Белкамунмаш
BKM Holding (раней — БелКамунМаш) — беларускі вытворца грамадскага электратранспарту.
Прадпрыемства ажыццяўляе распрацоўку, вытворчасць і рэалізацыю, мадэрнізацыю і тэхнічнае абслугоўванне тралейбусаў, трамваяў, электробусаў, грузавых электрамабіляў і зарадных станцый[1].
_2.jpg)
Гісторыя
[правіць | правіць зыходнік]У пачатку 1960-х гадоў у СССР сталі стварацца спецыялізаваныя заводы па рамонце трамваяў і тралейбусаў.
Мінскі рамонтны трамвайна-тралейбусны завод быў уведзены ў строй 1 ліпеня 1973 года. Асноўная спецыялізацыя — аднаўленне тралейбусаў тыпу ЗІУ-682Б для абласных гарадоў Беларускай ССР, Кішынёва, Вінніцы, Курска і інш.
У 1978 г. завод адрамантаваў свой 1000-ы тралейбус, а ў 1982 г. — 2000-ы. Пасля рэканструкцыі ў 1985—1987 гг. Белрамкамунмаш штогод рамантаваў да 400 машын.
Прадпрыемства было шматфункцыянальным і акрамя рамонту трамваяў і тралейбусаў выпускала тавары народнага спажывання, сродкі механізацыі і прадукцыю камунальнай прызначэння.
У 1993 годзе калектыў Белрамкамунмаша прыступіў да рэалізацыі дзяржаўнай праграмы развіцця гарадскога электрычнага транспарту ў Беларусі. У самыя кароткія тэрміны КБ завода падрыхтавала да вытворчасці тралейбус уласнай распрацоўкі. Першая мадэль сышла з канвеера ў 1994 г. — тралейбус АКСМ-101 (БКМ-101), які меў традыцыйную рэастатна-кантактарную сістэму кіравання (РКСК) і знешне мала адрозніваўся ад ЗіУ-9.
Праз два гады пасля асваення тралейбусаў АКСМ-101 была пачата вытворчасць АКСМ-201 (БКМ-201) з новым дызайнам кузава. У канструкцыі кузава ўпершыню былі скарыстаны элементы са шклапластыка.
Канец 1990-х гадоў стаў для завода пераходным этапам ад капітальнага рамонту да выпуску новых тралейбусаў, тады ж прадпрыемства пазбавілася ад слова «рамонтны» у сваёй назве і стала называцца ВА «Белкамунмаш».
Акрамя тралейбусаў у 2001 годзе завод выпусціў першы трамвайны вагон АКСМ-60102 з тырыстарна-імпульснай сістэмай кіравання і двума маторнымі каляскамі. Праз год выпусцілі трохсекцыйны 26-мятровы трамвай АКСМ-743 з пераменным узроўнем падлогі і шасцю дзвярыма.
Нараўне з асноўнай вытворчасцю ў той час Белкамунмаш выпускае аўтамабілі хуткага рэагавання АБР-0, 6 / 100 (ЗіЛ-5301), машыны лесапажарнай аховы першага ходу МЛ-10 («Беларус-356»), пажарную аўтацыстэрну АЦ-30 (МАЗ-54342) і іншую прадукцыю для дарожных, камунальных і будаўнічых работ[2].
З чэрвеня 2022 года прадпрыемства знаходзіцца ў санкцыйных спісах ЕС і Швейцарыі[3].
Прадукцыя
[правіць | правіць зыходнік]Электробусы
[правіць | правіць зыходнік]Трамваі
[правіць | правіць зыходнік]Тралейбусы
[правіць | правіць зыходнік]- АКСМ-100 — маласерыйны прататып
- АКСМ-101 — тралейбус першага пакалення
- АКСМ-201 — тралейбус другога пакалення
- АКСМ-203 — нізкападлогавы тралейбус, уніфікаваны з МАЗ-203Т
- АКСМ-213 — сучленены тралейбус другога пакалення
- АКСМ-221 — нізкападлогавы тралейбус, уніфікаваны з МАЗ-103Т
- АКСМ-321 — нізкападлогавы тралейбус трэцяга пакалення
- АКСМ-333 — сучленены трохвосевы нізкападлогавы тралейбус трэцяга пакалення
- АКСМ-420 — нізкападлогавы тралейбус чацвёртага пакалення
- АКСМ-433 — нізкападлогавы трохвосевы тралейбус чацвёртага пакалення
У снежні 2007 на прадпрыемстве быў выпушчаны 1500-ы тралейбус. Ім быў АКСМ-321, які паступіў у 5 тралейбусны парк пад нумарам 5401, які адрозніваецца новай святлатэхнікай.
Дуобусы
[правіць | правіць зыходнік]АКСМ-43303А [4] — сумесны з Stadler Rail AG праект, быў прадстаўлены 30 мая 2013 у Жэневе[5].
Спецыяльная тэхніка
[правіць | правіць зыходнік]- АЦ-30(5434) — пажарная аўтацыстэрна
- АЦ-40(5337) — пажарная аўтацыстэрна
- МЛ-10(356) — машына лесапажарнай аховы першага ходу
- АБР-0,6/100(5301ГА) — пажарны аўтамабіль хуткага рэагавання
Зноскі
- ↑ О компании (руск.)
- ↑ «Грузавік Прэс» № 5/2007
- ↑ Швейцарыя далучылася да санкцый Еўрасаюза супраць Беларусі і Расіі. Новы Час (10 чэрвеня 2022).
- ↑ «Белкоммунмаш» сертифицирует свою новейшую модель троллейбуса (руск.)
- ↑ ОАО "Управляющая компания холдинга «Белкоммунмаш» совместно со своим партнёром «Stadler Rail AG» представили новинку — сочленённый трёхосный троллейбус модели 43303А VITOVT MAX DUO (руск.)
Спасылкі
[правіць | правіць зыходнік]- БелКоммунМаш — Афіцыйны сайт Архівавана 28 студзеня 2010. (руск.)
 | |
|---|---|
| Тралейбусы | |
| Трамваі | |
| Электробусы | |
| Аўтобусы | |
| Дуобусы | |
| Грузавыя аўтамабілі і спецыяльная тэхніка |
|
| Рэйкавыя аўтобусы | |
