Заводскі раён, Мінск

З пляцоўкі Вікіпедыя
Перайсці да: рух, знайсці
Заводскі раён
Герб
Mn zav.gif
Краіна

Беларусь

Статус

Унутрыгарадскі раён

Уваходзіць у

Мінск

Уключае

былы п. Сосны Мінскага раёна

Глава адміністрацыі

Алег Міхайлавіч Жогла

Насельніцтва (2009)

238 798

Плошча

каля 36 км²

Заводскі раён на карце

Афіцыйны сайт
Каардынаты: 53°57′03.76″ пн. ш. 27°30′36.68″ у. д. / 53.951046° пн. ш. 27.51019° у. д. (G) (O) (Я)
Універмаг «Беларусь»
Партызанскі праспект
Вуліца Алеся Бачылы

Заводскі раён — адміністрацыйны раён Мінска.

Геаграфія[правіць | правіць зыходнік]

Размешчаны ў паўднёва-ўсходняй частцы горада. Адзін з буйнейшых раёнаў беларускай сталіцы. Плошча: 36 км². Галоўная транспартная артэрыя — Партызанскі праспект.

Гісторыя[правіць | правіць зыходнік]

У 1930-я на паўднёва-ўсходняй ускраіне горада, вядомай як Архіерэйскі гай, потым Чырвонае ўрочышча, пачынаюць будавацца прамысловыя прадпрыемствы. У 1938 у Мінску ствараюцца тры першыя раёны, гэтая тэрыторыя ўваходзіць у склад Сталінскага раёна.

У 1944 Дзяржаўны камітэт абароны прыняў пастанову аб арганізацыі ў вызваленым Мінску аўтазборачнага завода. У 1948 пачынаецца будаўніцтва Дзяржаўнага падшыпнікавага завода, у 1951 — першая прадукцыя.

2 лістапада 1961 Указам Прэзідыума Вярхоўнага Савета БССР Сталінскі раён Мінска перайменаваны ў Заводскі.

У 1966 створана Мінскае вытворчае аб'яднанне па выпуску цацак «Мір», у 1968 пабудаваны малочны камбінат, у 1974 — мясаперапрацоўчы завод. Узведзены гасцініца «Турыст» (1973), Палац культуры і тэхнікі Мінскага аўтазавода (1975), буйнейшы ў горадзе ўнівермаг «Беларусь» (1978). У гэтыя ж гады пабудавана ЦЭЦ-3 і многія іншыя прадпрыемствы.

У 1978 частка тэрыторыі раёна перадаецца ўтворанаму Партызанскаму раёну.

У 1980-я — 1990-я актыўна забудоўваецца раён Шабаны, спецыялізацыя яго прадпрыемстваў — будаўнічая. У 1997 у Заводскім раёне ўведзены ў дзеянне дзве станцыі метрапалітэна — «Партызанская» і «Аўтазаводская», у 2001 — «Магілёўская».

У лістападзе 1997 гарадскі пасёлак Сосны ўключаны ў склад Заводскага раёна разам з АІЭЯД «Сосны».

Насельніцтва[правіць | правіць зыходнік]

У 1983 годзе насельніцтва раёна складала 218 тысяч чалавек[1], да 2009 года вырасла да 238,8 тысяч[2]. Па перапісу 2009 года, 84,73 % насельніцтва складалі беларусы (самы высокі працэнт сярод усіх раёнаў Мінска), 7,81 % — рускія, 1,2 % — украінцы, 0,67 % — палякі, 0,15 % — яўрэі, 0,12 % — азербайджанцы, 0,11 % — цыганы, меньш 0,1 % — армяне, татары, літоўцы і іншыя[3][4]. 46 % ад агульнага ліку цыганоў у Мінску пражываюць у Заводскім раёне[3].

Жылыя раёны[правіць | правіць зыходнік]

У склад раёна ўваходзяць[5]:

Эканоміка[правіць | правіць зыходнік]

Самы індустрыяльна развіты раён Мінска. У прамысловасці, будаўніцтве, гандлі і бытавым абслугоўванні занята звыш 75 тысяч чалавек, у тым ліку ў галінах матэрыяльнай вытворчасці 40 тысяч чалавек.

Сярэднемесячны аб'ём вытворчасці складае 20 % прамысловай вытворчасці горада. Пастаўкі прадукцыі на экспарт складаюць 30 % экспарту горада.

На тэрыторыі раёна таксама размешчана свабодная эканамічная зона(руск.) бел. «Мінск», якая ўключае каля 100 прадпрыемстваў.

Прадпрыемствы[правіць | правіць зыходнік]

У раёне знаходзіцца 33 прамысловых прадпрыемстваў, асноўная галіна — машынабудаванне і металаапрацоўка: 19 прадпрыемстваў, сярод іх такія гіганты як Мінскі аўтамабільны завод, Мінскі завод колавых цягачоў, Мінскі падшыпнікавы завод.

Сярод іншых:

  • «Мінскжалезабетон»
  • «Мінскдрэў»
  • ПА па выпуску цацак «Мір»
  • «Беллічтэхніка»
  • ЦЭЦ-3
  • Малочны камбінат
  • Люстраная фабрыка
  • 22 будаўніча-мантажныя арганізацыі («Мінскпрамбуд» і інш.)

