Распаўсюджванне COVID-19 у Францыі

З пляцоўкі Вікіпедыя
Jump to navigation Jump to search
Асноўны артыкул: Пандэмія COVID-19
Пацверджаныя выпадкі заражэння па рэгіёнах Францыі (на мільён жыхароў).

Першы выпадак заражэння каронавіруснай інфекцыяй 2019 (COVID-19) у Францыі быў зафіксаваны 24 студзеня 2020 года ў Бардо. Гэта быў першы выпадак заражэння COVID-19 у Еўропе. Заражаным стаў 48-гадовы грамадзянін Францыі, які прыбыў з Кітая. Да канца таго ж дня было пацверджана яшчэ два выпадкі заражэння, усе з тых, хто захварэў нядаўна вярнуліся з Кітая[1].

Першым загінулым ад COVID-19 у Францыі і ў Еўропе ў цэлым стаў кітайскі турыст, шпіталяваны ў Парыжы 28 студзеня і памерлы 14 лютага. Ён таксама стаў першым загінулым ад COVID-19 за межамі Азіі[2][3].

Па стане на 25 сакавіка 2020 году ў Францыі было зарэгістравана 25 233 пацверджаных, з якіх памёр 1331 чалавек і ачуняў 3281 чалавек[4][5].

12 сакавіка 2020 года прэзідэнт Эманюэль Макрон выступіў на тэлебачанні, абвясціўшы аб закрыцці ўсіх школ і універсістэтаў з 16 сакавіка да далейшага паведамлення. На наступны дзень прэм’ер-міністр Францыі Эдуар Філіп абвясціў аб забароне сходаў грамадзян лікам больш за 100 чалавек за выключэннем грамадскага транспарту. Яшчэ праз дзень прэм’ер-міністр абвясціў пра закрыццё ўсіх рэстаранаў, кафэ, кінатэатраў, дыскатэк і многіх магазінаў[6].

16 сакавіка прэзідэнт Макрон ў звароце да нацыі абвясціў аб ўвядзенне «жорсткага каранціну», які прадугледжвае забарону выхаду з дому без неабходнасці, любых масавых сходаў і абмежаванні перасоўванняў людзей унутры краіны. Было таксама было прынята рашэнне аб пераносе другога тура муніцыпальных выбараў у Францыі і аб прыпыненні ўсіх рэформаў, у тым ліку пенсійнай. Акрамя таго, французскія ўлады прынялі рашэнне не спаганяць з людзей плату за камунальныя паслугі з 17 сакавіка 2020 года[7].

Гісторыя[правіць | правіць зыходнік]

24 студзеня 2020 года ў Бардо быў выяўлены першы выпадак захворвання COVID-19 у Францыі і ва ўсёй Еўропе. Заражаным стаў 48-гадовы грамадзянін Францыі, які прыбыў з Кітая 22 студзеня. Ён быў шпіталізаваны ў Універсітэцкі шпіталь Бардо. Пасля станоўчага тэсту на COVID-19 пацыент быў ізаляваны. Улады пачалі расследаванне з мэтай знаходжання людзей, з якім кантактаваў захварэлы пацыент[8].

Да канца дня 24 студзеня было пацверджана яшчэ два выпадкі захворвання ў Парыжы, усе, хто захварэў нядаўна вярнуліся з Кітая[1][9][10]. Захварэўшымі аказаліся 31-гадовы мужчына і яго 30-гадовая партнёрка, якія прыбылі з Кітая 18 студзеня. Яны былі госпитализрованы ў бальніцу Біша—Клода Бернара ў Парыжы[11].

28 студзеня станоўчы тэст на COVID-19 быў выяўлены ў 80-гадовага кітайскага турыста з правінцыі Хубэй. Яго шпіталізавалі ў бальніцу Біша—Клода Бернара[2]. 29 студзеня станоўчы тэст на COVID-19 быў выяўлены ў яго 50-гадовай дачкі, пасля чаго яе ізалявалі ў той жа бальніцы[12]. 14 лютага 80-гадовы кітайскі турыст памёр, стаўшы першым зарэгістраваным памерлым ад COVID-19 у Еўропе[3].

