Сцяпан Казіміравіч Майхровіч

Сцяпан Казіміравіч Майхровіч
Дата нараджэння	21 чэрвеня 1908(1908-06-21)
Месца нараджэння	Старэва, Слуцкі павет, Мінская губерня, Расійская імперыя
Дата смерці	1 ліпеня 1981(1981-07-01) (73 гады)
Месца смерці	Мінск, БССР, СССР
Грамадзянства	Расійская імперыя  БССР
Род дзейнасці	літаратуразнавец, журналіст
Месца працы	Інстытут мастацтвазнаўства, этнаграфіі і фальклору імя Кандрата Крапівы НАН Беларусі
Навуковая ступень	кандыдат філалагічных навук
Альма-матар	БДПУ
Член у	Саюз пісьменнікаў Беларусі Саюз беларускіх пісьменнікаў

Сцяпа́н Казіміравіч Майхро́віч (21 чэрвеня 1908, паселішча Старэва, Слуцкі раён — 2 ліпеня 1981, Мінск) — беларускі крытык, літаратуразнавец. Кандыдат філалагічных навук (1959).

Біяграфія

Нарадзіўся ў польскай сям’і. У дваццацігадовым узросце ўступіў у ВКП(б). З 1 кастрычніка 1940 года галоўны рэдактар польскамоўнай газеты «Сцяг свабоды» («польск.: Sztandar Wolności»), які выходзіў у Мінску.

У 1941 годзе скончыў Мінскі педінстытут. У 1941—1943 гадах працаваў у Маскве галоўным рэдактарам Цэнтральнага беларускага вяшчання.

З 1943 года накіраваны на фронт, ваяваў у партызанах. Быў членам падпольнага райкома КП(б)Б у Беластоку, рэдактарам газеты "Беластоцкая праўда

У 1959—1970 гадах працаваў старшым навуковым супрацоўнікам Інстытута мастацтвазнаўства, этнаграфіі і фальклору АН Беларусі. Член Саюза пісьменнікаў Беларусі з 1947 года.

Аўтар кніжак пра Францыска Скарыну, Янку Лучыну. Даследаваў фалькларыстыку, апублікаваў кнігу нарысаў па гісторыі беларускай дакастрычніцкай літаратуры, даследаванні «„Слова пра паход Ігаравы“ і беларуская літаратура», «Гісторыю старажытнай беларускай літаратуры» і інш.

Літаратура

• Памяць: Гіст.-дакум. хроніка Мінска. У 4 кн. Кн. 1-я. — Мн.: БЕЛТА, 2001. — 576 с.: іл. — ISBN 985-6302-33-1.