Заводскі раён, Мінск

З пляцоўкі Вікіпедыя.
Перайсці да: рух, знайсці
Герб Заводскага раёна
Універмаг «Беларусь»
Партызанскі праспект
Вуліца Алеся Бачылы

Заводскі раён, адміністрацыйны раён Мінска. Размешчаны ў паўднёва-ўсходняй частцы горада. Адзін з буйнейшых раёнаў беларускай сталіцы. Плошча: 36 км2. Насельніцтва: 238,798 тысяч жыхароў. Галоўная транспартная артэрыя — Партызанскі праспект.

Гісторыя[правіць | правіць зыходнік]

У 1930-я на паўднёва-ўсходняй ускраіне горада, вядомай як Архіерэйскім гаем, потым Чырвоным урочышчам, пачынаюць будавацца прамысловыя прадпрыемствы. У 1938 у Мінску ствараюцца тры першыя раёны, гэтая тэрыторыя ўваходзіць у склад Сталінскага раёна.

У 1944 Дзяржаўны камітэт абароны прыняў пастанову аб арганізацыі ў вызваленым Мінску аўтазборачнага завода. У 1948 пачынаецца будаўніцтва Дзяржаўнага падшыпнікавага завода, у 1951 — першая прадукцыя.

2 лістапада 1961 Указам Прэзідыума Вярхоўнага Савета БССР Сталінскі раён Мінска перайменаваны ў Заводскі.

У 1966 створана Мінскае вытворчае аб'яднанне па выпуску цацак «Мір», у 1968 пабудаваны малочны камбінат, у 1974 — мясаперапрацоўчы завод. Узведзены гасцініца «Турыст» (1973), Палац культуры і тэхнікі Мінскага аўтазавода (1975), буйнейшы ў горадзе ўнівермаг «Беларусь» (1978). У гэтыя ж гады пабудавана ЦЭЦ-3 і многія іншыя прадпрыемствы.

У 1978 частка тэрыторыі раёна перадаецца ўтворанаму Партызанскаму раёну.

У 1980-я — 1990-я актыўна забудоўваецца раён Шабаны, спецыялізацыя яго прадпрыемстваў — будаўнічая. У 1997 у Заводскім раёне ўведзены ў дзеянне дзве станцыі метрапалітэна — «Партызанская» и «Аўтазаводская».

У лістападзе 1997 гарадскі пасёлак Сосны ўключаны ў склад Заводскага раёна.

Эканоміка[правіць | правіць зыходнік]

Самы індустрыяльна развіты раён Мінска. У раёне знаходзіцца 33 прамысловых прадпрыемстваў, асноўная галіна — машынабудаванне і металаапрацоўка: 19 прадпрыемстваў, сярод іх такія гіганты як Мінскі аўтамабільны завод, Мінскі завод колавых цягачоў, Мінскі падшыпнікавы завод. У прамысловасці, будаўніцтве, гандлі і бытавым абслугоўванні занята звыш 75 тысяч чалавек, у тым ліку ў галінах матэрыяльнай вытворчасці 40 тысяч чалавек.

Сярэднемесячны аб'ём вытворчасці складае 20% прамысловай вытворчасці горада. Пастаўкі прадукцыі на экспарт складаюць 30% экспарту горада.

Некаторыя вуліцы[правіць | правіць зыходнік]