Солтан Аляксандравіч

З пляцоўкі Вікіпедыя
Jump to navigation Jump to search
Солтан Аляксандравіч
POL COA Sołtan.svg
Герб уласны «Солтан»
2-і Земскі падскарбі літоўскі
1473 — 1486
Папярэднік: Аляксандр Юр'евіч
Пераемнік: Андрэй Аляксандравіч Солтан
 
Смерць: 1495
Дынастыя: Род Солтанаў
Бацька: Аляксандр Юр'евіч
Дзеці: Аляксандр, Ганна, Марыя

Солтан Аляксандравіч (? — 1495) — дзяржаўны дзеяч Вялікага Княства Літоўскага, дыпламат.

Падарожжа[правіць | правіць зыходнік]

20 красавіка 1467 вялікі князь Казімір даручыў Солтану Аляксандравічу адправіцца з дыпламатычнай місіяй у еўрапейскія краіны. Солтан прыбыў да імператара Фрыдрыха III, быў пры двары Фердынанда Арагонскага і нават дамогся аўдыенцыі Папы Рымскага Паўла II, які добра прыняў ліцвіна (нават нягледзячы на тое, што ён быў праваслаўным). Пасля быў у Іерусаліме, Мілане, Партугаліі. Некаторы час затрымаўся пры двары бургундскага герцага Карла Смелага, які прызначыў яго сваім шамбялянам, потым адправіўся ў Англію да караля Эдуарда IV. Вярнуўся на радзіму каля 1476 года.

Дзяржаўная дзейнасць[правіць | правіць зыходнік]

Пасля вяртання стаў падскарбім земскім (да 1486), быў гаспадарскім маршалкам (1482—1493), намеснікам слонімскім і новагародскім (1486—1487), бельскім (з 1493). Пасол у Маскву у 1486 і 1492. У 1493 атрымаў ад вялікага князя Аляксандра маёнтак Жыровічы, дзе пабудаваў царкву, у якой захоўваўся Жыровіцкі абраз Маці Божай.

Сям'я[правіць | правіць зыходнік]

Сын земскага падскарбія Аляксандра Юр'евіча. Ад імя Солтана Аляксандравіча стаў называцца ўвесь род Солтанаў. Меў сына Аляксандра, дачок Ганну і Марыю.

Зноскі

Літаратура[правіць | правіць зыходнік]

Спасылкі[правіць | правіць зыходнік]