Казімір Францкевіч-Радзімінскі

Казімір Францкевіч-Радзімінскі
Герб «Бродзіц»
Надворны падскарбі літоўскі 1689 — 1694
Папярэднік	Казімір Уладзіслаў Сапега
Пераемнік	Жыгімонт Віктар Дэнгаф
Нараджэнне	1 сакавіка 1638(1638-03-01) Вільня, Віленскі павет, Віленскае ваяводства, Вялікае Княства Літоўскае, Рэч Паспалітая
Смерць	23 жніўня 1694(1694-08-23) (56 гадоў)
Род	Францкевічы-Радзімінскія
Бацька	Міхал Францкевіч-Радзімінскі
Маці	Ганна Кляноўская
Жонка	Аляксандра з Нарушэвічаў

Казімір Францкевіч-Радзімінскі (1 сакавіка 1638, Вільня — 23 жніўня 1694) — дзяржаўны дзеяч Вялікага Княства Літоўскага.

Біяграфія

Паходзіў са шляхецкага роду Францкевічаў-Радзімінскіх герба «Бродзіц». Сын Міхала, стольніка полацкага, і Ганны Кляноўскай.

Падчашы менскі, лідскі падкаморы з 1674 і староста з 1679, падскарбі надворны ВКЛ з 1689; маршалак Трыбуналу ВКЛ у 1682, 1688 і 1693; староста крэўскі.

Заснаваў кляштар кармелітаў у Жалудку, базыльянскі манастыр ва Ушачах.

Сям’я

Быў жанаты з Аляксандрай, дачкой Яна Нарушэвіча.

Літаратура

• Пазднякоў В. Францкевічы-Радзімінскія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 705. — 792 с. — ISBN 985-11-0378-0 (т. 2), ISBN 985-11-0315-2.