Бамако

Горад Бамако фр.: Bamako Герб Краіна Малі Каардынаты 12°39′ пн. ш. 8°00′ з. д. Плошча 245.0 км² Вышыня цэнтра 350 ± 1 м Водныя аб’екты Нігер Насельніцтва ▲4 227 569 чал. (2023) Часавы пояс UTC+0 Бамако на карце Малі

Медыяфайлы на Вікісховішчы

Бамако́ (фр.: Bamako) — сталіца і самы вялікі горад Малі. Знаходзіцца ў паўднёва-заходняй частцы краіны, на рацэ Нігер, недалёка ад мяжы з Гвінеяй. Колькасць насельніцтва складае 1690 тыс. чалавек.

Гісторыя

У часы імперыі Малі, да ХІХ стагоддзя, Бамако быў цэнтрам вывучэння ісламу. З 1883 года горад быў акупаваны каланіяльнымі французскімі войскамі, у той час і распачалася разбудова горада. У 1908 годзе Бамако стаў сталіцай французскай калоніі Французскага Судана. У 1960 годзе горад стаў сталіцай незалежнага Малі. У пачатку ХХ стагоддзя Бамако быў невялікім паселішчам, у якім жылі ў асноўным прадстаўнікі народу малінке і бамбара, але разам з будовай плаціны ў Сатобе і завадненнем навакольных зямель водамі Нігеру пачаўся выбуховы рост гораду. Дадатковай прычынай развіцця горада была пабудова чыгункі да сталіцы Сенегала Дакару, які з’яўляецца вялікім марскім портам. У нашы дні Бамако гэта сучасная метраполія. Акрамя чыгункі ёсць міжнародны аэрапорт, які злучае горад з многімі гарадамі Афрыкі і Еўропы.

Гарады-пабрацімы

•  Анжэ, Францыя (1974)
•  Ашгабат, Туркменістан
•  Бабо-Дыўласо^[d], Буркіна-Фасо
•  Банджул, Гамбія
•  Бардо, Францыя (1999)
•  Дакар, Сенегал
•  Лейпцыг, Германія
•  Мабёж, Францыя
•  Нуакшот, Маўрытанія
•  Рочэстэр, ЗША (1975)
•  Сан-Паўлу, Бразілія (2000)