Юрый Аляксандравіч Рыжко

З Вікіпедыі, свабоднай энцыклапедыі
Футбол
Юрый Рыжко
Поўнае імя Юрый Аляксандравіч Рыжко
Нарадзіўся 10 кастрычніка 1989(1989-10-10)[1] (34 гады)
Грамадзянства  Беларусь
Рост 193 см
Вага 89 кг
Пазіцыя абаронца
Клубная кар’ера[* 1]
2006—2009 Беларусь БАТЭ (Барысаў) 1 (0)
2009 →  Беларусь Смаргонь 13 (0)
2010—2012 Беларусь Тарпеда-БелАЗ (Жодзіна) 38 (2)
2013 Беларусь Слуцк 14 (1)
2013 Узбекістан Бухара 13 (0)
2014—2015 Узбекістан Наўбахор (Наманган) 36 (1)
2015—2016 Беларусь Іслач (Мінскі раён) 35 (2)
2017 Беларусь Нафтан (Наваполацк) 15 (1)
Нацыянальная зборная[* 2]
2008 Беларусь Беларусь (да 19) 2 (0)
2008—2011 Беларусь Беларусь (да 21) 7 (0)
2011 Беларусь Беларусь (алімпійская) 4 (0)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.
  2. ↑ Колькасць гульняў і галоў за нацыянальную зборную ў афіцыйных матчах

Юрый Рыжко (нар. 10 кастрычніка 1989, Мінск) — беларускі футбаліст, абаронца.

Клубная кар’ера[правіць | правіць зыходнік]

Выхаванец мінскай СДЮШАР-5, з 2006 года гуляў за дубль барысаўскага БАТЭ. Другую палову сезона 2009 правёў у арэндзе ў «Смаргоні». У 2010—2012 гадах гуляў за жодзінскае «Тарпеда-БелАЗ».

У сакавіку 2013 года перайшоў у «Слуцк»[2], але ў ліпені 2013 года пакінуў гэты клуб[3] і перайшоў ва ўзбекскую «Бухару», дзе замацаваўся ў асноўным складзе.

У канцы студзеня і пачатку лютага 2014 года знаходзіўся на праглядзе ў салігорскім «Шахцёры», але не падышоў[4]. У выніку сезон 2014 пачаў у складзе наманганскага «Наўбахора»[5].

У жніўні 2015 года вярнуўся ў Беларусь, стаўшы іграком першалігавай «Іслачы»[6]. Разам з камандай выйшаў у Вышэйшую лігу. У сезоне 2016 звычайна гуляў у асноўным складзе «Іслачы» на пазіцыі цэнтральнага абаронцы. Да сезона 2017 рыхтаваўся разам з «Іслаччу», аднак перад пачаткам чэмпіянату не трапіў у заяўку і пакінуў каманду.

У ліпені 2017 года далучыўся да наваполацкага «Нафтана». Дэбютаваў за новы клуб 31 ліпеня ў матчы супраць «Слуцка», дзе забіў гол пасля падачы вуглавога, чым прынёс «Нафтану» перамогу з лікам 1:0. У выніку замацаваўся ў аснове навапалачан, выступаў на пазіцыях цэнтральнага абаронцы і апорнага паўабаронцы. У кастрычніку 2017 года па выніках справы аб дагаварных матчах быў прысуджаны да штрафу ў 11,5 тысяч рублёў[7].

У студзені 2018 года далучыўся да «Смалявічаў»[8]. У складзе каманды ўдзельнічаў у таварыскіх матчах, аднак у лютым 2018 года па выніках справы аб дагаварных матчах атрымаў ад Дысцыплінарнага камітэта АБФФ пажыццёвую дыскваліфікацыю[9], пасля чаго пакінуў «Смалявічы»[10].

Пасля прысуду ад АБФФ некаторы час працаваў сцюардам на матчах «Смалявічаў», таксама спрабаваў працаўладкавацца ў чэмпіянатах Малдовы і Арменіі[11].

Міжнародная кар’ера[правіць | правіць зыходнік]

Гуляў за моладзевыя і алімпійскую зборныя Беларусі.

Дасягненні[правіць | правіць зыходнік]

Статыстыка выступленняў[правіць | правіць зыходнік]

Сезон Дывізіён Клуб Краіна Матчы Галы
2006 дубль БАТЭ Беларусь 9 1
2007 дубль БАТЭ Беларусь 23 1
2008 Д1 БАТЭ Беларусь 1 0
2009 (1) дубль БАТЭ Беларусь 13 2
2009 (2) Д1 Смаргонь Беларусь 13 0
2010 Д1 Тарпеда Беларусь 5 0
2011 Д1 Тарпеда-БелАЗ Беларусь 20 1
2012 Д1 Тарпеда-БелАЗ Беларусь 13 1
2013 (1) Д2 Слуцк Беларусь 14 1
2013 (2) Д1 Бухара Узбекістан 13 0
2014 Д1 Наўбахор Узбекістан 23 1
2015 (1) Д1 Наўбахор Узбекістан 13 0
2015 (2) Д2 Іслач Беларусь 12 0
2016 Д1 Іслач Беларусь 23 2
2017 (2) Д1 Нафтан Беларусь 15 1

Крыніцы[правіць | правіць зыходнік]

  1. ↑ Yuri Ryzhko // Transfermarkt — 2000. Праверана 9 кастрычніка 2017.
  2. ↑ Футбол. Юрий Рыжко подписал контракт со "Слуцком", а Денис Паречин пополнил ряды "Звезды"-БГУ (руск.)(недаступная спасылка). pressball.by (27 сакавіка 2013). Архівавана з першакрыніцы 30 сакавіка 2013.
  3. ↑ Юрий Рыжко покинул "Слуцк" (руск.). football.by (31 ліпеня 2013). Праверана 17 красавіка 2024.
  4. ↑ Рыжко, Пидвирный и Ярославский не подошли «Шахтеру» (руск.). by.tribuna.com.
  5. ↑ "Навбахор": Представлены новобранцы (фотогалерея) (руск.). championat.asia (13 сакавіка 2014). Праверана 17 красавіка 2024.
  6. ↑ Юрий Рыжко сменил узбекский "Навбахор" на "Ислочь" (руск.). football.by (15 жніўня 2015). Праверана 17 красавіка 2024.
  7. ↑ "Дело о договорных матчах". От 4 до 40 тысяч евро штрафа, до 3 лет ограничения свободы (руск.)(недаступная спасылка). pressball.by (12 кастрычніка 2017). Архівавана з першакрыніцы 13 снежня 2021. Праверана 20 кастрычніка 2018.
  8. ↑ Рыжко перешел в «Смолевичи» (руск.). by.tribuna.com.
  9. ↑ Футбол. БФФ пожизненно дисквалифицировала 12 фигурантов договорных матчей (руск.)(недаступная спасылка). pressball.by (20 лютага 2018). Архівавана з першакрыніцы 13 снежня 2021. Праверана 5 сакавіка 2018.
  10. ↑ «Будем готовить апелляцию по Макару и Папушу». АБФФ наказала даже тех, к кому не имели претензий силовики (руск.). by.tribuna.com.
  11. ↑ Дело о “договорняках”. “Друзья-однополчане”, где же вы теперь? (руск.)(недаступная спасылка). pressball.by (15 кастрычніка 2018). Архівавана з першакрыніцы 13 снежня 2021. Праверана 20 кастрычніка 2018.
Узята з "https://be.wikipedia.org/w/index.php?title=Юрый_Аляксандравіч_Рыжко&oldid=4713901"