Маецца 7 навукова-даследчых і праектна-канструктарскіх арганізацый.

Значныя падзеі[правіць | правіць зыходнік]

У 2014 годзе на «Чыжоўка-арэне» праходзілі матчы чэмпіянату свету па хакеі з шайбай 2014.

Транспартная сістэма[правіць | правіць зыходнік]

Асноўныя магістралі — Партызанскі праспект, вуліцы Пляханава, Ангарская, Кабушкіна, Ташкенцкая.

7 лістапада 1997 года былі адкрыты станцыі 2-й лініі Мінскага метрапалітэна «Партызанская» і «Аўтазаводская», а ў 2001 годзе была адкрыта станцыя «Магілёўская». Тут жа знаходзіцца электрадэпо ТЧ-2 «Магілёўскае». У планах развіцця Мінскага метрапалітэна — станцыя чацвёртай лініі ў мікрараёне Чыжоўка (рабочая назва — «Ташкенцкая»)[6], а также продление Автозаводской (второй) линии на одну[7][8] или две[9] станцыі.

Таксама раён звязаны з іншымі раёнамі горада з дапамогай аўтобусных, тралейбусных і трамвайных сетак. Тралейбуснае паведамленне існуе з 1958 года, калі ад ж/д вакзалу да ДС Аўтазавод быў запушчаны тралейбусны маршрут № 3 (дзейнічае да гэтага часу па падоўжаны маршруце). З 1953 па 1990 гады існавала трамвайная лінія ўздоўж Партызанскага праспекта (па паўночна-ўсходнім баку) ад скрыжавання з вуліцай Пляханава да перасячэння з вуліцай Радыяльнай; разабраная з-за будаўніцтва метро. Першапачатковы варыянт генеральнага плана развіцця Мінска да 2030 года меркаваў будаўніцтва трамвайнай сеткі па вуліцах Малініна, Ташкенцкай, Кабушкіна, Радыяльнай, Несцерава з будаўніцтвам чатырох дыспетчарскіх станцый — ЦЭЦ-3 (часовай), «Ангарская», «Чыжоўка» (на вул. Галадзеда) і ў праектаваным мікрараёне «Новы двор»[8].

Некаторыя вуліцы[правіць | правіць зыходнік]

Адукацыя і культура[правіць | правіць зыходнік]

На тэрыторыі раёна размешчаны:

У раёне працуе 35 агульнаадукацыйных школ, уключаючы тры гімназіі.

Ахова здароўя[правіць | правіць зыходнік]

  • 4-я гарадская дзіцячая клінічная бальніца[10]
  • 5 гарадская клінічная бальніца (у склад уваходзіць радзільны дом)[11]
  • 10-я дзіцячая гарадская клінічная паліклініка[12]
  • 4-я гарадская клінічная стаматалагічная паліклініка[13]
  • 17-я гарадская паліклініка[14]
  • 21-я цэнтральная раённая паліклініка[15]
  • 22-я гарадская паліклініка[16]
  • 22-я гарадская дзіцячая паліклініка[17]
  • 23-я гарадская дзіцячая паліклініка[18]
  • 36-я гарадская паліклініка[19]

Славутасці[правіць | правіць зыходнік]

На тэрыторыі раёна:

Зноскі

  1. Заводской район // Минск: Энциклопедический справочник / Ред. кол.: И. П. Шамякин, И. И. Антонович, Г. Г. Бартошевич и др. — Изд. 2-е, доп. и перераб. — Мн.: БелСЭ им. П. Бровки, 1983. — С. 171.
  2. Перепись населения 2009. Население Республики Беларусь: его численность и состав. Том 2. — С. 171.
  3. 3,0 3,1 Перепись населения 2009. Национальный состав Республики Беларусь. Том 3. — С. 130—131.
  4. Некаторыя людзі не сталі адказваць на пытанне аб сваёй нацыянальнай прыналежнасці.
  5. Что построят в Заводском районе Минска//Журнал «Про недвижимость» № 17 от 14 июня 2010 г (руск.) 
  6. Четвертая линия метро пройдет от Чижовка-Арены до Минск-Арены
  7. В минском метрополитене появилась схема с тремя линиями
  8. 8,0 8,1 Глава 10. Стратегия развития транспортной инфраструктуры (схема развития рельсового транспорта)
  9. В Национальный аэропорт Минск проложат новую автодорогу и «железку»
  10. 4gkb.by
  11. 5gkb.by
  12. Учреждение здравоохранения "10-я городская детская поликлиника"
  13. Стоматологический портал г. Минска
  14. УЗ 17-я городская клиническая поликлиника
  15. 21-я ЦРП г. Минска
  16. 22-я городская поликлиника г. Минска
  17. 22-я городская детская поликлиника
  18. 23-я городская детская поликлиника
  19. 36-я городская поликлиника г. Минска
  20. Праведники народов мира (руск.) 

Спасылкі[правіць | правіць зыходнік]