Кармянка

Кармянка
Характарыстыка
Даўжыня	14 км
Басейн	53 км²
Вадацёк
Выток
• Месцазнаходжанне	каля вёскі Лебядзёўка
• Каардынаты	53°10′06″ пн. ш. 30°44′28″ у. д.
Вусце	Сож
• Месцазнаходжанне	каля вёскі Гарадок
• Каардынаты	53°07′20″ пн. ш. 30°52′04,50″ у. д.
Ухіл ракі	2,4 м/км
Размяшчэнне
Водная сістэма	Сож → Дняпро → Чорнае мора
Краіна	Беларусь
Рэгіён	Гомельская вобласць
Раён	Кармянскі раён
выток вусце
— выток, — вусце

Кармя́нка — рака ў Кармянскім раёне Гомельскай вобласці Беларусі, правы прыток ракі Сож (басейн Дняпра).

Назва

Назва ракі Кармянка (адпачатны варыянт — Карма, які захаваўся ў тапоніме Карма) мае балцкае паходжанне.

Літоўскія гідранімічныя аналагі — рачныя назвы Karmė, Kermėžys. Таксама на Павоччы рака з балцкай назвай Кармянка (< Карма). Гэтыя гідронімы звязаныя з літ. kermėti «нарастаць; абрастаць», už-kermėti «зарастаць».

Далей да індаеўрапейскага *ker- з ідэяй росту ўшыркі, а не ўвышкі (> keras «пень; куст»). Адсюль keroti «расці, разрастацца» (прыставачнае už-keroti «зарастаць, абрастаць»), ад іх азёрныя назвы Чэрас, Чаросава, Чарэя, Чэраскія (група азёраў у вярхах ракі Таропы), літоўскія *Kerėsa (> Kerės-upis), Kerotis, Kerūlė.

Назвы звязаныя з зарастаннем вады рачнымі раслінамі.

Гідраграфія

Даўжыня ракі 14 км. Плошча вадазбору 53 км². Сярэдні нахіл воднай паверхні 2,4 ‰. Пачынаецца на захад ад вёскі Лебядзёўка, вусце на паўднёвай ускраіне вёскі Гарадок. На рацэ гарадскі пасёлак Карма.

Літаратура

• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
• Природа Белоруссии: Популярная энциклопедия / Редкол.: И. П. Шамякин (гл. ред.) и др. — 2-е изд. — Мн.: БелСЭ, 1989. — С. 172. — 599 с. — 40 000 экз. — ISBN 5-85700-001-7. (руск.)
• Ліст карты N-36-98. Выданне 1979 г. (руск.)

Спасылкі

• Общая характеристика речной сети Гомельской области (в разрезе районов) // Справочник «Водные объекты Республики Беларусь» Архівавана 8 снежня 2014. (руск.)