аб адзіным кодзе[правіць | правіць зыходнік]

«Белавія» мае пагадненні аб адзіным кодзе з наступнымі авіякампаніямі:[18]

Флот[правіць | правіць зыходнік]

Boeing 737-800
Embraer E195

Флот «Белавіі» налічвае 31 самалёт трох вытворцаў: Boeing, Bombardier і Embraer. Сярэдні ўзрост самалётаў складае 12,5 года.[23]

Згодна з праграмай панаўлення флоту на 2019—2020 гады, «Белавія» мае набыць у лізінг 7 новых самалётаў Boeing 737 MAX 8 і 5 новых самалётаў Embraer E-Jet у лізінгавай кампаніі Nordic Aviation Capital. Прыбыццё апошняга з 5 самалётаў Embraer запланаванае на красавік 2020 года.[23] З прычыны прыпынення палётаў Boeing 737 MAX, набыццё гэтага самалёта адтэрмінаванае да 2020 года.

Пасля 2020 года плануецца набыццё ў лізінг самалётаў Embraer сямейства E-Jet E2.[24]

Флот Belavia
Самалёт Колькасць Заказана Пасажыры Заўвагі
C Y Разам
Boeing 737-300 5 148 148 EW-254PA у ліўрэі World of Tanks
Boeing 737-500 6 8 112 120
Boeing 737-800 7 2 189 189
Boeing 737 MAX 8 7
Bombardier CRJ200 2 50 50
Embraer E175 4 1 12 64 76
Embraer E195 7 11 96 107 EW-400PO у ліўрэі World of Tanks
31 10

Сервіс[правіць | правіць зыходнік]

«Белавія» супольна з Нацыянальным аэрапортам «Мінск» прапануе паслугу Drop-off — сервіс самастойнай здачы пасажырам свайго багажу.[25] Паслуга даступная толькі пад простыя пералёты (недаступная пасажырам якія вандруюць транзітам). Сервіс Drop-off дазваляе пасажырам максімальна скараціць час рэгістрацыі на рэйс (рэгістрацыя на рэйс пачынаецца за дзве гадзіны да вылету), вызваляе ад неабходнасці прастойваць у чэргах і робіць знаходжанне ў аэрапорце больш выгодным.

Інцыдэнты[правіць | правіць зыходнік]

Зноскі[правіць | правіць зыходнік]

  1. Кантакты (бел.) . Belavia. Праверана 13 сакавіка 2018.
  2. Процесс акционирования "Белавиа" завершен (руск.) . Дайджест. АвиаПорт (30 студзеня 2014). Праверана 13 сакавіка 2018.
  3. 3,0 3,1 "Белавиа" чествовала 4-миллионного пассажира за год (руск.) . БелТА (24 снежня 2019). Праверана 24 снежня 2019.
  4. Нацыянальная авіякампанія “Белавія” падвяла вынікі дзейнасці за 2012 г. (бел.) . Навіны. Belavia (1 студзеня 2013). Праверана 4 сакавіка 2018.
  5. «Белавиа» подвела итоги деятельности за 2013 год (руск.) . Навіны. Belavia (4 студзеня 2014). Праверана 4 сакавіка 2018.
  6. Авіякампанія «Белавія» падвяла вынікі працы за 2016 год (бел.) . Belavia (8 лютага 2017). Праверана 15 снежня 2019.
  7. «Белавиа» впервые перевезла трехмиллионного пассажира с начала года (руск.) . Навіны. Belavia (30 снежня 2017). Праверана 16 студзеня 2018.
  8. "Мы не планируем создавать свой лоукост". "Белавиа" в 2017 году заработала 12 миллионов долларов (руск.) . Общество. Tut.by (14 лютага 2018). Праверана 4 сакавіка 2018.
  9. Белавія павялічвае памер ручной паклажы i уводзіць брэндаваную сiстэму тарыфаў (бел.) . Навіны. Belavia (18 лістапада 2019). Праверана 7 снежня 2019.
  10. Белавія пераходзіць на зімовы расклад (бел.) . Belavia (25 кастрычніка 2019). Праверана 10 лістапада 2019.
  11. Адкрыццё рэйса ў Вену (бел.) . Belavia (4 студзеня 2020). Праверана 8 студзеня 2020.
  12. Белавія выканала першы палёт у Мюнхен (бел.) . Belavia (15 ліпеня 2019). Праверана 13 снежня 2019.
  13. Адкрыццё рэйса ў Реус (бел.) . Belavia (9 студзеня 2020). Праверана 10 студзеня 2019.
  14. Адкрыццё рэйса ў Актау (бел.) . Belavia (8 студзеня 2020). Праверана 10 студзеня 2019.
  15. 15,0 15,1 15,2 "Белавиа" ответила на претензии "Победы" и объяснила, по каким тарифам летает в российском небе (руск.) . Общество. Tut.by (14 лютага 2018). Праверана 19 кастрычніка 2018.
  16. "Белавія" адкрыла рэйсы з Шарамеццева (бел.) . Belavia (22 красавіка 2019). Праверана 13 снежня 2019.
  17. Cёння Белавія паляцела ў Талін (бел.) . Belavia (30 траўня 2019). Праверана 13 снежня 2019.
  18. Авіякампаніі-партнёры (бел.) . Belavia. Праверана 14 студзеня 2018.
  19. Белавіа і AZAL падпісалі пагадненне аб сумеснай эксплуатацыі авіялініі (бел.) . Навіны. Belavia (19 кастрычніка 2018). Праверана 28 кастрычніка 2018.
  20. Авиакомпании "Белавиа" и Etihad Airways подписали код-шеринговое соглашение (руск.) . Грамадства. БелТА (31 траўня 2013). Праверана 4 лістапада 2018.
  21. Belavia і Turkish Airlines падпісалі пагадненне аб сумеснай эксплуатацыі авіялініі Мінск-Стамбул (бел.) . Навіны. Belavia (2 траўня 2018). Праверана 10 траўня 2018.
  22. Белавиа и Уральские Авиалинии подписали соглашение о совместной эксплуатации авиалиний (руск.) . Навіны. Belavia (30 ліпеня 2018). Праверана 3 жніўня 2018.
  23. 23,0 23,1 Новый Embraer-195 пополнил флот Белавиа (руск.) . Belavia (14 снежня 2019). Праверана 20 снежня 2019.
  24. Флот "Белавиа" в ближайшие два года пополнят пять Embraer и шесть Boeing (руск.) . Эканоміка. БелТА (31 кастрычніка 2018). Праверана 7 лістапада 2018.
  25. Нацыянальны аэрапорт Мінск сумесна з авіякампаніяй “Белавія” запускае новы сэрвіс Drop-off (бел.) . Belavia (16 верасня 2019). Праверана 22 снежня 2019.

Спасылкі[правіць | правіць зыходнік]