Адмененыя мерапрыемствы[правіць | правіць зыходнік]

29 лютага была адменены запланаваны на 1 сакавіка паўмарафон у Парыжы, у якім павінны былі прыняць удзел 44 тысячы чалавек. Арганізатары ўдакладнілі, што паўмарафон будзе праведзены пазней, але канкрэтную дату назваць не змаглі[13].

13 сакавіка Прафесійная футбольная ліга Францыі абвясціла аб прыпыненні правядзення Лігі 1 і Лігі 2 (двух вышэйшых дывізіёнаў чэмпіянату Францыі па футболе) на нявызначаны тэрмін з-за рызыкі распаўсюджвання COVID-19[14].

Закрыццё культурных устаноў[правіць | правіць зыходнік]

14 сакавіка ў Францыі зачыніліся многія культурныя ўстановы. Так, для наведвання былі зачыненыя Луўр, Цэнтр Пампіду, Эйфелева вежа, Музей Орсе, Версальскі палац[15], Музей сучаснага мастацтва «Замак Монсара»[16], Музей сучаснага мастацтва ў Бардо і Музей цывілізацый Еўропы і Міжземнамор’я ў Марсэлі[17].

Зноскі[правіць | правіць зыходнік]

  1. ↑ 1,0 1,1 Etienne Jacob Coronavirus: trois premiers cas confirmés en France (фр.) . Le Figaro (24 студзеня 2020).
  2. ↑ 2,0 2,1 Wuhan virus: France confirms fourth case of coronavirus in elderly Chinese tourist (фр.) . The Straits Times (29 студзеня 2020). Архівавана з першакрыніцы 20 лютага 2020.
  3. ↑ 3,0 3,1 First coronavirus death confirmed in Europe (англ.) . BBC News (15 лютага 2020). Архівавана з першакрыніцы 19 лютага 2020.
  4. ↑ Infection au nouveau Coronavirus (SARS-CoV-2), COVID-19, France et Monde (фр.) . Santé Publique France.
  5. ↑ Ministère des Solidarités et de la Santé (2020-03-24). Point de situation coronavirus du 24 mars (in fr). Прэс-рэліз.
  6. ↑ Coronavirus: Spain and France announce sweeping restrictions (англ.) . BBC News (15 сакавіка 2020).
  7. ↑ Макрон объявил о жестком карантине во Франции и закрытии внешних границ ЕС (руск.) . Русская служба Би-би-си (16 сакавіка 2020).
  8. ↑ Coronavirus en France : le parcours des trois patients (фр.) . France Info (24 студзеня 2020). Архівавана з першакрыніцы 21 лютага 2020.
  9. ↑ Coronavirus outbreak: First confirmed cases in Europe as France declares two infections (англ.) . Sky News (25 студзеня 2020).
  10. ↑ Coronavirus : deux premières contaminations confirmées en France (фр.) . Le Monde.fr (24 студзеня 2020).
  11. ↑ Coronavirus : deux des onze patients hospitalisés en France sont guéris (фр.) . Le Monde.fr (12 лютага 2020). Архівавана з першакрыніцы 12 лютага 2020.
  12. ↑ Cinquième case averé (фр.) . L'Express (29 студзеня 2020). Архівавана з першакрыніцы 29 студзеня 2020.
  13. ↑ Paris half-marathon canceled because of coronavirus (англ.) . The Washington Post (29 лютага 2020). Архівавана з першакрыніцы 29 лютага 2020.
  14. ↑ Communiqué de la LFP (фр.) . LFP.fr (13 сакавіка 2020).
  15. ↑ Coronavirus: Château de Versailles, Tour Eiffel, Louvre, Centre Pompidou, Musée d'Orsay, Olympia, Châtelet, Théâtre des Champs-Elysées... des fermetures en cascade (фр.) . Franceinfo (13 лютага 2020).
  16. ↑ Montsoreau. Coronavirus : le château fermé à partir du samedi 14 mars (фр.) . Courrier de l'Ouest (13 сакавіка 2020).
  17. ↑ Marseille : le Mucem ferme ses portes (фр.) . LaProvence.com (13 сакавіка 2020).
Узята з "https://be.wikipedia.org/w/index.php?title=Распаўсюджванне_COVID-19_у_Францыі&oldid=3575481"