Марцыян Трызна

Марцыян Трызна
польск.: Marcjan Tryzna
Марцыян Трызна. Невядомы мастак, 1643
Газдава
10-ы падканцлер літоўскі 30 жніўня 1641 — 17 мая 1643
Папярэднік	Стэфан Пац
Пераемнік	Казімір Леў Сапега
6-ы рэферэндар вялікі духоўны літоўскі 18 сакавіка 1631 — 30 жніўня 1641
Папярэднік	Ян Кароль Белазор
Пераемнік	Францішак Далмат-Ісайкоўскі
біскуп-каад’ютар віленскі 1638 — 1643
пісар вялікі духоўны літоўскі 15 студзеня 1628 — 30 жніўня 1641
Папярэднік	Крыштаф Стэфан Сапега
Пераемнік	Францішак Далмат-Ісайкоўскі
Нараджэнне	каля 1598
Смерць	17 мая 1643(1643-05-17) ці каля ліпень 1643 Берасце, Берасцейскі павет, Берасцейскае ваяводства, Вялікае Княства Літоўскае, Рэч Паспалітая
Месца пахавання	Касцёл Святога Яна Хрысціцеля і кляштар бернардзінцаў у Брэсце
Род	Трызны
Бацька	Рыгор Рыгоравіч Трызна[d]
Маці	Раіна з Сапегаў[d]
Веравызнанне	Каталіцкая Царква

Марцыян Трызна (? — 17 мая або 2 жніўня 1643) — рымска-каталіцкі і дзяржаўны дзеяч ВКЛ.

Біяграфія

Паходзіў са шляхецкага роду Трызнаў герба «Газдава», сын Рыгора Трызны, маршалка слонімскага, і Раіны Сапегі, дачкі менскага ваяводы Багдана Сапегі. Меў братоў Гедэона Міхала, Мікалая і Паўла Пятра.

Канонік віленскі ад 1620, адначасова пісар духоўны літоўскі у 1628—1641, пробашч троцкі, геранёнскі, рэферэндар духоўны літоўскі ў 1631—1641, біскуп-каад'ютар віленскі ад 1638, біскуп-суфраган беларускі ад 1639. Падканцлер літоўскі з 1641.

Паводле Нясецкага добра валодаў грэчаскай мовай. У 1633 быў дэлегатам на сойм для карэктавання Статута Вялікага Княства Літоўскага, браў удзел у складанні Палянаўскага міру з Маскоўскай дзяржавай (1634).

Памёр 17 мая або 2 жніўня 1643. Пахавалі Марцыяна Трызну, згодна з яго апошняй воляй, у касцёле бернардзінцаў у Берасці.

Літаратура

• Насевіч В. Трызны // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 674. — 792 с. — ISBN 985-11-0378-0 (т. 2), ISBN 985-11-0315-2.