Дзмітрый Халецкі

Дзмітрый Халецкі
герб «Халецкі»[d]
Нараджэнне	каля 1550
Смерць	студзень 1598
Род	род Халецкіх[d]
Бацька	Есіф Халецкі
Маці	Фядота з Копцяў[d]
Жонка	Рэгіна з Дыбоўскіх[d]
Дзеці	Мікалай Халецкі і Аляксандр Халецкі

Дзмітрый Есіфавіч Халецкі (Дзмітрый Іосіфавіч; каля 1550 — да 20 студзеня 1598)  — ураднік Вялікага Княства Літоўскага.

Біяграфія

Паходзіў са шляхецкага роду Халецкіх герба «Халецкі». Сын Есіфа Міхайлавіча. Мечнік вялікі літоўскі ў 1579—1588 гадах, падскарбі дворны ў 1588—1590 гадах, падскарбі земскі і пісар літоўскі з 1590 года. Вызначыўся добрым кіраваннем скарбам Вялікага Княства Літоўскага. Маршалак сойма 1589 года. Быў каралеўскім камісарам пры падпісанні Берасцейскай уніі 1596 года.

Сям’я

У шлюбе з Рэгінай з Дыбоўскіх. Дзеці:

• Мікалай Крыштаф (каля 1589—1653), ваявода новагародскі;
• Аляксандр (? — 1651);
• сын;
• сын;
• дачка (1592).

Літаратура

• Вяроўкін-Шэлюта У. Халецкія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 711. — 792 с. — ISBN 985-11-0378-0 (т. 2), ISBN 985-11-0315-2.